Հա

Համայնք

24/01/2015

Ս. Ծննդեան տօնի առիթով հայ-ասորի միացեալ պաշտամունք Թաւրիզում

2014 թ. երեքշաբթի, դեկտեմբերի 30-ի երեկոյեան Թաւրիզի Ասորի Աւետարանական եկեղեցում տեղի ունեցաւ միացեալ պաշտամունք Ս. Ծննդեան տօնի առիթով, մասնակցութեամբ Ատրպատականի հայոց թեմի առաջնորդ Տ. Գրիգոր եպս. Չիֆթճեանի, Թաւրիզի հոգեւոր հովիւ Տ. Առաքել քհնյ. Տմտմեանի, Իրանում Աստւածաշնչական ընկերակցութեան ատենադպիր՝ վեր. Սարգիս Բենիամինի, Ուրմիայի Ասորի Աւետ. եկեղեցու հովիւ Իլիա Եադգարի եւ Թեհրանից ժամանած վեր. Սաֆարեանի:

Ատրպատական, ազգային առաջնորդարան - 2014 թ. երեքշաբթի, դեկտեմբերի 30-ի երեկոյեան Թաւրիզի Ասորի Աւետարանական եկեղեցում տեղի ունեցաւ միացեալ պաշտամունք Ս. Ծննդեան տօնի առիթով, մասնակցութեամբ Ատրպատականի հայոց թեմի առաջնորդ Տ. Գրիգոր եպս. Չիֆթճեանի, Թաւրիզի հոգեւոր հովիւ Տ. Առաքել քհնյ. Տմտմեանի, Իրանում Աստւածաշնչական ընկերակցութեան ատենադպիր՝ վեր. Սարգիս Բենիամինի, Ուրմիայի Ասորի Աւետ. եկեղեցու հովիւ Իլիա Եադգարի եւ Թեհրանից ժամանած վեր. Սաֆարեանի:

Միջեկեղեցական բնոյթ կրող սոյն արարողութեանը ներկայ գտնւեցին Պատգամաւորական ժողովի եւ Թեմական խորհրդի անդամներ, հայ եւ ասորի համայնքների հաւատացեալ զաւակներ, ինչպէս նաեւ Ուրմիայից ժամանած հոգեւոր երգչախումբ, որը կատարում էր եկեղեցական երգերը ասորերէն եւ հայերէն լեզուներով:

Բացման աղօթքը կատարեց վեր. Սարգիս Բենիամինը, անդրադառնալով այն մեծ խորհրդին, որը յայտնւեց մարդկութեան, Բեթղեհէմի անշուք մսուրից ճառագայթելով: Ապա տեղի ունեցաւ Աւետարանի ընթերցումը՝ Ղուկաս Աւետարանի Ս. Ծննդեան հատւածից, եւ կատարւեց դրա մեկնաբանութիւնը վեր. Իլիա Եադգարի միջոցով:

150124e01a

Օրւայ խորհրդածական քարոզը տւեց Ատրպատականի հայոց թեմի առաջնորդը: Սրբազան Հայրը Յիսուսի տրւած «Էմմանուէլ» անւան բացատրականով, ցոյց տւեց թէ Միածինը իր անւան տէրը դարձաւ ծնունդից մինչեւ իր վախճանը, երբ Համբարձման պահին իր աշակերտներին ասաց թէ՝ ձեզ հետ եմ լինելու մինչեւ աշխարհի վերջը: Ուրեմն, «Էմմանուէլ՝ Աստւած մեզ հետ իր անունը, մեր Տէրը գործնապէս իրականացրեց իր երկրաւոր կեանքի ընթացքում, երբ միշտ մարդկանց հետ եղաւ, ու խոստացաւ իր հետեւորդներին՝ մինչեւ աշխարհի վախճանը լինել իրենց հետ»: Ապա, Սրբազան Հայրն անդրադարձաւ աշխարհում տեղի ունեցող պատերազմական իրավիճակներին, եւ ասաց, թէ ամենից աւելի վատ կացութիւններում չպիտի մոռանալ Տիրոջ խոստումը, տրւած իր հետեւորդներին, թէ՝ Նա երբեք մեզ չի՛ լքելու:

150124e01b

Իր քարոզի աւարտին, Սրբազան Հայրը շնորհաւորեց Ասորի համայնքի զաւակների Նոր տարին եւ Ս. Ծնունդը, մաղթելով, որ երկնապարգեւ խաղաղութիւնը տիրի համայն աշխարհին, եւ մեր Տէրը իր խոստումի համաձայն միշտ բոլորի հետ լինի:

Այս առիթով, Ասորի համայնքի հոգեւորականաց դասը յատուկ յուշանւէր յանձնեց Սրբազան Հօրը, ինչպէս նաեւ շնորհակալութիւն յայտնեց Թեմական խորհրդին, Թաւրիզում Ասորի համայնքին ընծայած բոլոր դիւրութիւնների եւ օժանդակութիւնների համար: Սրբազան Հօր «Պահպանիչ» աղօթքով վերջ գտաւ եկեղեցական արարողութիւնը:

150124e01c

 Աւարտին, Կիրակնօրեայ դպրոցի աշակերտութեանը ուրախացնելու համար ժամանեց Ձմեռ պապը, նւէրներ բաշխելով ե՛ւ փոքրերին ե՛ւ մեծերին:

Յարակից լուրեր

  • Ատրպատականի հայոց թեմի առաջնորդը Ղարադաղի Խանագահ գիւղում
    Ատրպատականի հայոց թեմի առաջնորդը Ղարադաղի Խանագահ գիւղում

    Շարունակելով իր հետազօտական եւ տեղագրական արշաւը Ատրպատականի թեմի տարածքում, թեմակալ առաջնորդ գերշ. Տ. Գրիգոր Ս. եպս. Չիֆթճեանը հասաւ Ղարադաղի ամէնից աւելի հայաշատ գիւղերից՝ Խանագահ, որտեղ գտնւում է Սբ. Ստեփանոս պատմական եկեղեցին, ինչպէս նաեւ «Ազիզեան-Մնացականեան» հայոց դպրոցի աւերակը եւ գիւղի գերեզմանատունը: 

    6 յունիս 2018-ին, առաջնորդ Սրբազանի Խանագահ գիւղ այցելութեան մանրամասնութիւնները ստորեւ ներկայացնում ենք, ի՛ր գրչով:

  • Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը
    Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը

    Պաշտօնական յատուկ նամակով, ուղղւած Նորին Սուրբ Օծութիւն Տ.Տ. Արամ Ա կաթողիկոսին Մեծի Տանն Կիլիկիոյ, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը որդիական զգացմունքով շնորհաւորեց Վեհափառ Հայրապետի քահանայագործութեան 50-ամեայ յոբելեանը, որը գեղեցիկ դիպւածով զուգադիպում է Հայաստանի Հանրապետութեան անկախութեան փառապանծ տօնին:

  • Ատրպատականի հայոց թեմի առաջնորդը Ղարադաղում
    Ատրպատականի հայոց թեմի առաջնորդը Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կառոյցների ներկայ իրավիճակի մասին ուսումնասիրական նիւթերի առաջին հատորը հրատարակելուց յետոյ, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը շարունակում է իր պրպտողական աշխատանքը թեմի տարբեր շրջաններում, ուսումնասիրելով, չափագրելով եւ լուսանկարելով բոլոր այն մասունքները՝ կանգուն եւ խոնարհւած եկեղեցիներ, մատուռներ, սրբավայրեր, դպրոցներ եւ այլ կառոյցներ, որոնք թեմի պատմութեան անմոռաց յուշերն են կազմում:

  • Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում
    Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում

    Շաբաթ, 2 յունիս 2018-ի երեկոյեան ժամը 6-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի նախագահութեամբ, առաջնորդարանի «Էմիլ Յակոբեան» դահլիճում տեղի ունեցաւ հանդիպում, Թեմական խորհրդի եւ Իրանի եկեղեցիների պետական հիմնարկութեան տնօրէն ճարտարապետ Շերլի Աւետեանի միջեւ: Սոյն հանդիպման ներկայ գտնւեցին նաեւ Ատրպատականի վանքերի ուխտագնացութեան յանձնախմբի վարչական անդամներ:

  • Իրանահայ բանաստեղծ Վարանդը այցելեց Ատրպատականի առաջնորդարան
    Իրանահայ բանաստեղծ Վարանդը այցելեց Ատրպատականի առաջնորդարան

    Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։