Հա

Համայնք

03/10/2016 - 10:00

Վերամուտ՝ Ուրմիայի հայոց ազգ. «Մասիհա» դպրցի 2016-2017 կրթական տարեշրջանի

Շաբաթ, սեպտեմբերի 24-ի առաւօտեան ժամը 8-ին, Ուրմիայի «Մասիհա» ազգ. դպրոցի առաջին զանգը հնչեց, 2016-2017 ուսումնական-կրթական տարեշրջանի սկիզբը ազդարարելով:
Դպրոցի մուտքին, տեսչուհի Ադրինէ Մեջլումեանը ուսուցչակազմի հետ միասին, դիմաւորեց Ուրմիայի հոգեւոր հովիւ Տ. Ներսէս քհնյ. Պասիլեանին եւ Ուրմիայի Գործակալական խորհրդին, ովքեր եկել էին ներկայ գտնւելու դպրոցի պաշտօնական բացման հանդիսութեանը:

Ատրպատական, ազգային առաջնորդարան - Շաբաթ, սեպտեմբերի 24-ի առաւօտեան ժամը 8-ին, Ուրմիայի «Մասիհա» ազգ. դպրոցի առաջին զանգը հնչեց, 2016-2017 ուսումնական-կրթական տարեշրջանի սկիզբը ազդարարելով:
Դպրոցի մուտքին, տեսչուհի Ադրինէ Մեջլումեանը ուսուցչակազմի հետ միասին, դիմաւորեց Ուրմիայի հոգեւոր հովիւ Տ. Ներսէս քհնյ. Պասիլեանին եւ Ուրմիայի Գործակալական խորհրդին, ովքեր եկել էին ներկայ գտնւելու դպրոցի պաշտօնական բացման հանդիսութեանը:
Դպրոցի շրջափակում հաւաքւած աշակերտութեանը եւ հիւրերին բարիգալստեան խօսք ուղղեց «Մասիհա» դպրոցի տեսչուհի՝ Ադրինէ Մեջլումեանը, բարեյաջող ու անփորձանք տարի մաղթելով բոլորին: Ապա, տեսչուհին հրաւիրեց քահանայ հօրը, որպէսզի Տէրունական աղօթքը փոխանցի եւ ապա ընթերցի Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի խօսքը, տարեշրջանի բացման առիթով:
161003d02aՍրբազան Հայրը հայրական սիրով ողջունում էր բոլորին եւ յատկապէս աշակերտութեանը, ովքեր ամռան արձակուրդից յետոյ նոր եռանդով էին վերադարձել իրենց իմացական հարստութեան շտեմարանը՝ հայ դպրոցը: Նաեւ Սրբազան Հայրը ողջունում էր տեսչութեանը եւ ուսուցչակազմին, ծանրագոյն պարտականութիւնը պատւով տանելու մաղթանքով. «Վստահ եղէք, թէ ձեր կատարած նւիրեալ աշխատանքը, զոհաբերութիւն եւ անձնւիրութիւնը իր արդիւնքը ունենալու է շուտով: Դպրոցը տունի դաստիարակութեան շարունակութիւնն է, ասում ենք, եւ ճիշտ է, որովհետեւ դուք ամէն օր մինչեւ կէսօր երկրորդ ծնող էք դառնում այս աշակերտութեան: Նրանք ձեզ նայում են իբրեւ հարազատներ: Այն ինչ-որ տաք ձեր հոգուց ու մտքից, նրանք ընդունելու են սիրով, որովհետեւ վստահում են ձեզ, ինչպէս վստահում են իրենց ծնողներին: Աստծու հանդէպ հաւատքը, մեր եկեղեցու ու ազգի հանդէպ սէրը դո՛ւք էք սերմանելու այս երեխաների հոգում: Վստահ եղէք, թէ ձեր կողքում ենք բոլորս», ասել էր Սրբազան Հայրը իր պատգամում:
Բարեմաղթանքի խօսքն ասելու հրաւիրւեց նաեւ Գործակալական խորհրդի ատենապետ՝ Փայլակ Սահակեանը: Նա իր խօսքն ուղղելով աշակերտութեանը, շեշտեց, որ նրանց պարտականութիւնը միայն ու միայն սովորելն է կրթւելու համար, որպէսզի մի օր կարողանան իբրեւ հայեր, ծառայել ազգին ու հայրենիքին:
Հանդիսաւոր բացման արարողութեան աւարտին, տեսչուհին մէկ անգամ եւս շնորհակալութիւն յայտնեց հիւրերին եւ ուսուցչական կազմի անդամներին, ամբողջ տարւայ ընթացքում համագործակցութեան ջերմ յոյսով: Ապա, տեսչարանում տեղի ունեցաւ հիւրասիրութիւն, որի ընթացքում արծարծւեցին դպրոցի առաջիկայ ծրագրերին առնչւող հարցեր:
Աշակերտութեան խանդավառութիւնը ինքնին փաստն էր այն իրողութեան, որ նրանք մեծ սիրով եւ հաճոյքով վերադարձել են դպրոց, ու եռանդով սկսելու են 2016-2017 կրթական տարին:

Յարակից լուրեր

  • Առաջին զանգը հնչեց Ատրպատականի հայոց թեմի կրթօջախներում
    Առաջին զանգը հնչեց Ատրպատականի հայոց թեմի կրթօջախներում

    Կիրակի, 23 սեպտեմբեր 2018-ին, Իրանի Իսլամական Հանրապետութիւնում բոլոր կրթօջախները վերաբացեցին իրենց դռները կրթական նախարարութեան կողմից յայտարարւած վերամուտի թւականի հետեւողութեամբ, առաջին զանգով 2018-2019 ուսումնական-կրթական տարեշրջանի սկսման ազդանշանը տալով: 

  • Ատրպատականի հայոց թեմի առաջնորդ. «Ինչո՞ւ ենք վախենում աշխարհի ալեկոծութիւնից երբ նաւապետը Յիսուս ի՛նք է»
    Ատրպատականի հայոց թեմի առաջնորդ. «Ինչո՞ւ ենք վախենում աշխարհի ալեկոծութիւնից երբ նաւապետը Յիսուս ի՛նք է»

    Կիրակի, 26 օգոստոս, 2018-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը քարոզեց Ուրմիոյ ծխական Սբ. Ստեփանոս եկեղեցում, ուրմիահայ հաւատացեալների հետ աղօթակից լինելով կիրակնօրեայ ս. պատարագում, որը մատոյց Ուրմիոյ ծխատէր՝ արժ. Տ. Ներսէս քհնյ. Պասիլեանը: 

  • Ատրպատականի հայոց թեմի առաջնորդը ընդունեց Ուրմիոյ հոգեւոր հովւին եւ ատենապետին
    Ատրպատականի հայոց թեմի առաջնորդը ընդունեց Ուրմիոյ հոգեւոր հովւին եւ ատենապետին

    Երեքշաբթի, 21 օգոստոս 2018-ի առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը իր գրասենեակում ընդունեց, Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանին եւ Գործակալութեան ատենապետի պաշտօնակատար Գասպար Տիգրանեանին, որոնք Ուրմիահայութեան անունից բարի գալուստ մաղթեցին Սրբազան Հօրը, Միացեալ Նահանգների իր առաքելութիւնից վերադարձի առիթով: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • «Անի» գեղարւեստական միաւորի կազմակերպած Ապրիլեան նահատակաց տօնը՝ Ուրմիայում
    «Անի» գեղարւեստական միաւորի կազմակերպած Ապրիլեան նահատակաց տօնը՝ Ուրմիայում

    26 ապրիլ, 2018-ին, Ուրմիոյ Սբ. Ստեփանոս եկեղեցու «Արամ Մանուկեան» հանդիսրահում, Հայոց Ցեղասպանութեան նահատակների ոգեկոչման 103-րդ տարելիցի յիշատակին տեղի ունեցած ծրագիրների շարքը եզրափակւեց, Հ.Օ.Մ.-ի Ուրմիոյ մասնաճիւղի հովանաւորութեան տակ գործող «Անի» գեղարւեստական միաւորի կազմակերպած մշակութային ձեռնարկով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։