Հա

Համայնք

04/10/2016 - 10:20

Ս. Ստեփանոս Նախավկայ վանքի տաճարի վերանորոգման աշխատանքները շարունակւում են

Չորեքշաբթի 28 սեպտեմբերի 2016-ին, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը մեկնեց Դարաշամբ, Ջուլֆա քաղաքը, տեղեկանալու Ս. Ստեփանոս վանքի տաճարի վերանորոգութեան ներկայ փուլի աշխատանքների մասին:

Ատրպատական, ազգային առաջնորդարան - Չորեքշաբթի 28 սեպտեմբերի 2016-ին, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը մեկնեց Դարաշամբ, Ջուլֆա քաղաքը, տեղեկանալու Ս. Ստեփանոս վանքի տաճարի վերանորոգութեան ներկայ փուլի աշխատանքների մասին:
Յիշեցնենք, որ շուրջ երկու ամիսներ առաջ, Իրանի մշակութային ժառանգութեան եւ Իրանի եկեղեցիների պահպանման պետական հիմնարկութեան միացեալ ջանքերով, ու Ատրպատականի հայոց թեմի հսկողութեամբ, նախաձեռնւել էր տաճարի վերանորոգութիւնը: Իրանի եկեղեցիների պետական հիմնարկութեան տնօրէն՝ Շերլի Աւետեանի անմիջական հետեւողութեամբ, սոյն աշխատանքի համար նշանակւել էր հայրենի վերակառուցող վարպետ Մարտիրոս Չալումեանը:
161004d03aՏաճարի վերանորոգութեան աշխատանքի ձեռնարկման հիմնական պատճառ էր հանդիսացել, տանիքի արեւմտեան մասում բացայայտ երեւացող խոնաւութիւնը, որի ազդեցութիւնը հասնում էր մինչեւ հիմքերը: Ուստի, Ճարտարապետական խորհրդի որոշումով, տաճարի արեւմտեան տանիքի քարերը բացւեցին, որտեղից դատարկւեց մեծ քանակութեամբ խոնաւ հող, միաժամանակ թեթեւացւեց կառոյցը յաւելեալ բեռից:
Սրբազան Հայրը Վանք իր այցի ընթացքում հանդիպելով շինարարների եւ յատկապէս վարպետ Մարտիրոսի հետ, բացատրութիւն ստացաւ վերանորոգութեան ընթացքի մասին: Նրանք բացատրեցին, թէ ինչպէս արեւմտեան տանիքի հողը դատարկելով հասել էին մինչեւ տաճարի կամարներին եւ դրանք էլ ամրապնդելուց յետոյ ջրամեկուսացման նիւթով էին պատել, ու ապա սկսել էին փակել տանիքը:
Արտաքնապէս հնութիւնը պահպանելով, Ճարտարապետական խորհուրդը շէնքի պատերի մէջ ամենից արդիական միջոցներն է կիրարկում, դարերի դիմաց կանգուն պահելու համար, դարերից եկող մշակութային գոհար ժառանգութիւնը՝ Ս. Ստեփանոս Նախավկայ վանքի չքնաղ տաճարը:
161004d03bՏաճարի ներքնամասը եւս վերանորոգութեան է ենթարկւում, յատկապէս խորանի եւ կամարների բաժինները: Խորանի վերանորոգութեան ընթացքում, դրա չորս սիւների ծեփերի տակից ի յայտ են գալիս որմանկարներ, որոնք գունագեղ զարդանախշեր են, չորս սիւների սլացիկ երկայնքը զարդարող: Տաճարի արեւմտեան պատի եւ մուտքի սիւների վրայ ածխամատիտով արձանագրւած յիշատակարանները, որոնք գաղթական հայերի եւ Հայաստանի խորհրդայնացումից յետոյ փախստական հայերի ձեռագրերն են, պահպանւելու են այնպէս ինչպէս կան, իբրեւ պատմութեան համար արժէք ներկայացնող յիշատակներ:
Առաջնորդ Սրբազան Հայրը բարձր գնահատեց նաեւ վարպետ Մարտիրոսի քանդակագործական շնորհքը, ի նկատի ունենալով, որ տաճարի չորս ուսերին նստած կենդանակերպերի գլուխները անցեալում ջարդւած լինելով, նա կարողացել էր նոր գլուխներ քանդակել դրանց համար, որոնք վերանորոգութեան աւարտին ամրացւելու են իրենց տեղերում:
Նշենք, որ քանդակային եւ խաչքարային արւեստով հարուստ տաճարը եւ վանական համալիրը, վերջերս անգլիական «Դը Տելեգրաֆ» հեղինակաւոր թերթը դասել էր աշխարհի ամենագեղեցիկ եկեղեցիների սեղմ ցուցակում:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։