Հա

Համայնք

09/10/2016 - 10:10

Եպիսկոպոսական հանդիսաւոր ս. պատարագ, մատաղօրհնէք եւ տօնակատարութիւն՝ Գեարդաբադում

Հինգշաբթի, սեպտեմբերի 22-ին Ս. Գէորգ Զօրավարի տօնի եւ Գեարդաբադի համանուն եկեղեցու անւանակոչութեան առիթով, 18-րդ տարին լինելով, երեկոյեան ժամը 6-ից մինչեւ կէսգիշերւայ 12-ը, եպիսկոպոսական հանդիսաւոր ս. պատարագով, մատաղօրհնէքով ու ժողովրդական տօնախմբութեամբ նշւեց դարաւոր եկեղեցու տօնը:

Ուխտի օր՝ Գեարդաբադի Ս. Գէորգ եկեղեցու

 

Ատրպատական, ազգային առաջնորդարան - Հինգշաբթի, սեպտեմբերի 22-ին Ս. Գէորգ Զօրավարի տօնի եւ Գեարդաբադի համանուն եկեղեցու անւանակոչութեան առիթով, 18-րդ տարին լինելով, երեկոյեան ժամը 6-ից մինչեւ կէսգիշերւայ 12-ը, եպիսկոպոսական հանդիսաւոր ս. պատարագով, մատաղօրհնէքով ու ժողովրդական տօնախմբութեամբ նշւեց դարաւոր եկեղեցու տօնը: Շուրջ 1000 հաւատացեալներ, Ուրմիայից, Թաւրիզից եւ տարբեր շրջաններից ժամանել էին պատմական գիւղ, աղօթելու ու ապա խանդավառ մթնոլորտ ապրելու, հայութեամբ բաբախող Գեարդաբադում:
Հանդիսաւոր ս. պատարագը մատուցեց եւ իր պատգամը փոխանցեց, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը: Խորանին սպասարկում էին Ուրմիայի հոգեւոր հովիւ՝ Տ. Ներսէս քհնյ. Պասիլեանը եւ կիսասարկաւագաց եւ կրտսերաց դպրաց դասի անդամներ: Պատարագի սրբազան երգեցողութիւնը կատարւեց «Կոմիտաս» երգչախմբի կողմից, ղեկավարութեամբ երաժիշտ Վարդան Վահրամեանի:
161009d02aԳեարդաբադ գիւղի հոգաբարձութիւնը եւ խնամակալութիւնը, ուխտագնացութեան լաւագոյն պայմաններ էր ստեղծել ուխտաւորների համար, որոնցից շատերը մի օր շուտ էին ժամանել, մինչեւ լուսաբաց եղել էին եկեղեցու շրջափակում, որտեղ Խնամակալ մարմնի ժրաջան տիկինների ձեռամբ եփւում էր մատաղը՝ տեղական անունով՝ հալիմը:
Տեղի ունեցաւ ս. պատարագ:
Պատարագից անմիջապէս յետոյ, եկեղեցական թափօրը ուղղւեց դէպի եկեղեցու շրջափակ, որտեղ յարդարւած յատուկ սեղանի վրայ բերւեց մատաղը՝ օրհնութեան համար: Յատուկ աղօթքներով եւ «ամէն ալէլուիա»-ի երգեցողութեամբ կատարւեց մատաղօրհնէքը, ի յիշատակ բոլոր ննջեցեալների: Ապա, ժողովրդի մասնակցութեամբ երգւեց «Կիլիկիա»-ն եւ սկսւեց հարիսայի բաժանումը եւ ազգային տօնախմբութեան ծրագիրը:

161009d02b

Բացման խօսքով հանդէս եկաւ Սիլւա Բաբայեանը, անդրադառնալով դարաւոր գիւղի պատմութեանը եւ 18 տարիներ առաջ Ս. Գէորգի տօնի օրւայ նշումը ուխտագնացութեամբ կատարելու որոշմանը: Նա Գեարդաբադ գիւղի հոգաբարձութեան եւ խնամակալութեան անունից շնորհակալութիւն յայտնեց առաջնորդ Սրբազան Հօրը, ով իր մատուցած պատարագով ու կազմակերպական ամբողջ աշխատանքի շնորհած հովանաւորութեամբ ամէն տարի քաջալեր է հանդիսանում եկեղեցական սոյն տօնախմբութեանը:

161009d02c

Սրբազան Հայրն իր պատգամը յղելով ներկայ բազմութեանը, բարձր գնահատանք յայտնեց գիւղի հոգաբարձութեանը եւ Խնամակալ մարմնին, կազմակերպական բոլոր աշխատանքների համար: Նա յատկապէս իր գնահատանքը յայտնեց ազգային բարերար տէր եւ տիկին Էդիկ եւ Սանդրա Մեջլումեաններին, ովքեր մնայուն կերպով զօրավիգ են կանգնում տարեկան սոյն ուխտի օրւայ ծրագրին: 161009d02dԳնահատական իր խօսքի ընթացքում առաջնորդ Սրբազան Հայրը յիշեց նաեւ տէր եւ տիկին Մարտիկ եւ Լալա Ֆարհադեաններին, Նժդեհ Բաբայեանին, տիկին Նորվարդ Անտոնեանին, տիկին Արծւիկին, տէր եւ տիկին Արբակ եւ Ժաքլին Արշակեաններին ու մատաղը պատրաստող կամաւոր բոլոր անհատներին, որոնք կարելի են դարձնում այդքան մեծաթիւ բազմութիւն հիւրընկալելու գործը: Այս առիթով, նա Թեմական խորհրդի անունից յատուկ յուշանւէր յանձնեց Հոգաբարձութեան երկար տարիների ատենապետ՝ Նժդիկ Բաբայեանին, իսկ Հոգաբարձութեան անունից մի յուշանւէր յանձնեց, բակի ընդարձակման նւիրատու՝ տէր եւ տիկին Էդիկ եւ Սանդրա Մեջլումեաններին:
Գեղարւեստական ծրագրի ընթացքում ասումքով ելոյթ ունեցաւ Սիլւա Բաբայեանը: Մինչ առաւօտ վաղ ժամերի, ներկայ ուխտաւոր բազմութիւնը երգեց ու պարեց, դհոլ-զուռնայի կշռոյթի ներքոյ:

Յարակից լուրեր

  • Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները
    Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները

    Ատրպատականի հայոց թեմի վանքերի բարեզարդման հանդէպ բարեպաշտ նախանձնախնդրութեան արտայայտութիւն դարձաւ կիրակի 3 փետրւար 2019-ին, Թաւրիզի Լիլաւա հայաշատ թաղամասի Սուրբ Սարգիս եկեղեցում, յընթացս ս. պատարագի տեղի ունեցած հանդիսաւոր արարողութիւնը, երբ օծւեցին Սբ. Ստեփանոս Նախավկայի վանքի տաճարի նոր կանթեղները: 

  • Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի
    Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի

    Գնահատելու համար իր բասկետբոլի խմբի նւիրեալ մարզիկներին, որոնք անցած մէկ քանի օրերի ընթացքում մասնակցեցին Արեւելեան Ատրպատականի նահանգում կազմակերպւած տարբեր ակումբների հետ բասկետբոլային մրցաշարին, հինգշաբթի 31 յունւար 2019 թ.-ի երեկոյեան ժամը 9-ին, Հ.Մ.Ա.Կ.-ի Թաւրիզի մասնաճիւղի վարչութիւնը պաշտօնական ընթրիքով պատւեց նրանց: 

  • Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին
    Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին

    19 յունւար 2019 թւակիր պաշտօնական գրով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, թեմի ազգային իշխանութեան անունից շնորհաւորեց իրանահայ հասարակական գործիչ Լեւոն Ահարոնեանին, Իրանցի մէկ շարք բարձրամակարդակ գործարարների հետ պետական «Ամին Օլ Զարբ» բարձրագոյն շքանշանով պարգեւատրւելու ուրախ առիթով:

  • Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը
    Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը

    Երկուշաբթի 28 յունւար 2019 թւակիր պաշտօնական գրով, ուղղւած ԻԻՀ-ում ՀՀ արտակարգ եւ լիազօր դեսպան Արտաշէս Թումանեանի, Ատրպատականի հայոց թեմի առաջնորդ՝ գերշ. Տ. Գրիգոր Ս. Եպս. Չիֆթճեանը շնորհաւորեց Հայոց Բանակի հիմնադրութեան տօնը:

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։