Հա

Համայնք

09/10/2016 - 10:20

ԻԻՀ մշակոյթի փոխնախարարի այցը՝ նահատակ Սաքօ Մեջլումեանի ընտանիքին

Սրբազան պաշտպանութեան շաբաթւայ առթիւ Ուրմիայում գտնւող մշակոյթի փոխնախարարը դոկտ. Սալեհին, այցելեց նահատակ Սաքօ Մեջլումեանի ընտանիքին, ընկերակցութեամբ նախարարութեան փոքրամասնութիւնների գրասենեակի ընդհանուր տնօրէն դոկտ. Ֆրէյդունիի, Արեւմտեան Ատրպատականի նոյն նախարարութեան հիմնարկի տնօրէն Քարիմիի, փոքրամասնութիւնների գրասենեակի ներկայացուցիչ Էսմայիլզադէի։

Ատրպատական, ազգային առաջնորդարան - Սրբազան պաշտպանութեան շաբաթւայ առթիւ Ուրմիայում գտնւող մշակոյթի փոխնախարարը դոկտ. Սալեհին, այցելեց նահատակ Սաքօ Մեջլումեանի ընտանիքին, ընկերակցութեամբ նախարարութեան փոքրամասնութիւնների գրասենեակի ընդհանուր տնօրէն դոկտ. Ֆրէյդունիի, Արեւմտեան Ատրպատականի նոյն նախարարութեան հիմնարկի տնօրէն Քարիմիի, փոքրամասնութիւնների գրասենեակի ներկայացուցիչ Էսմայիլզադէի։
Մուտքի մօտ փոխնախարարին դիմաւորեցին Տ. Ներսէս քհնյ. Պասիլեանը, Գործակալական խորհրդի ատենապետ՝ Փայլակ Սահակեանը եւ նահատակի ընտանիքի անդամները։
161009d01aՀանդիպմանը ներկայ էին ԻԻՀ խորհրդարանում ասորիների պատգամաւոր Բէթ Քոլեան, ասորիների հոգեւոր հովիւ Ազիզեանը եւ Ուրմիայի ասորիների եկեղեցական խորհրդի ատենապետ՝ Սթանլի Սիմոնզը: Սկզբում Տ. Հօր միջոցով արտասանւեց «Հոգւոց» աղօթքը յիշելով նահատակ Սաքօ Մեջլումեանին: Ապա Գործակալական խորհրդի ատենապետ՝ Փայլակ Սահակեանը Մեջլումեան ընտանիքի անունից բարի գալուստ մաղթեց փոխնախարարին եւ ընկերակիցներին, գնահատելով երկրի եւ նահանգի պատասխանատուների, համայնքի տարբեր խաւերին ուշադրութեան կենտրոնում պահելու բարձր գիտակցութիւնը, որի ապացոյց են նման այցելութիւնները, յատկապէս նահատակների ընտանիքներին: 161009d01bԱյցելութիւններ, որոնք քաջալերում են համայնքի պատասխանատուներին եւ յատկապէս նահատակների ընտանիքներին, որպէս սփոփանք իրենց նահատակի յուշերը վառ պահելու առումով:
Արտայայտւեց նաեւ Բէթ Քոլեան վեր հանելով Մեջլումեան ընտանիքի կատարած աշխատանքները եւ շնորհակալութիւն յայտնեց փոխնախարարին նման այցելութեան համար: Ապա իր շնորհակալական խօսքը փոխանցեց Քարիմին եւ վերջում փոխնախարարը խօսք առնելով իր ուրախութիւնը յայտնեց, որ անձամբ շփւեց եւ գտնում է մի հարազատ օջախում, ուր փափագում էր ինքը անձամբ ներկայանալ: Նա իր խօսքի ընթացքում բարձր գնահատեց նահատակների կատարած սխրանքը, «որոնց թափած արեան համար բոլորս պարտական ենք, նրանց թափած արեան շնորհիւ այսօր խաղաղ պայմաններում ապրում եւ աշխատում ենք եւ մենք պատասխանատուներս պիտի ծառայենք յատկապէս նահատակների ընտանիքներին»,- ասաց նա, 161009d01cանդրադառնալով նաեւ Էդիկ Մեջլումեանի կատարած բարերարութիւններին, յատկապէս եկեղեցաշինութեան, դպրոցաշինութեան եւ այլ բազմաթիւ բարերարութիւններին։
Ապա, Էդիկ Մէջլումեանը իր հերթին, շնորհակալութիւն յայտնեց այցելութեան համար եւ իր պատրաստակամութիւնը յայտնեց ծառայելու Իրանական հայրենիքին: Ապա տեղի ունեցաւ մտերմիկ զրոյց, որի աւարտին փոխնախարարը գնահատագրով պատւեց Մեջլումեան ընտանիքին, որին ի պատասխան, Մեջլումեան ընտանիքը եւս, յուշանւէրով պատւեց յարգելի հիւրին։

Յարակից լուրեր

  • Առաջին զանգը հնչեց Ատրպատականի հայոց թեմի կրթօջախներում
    Առաջին զանգը հնչեց Ատրպատականի հայոց թեմի կրթօջախներում

    Կիրակի, 23 սեպտեմբեր 2018-ին, Իրանի Իսլամական Հանրապետութիւնում բոլոր կրթօջախները վերաբացեցին իրենց դռները կրթական նախարարութեան կողմից յայտարարւած վերամուտի թւականի հետեւողութեամբ, առաջին զանգով 2018-2019 ուսումնական-կրթական տարեշրջանի սկսման ազդանշանը տալով: 

  • Ատրպատականի հայոց թեմի առաջնորդ. «Ինչո՞ւ ենք վախենում աշխարհի ալեկոծութիւնից երբ նաւապետը Յիսուս ի՛նք է»
    Ատրպատականի հայոց թեմի առաջնորդ. «Ինչո՞ւ ենք վախենում աշխարհի ալեկոծութիւնից երբ նաւապետը Յիսուս ի՛նք է»

    Կիրակի, 26 օգոստոս, 2018-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը քարոզեց Ուրմիոյ ծխական Սբ. Ստեփանոս եկեղեցում, ուրմիահայ հաւատացեալների հետ աղօթակից լինելով կիրակնօրեայ ս. պատարագում, որը մատոյց Ուրմիոյ ծխատէր՝ արժ. Տ. Ներսէս քհնյ. Պասիլեանը: 

  • Ատրպատականի հայոց թեմի առաջնորդը ընդունեց Ուրմիոյ հոգեւոր հովւին եւ ատենապետին
    Ատրպատականի հայոց թեմի առաջնորդը ընդունեց Ուրմիոյ հոգեւոր հովւին եւ ատենապետին

    Երեքշաբթի, 21 օգոստոս 2018-ի առաւօտեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը իր գրասենեակում ընդունեց, Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանին եւ Գործակալութեան ատենապետի պաշտօնակատար Գասպար Տիգրանեանին, որոնք Ուրմիահայութեան անունից բարի գալուստ մաղթեցին Սրբազան Հօրը, Միացեալ Նահանգների իր առաքելութիւնից վերադարձի առիթով: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • «Անի» գեղարւեստական միաւորի կազմակերպած Ապրիլեան նահատակաց տօնը՝ Ուրմիայում
    «Անի» գեղարւեստական միաւորի կազմակերպած Ապրիլեան նահատակաց տօնը՝ Ուրմիայում

    26 ապրիլ, 2018-ին, Ուրմիոյ Սբ. Ստեփանոս եկեղեցու «Արամ Մանուկեան» հանդիսրահում, Հայոց Ցեղասպանութեան նահատակների ոգեկոչման 103-րդ տարելիցի յիշատակին տեղի ունեցած ծրագիրների շարքը եզրափակւեց, Հ.Օ.Մ.-ի Ուրմիոյ մասնաճիւղի հովանաւորութեան տակ գործող «Անի» գեղարւեստական միաւորի կազմակերպած մշակութային ձեռնարկով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։