Հա

Համայնք

24/10/2016 - 10:00

Ատրպատականի հայոց թեմը շնորհաւորել է դոկտ. Խանլարեանին՝ պարգեւատրման առիթով

Իրանի Իսլամական խորհրդարանում հիւսիսային իրանահայութեան պատգամաւոր՝ դոկտ. Կարէն Խանլարեանը, սեպտեմբերի 21-ին, Հայաստանում արժանացաւ ՀՀ նախագահ՝ նորին վսեմութիւն Սերժ Սարգսեանի պարգեւած «Մխիթար Գօշ» շքանշանին, Հայաստան-Սփիւռք կապերի զարգացման գործում իր ունեցած կարեւոր ներդրման համար:

Ատրպատական, ազգային առաջնորդարան - Իրանի Իսլամական խորհրդարանում հիւսիսային իրանահայութեան պատգամաւոր՝ դոկտ. Կարէն Խանլարեանը, սեպտեմբերի 21-ին, Հայաստանում արժանացաւ ՀՀ նախագահ՝ նորին վսեմութիւն Սերժ Սարգսեանի պարգեւած «Մխիթար Գօշ» շքանշանին, Հայաստան-Սփիւռք կապերի զարգացման գործում իր ունեցած կարեւոր ներդրման համար:
Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը հոկտեմբերի 9-ին, շնորհաւորական նամակ յղեց դոկտ. Խանլարեանին, որտեղ յատկապէս ասւում է. «Արդարեւ «արժան եւ իրաւ» պիտի ասենք նման պարգեւատրումի ի լուր, Ձեզ մօտկից ճանաչելով, ու մանաւանդ իմանալով այն մշակութային, հասարակական, բանասիրական, քաղաքական ու մարդասիրական ծառայութեան Ձեր բնագաւառները, որոնցում իմացական Ձեր ներդրումով եւ խոնարհ սպասաւորութեամբ երկար ճանապարհ էք անցել արդէն:
«Պատիւս արժանաւորաց» ասելով այսու գրութեամբ, Ատրպատականի հայոց թեմի Պատգամաւորական ժողովի, Թեմական խորհրդի, ազգային մեր կեանքում գործող բոլոր կառոյցների եւ մեր թեմի ժողովրդի անունից շնորհաւորում ենք Ձեզ: Շքանշանների ստացման պարագային եթէ մի կողմից վաստակաշատ լինելու ազդանշանն է տրւում, միւս կողմից յաւելեալ պարտաւորութիւնների բեռը դրւում է մարդու ուսերին: Ձեր աշխատանքը ցոյց է տւել ցայսօր, թէ՝ ծանրագոյն պարտաւորութիւնները պատւով էք ստանձնել եւ յաջողութեամբ հասցրել արդիւնաւէտ հանգրւանի», գրել է Սրբազան Հայրը իր շնորհաւորական նամակում:

Յարակից լուրեր

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

  • Ատրպատականի հայոց թեմի առաջնորդը Ղարադաղի Ասրան գիւղում
    Ատրպատականի հայոց թեմի առաջնորդը Ղարադաղի Ասրան գիւղում

    Տեղագրական եւ կալւածային ցուցակագրման իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 9 օգոստոս 2019 թ.-ին այցելեց Ղարադաղի Քէյւան գաւառակի նախկին հայաբնակ Ասրան գիւղը, հայկական հետքեր որոնելու այնտեղ:

  • Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին
    Թաւրիզի Հայ համլսարանականների միութեան վարչութիւնը այցելեց Ատրպատականի հայոց թեմի առաջնորդին

    Երեքշաբթի, 6 օգոստոս 2019 թ.-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը իր գրասենեակում ընդունեց Թաւրիզի Հայ համալսարանականների միութեան նորընտիր վարչութեան կազմին, որը եկել էր Սրբազան Հօր օրհնութիւնը ստանալ, իր ընտրութիւնից յետոյ:

  • «Միայն ուժի դիրքերից է հնարաւոր զսպել ԱՄՆ-ին». Կարէն Խանլարեան
    «Միայն ուժի դիրքերից է հնարաւոր զսպել ԱՄՆ-ին». Կարէն Խանլարեան

    Միայն ուժի դիրքերից պէտք է խօսել ԱՄՆ-ի հետ, քանի որ փորձը ցոյց է տւել, որ միայն այդպէս է հնարաւոր զսպել այդ երկրին: Այս մասին «Ֆարս» լրատւական գործակալութեան հետ զրոյցում ասել է Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը:

  • Ատրպատականի հայոց թեմի առաջնորդը Ղարադաղի Սղըն գիւղում
    Ատրպատականի հայոց թեմի առաջնորդը Ղարադաղի Սղըն գիւղում

    Թեմի տարբեր շրջաններում եւ հայաթափւած գաւառներում ու գիւղերում գտնւող անշարժ գոյքի՝ եկեղեցիների, դպրոցների եւ գերեզմանատների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 2 ոգոստոս 2019 թ.-ին այցելեց Ղարադաղի Քէյւան գաւառակի Սղըն գիւղը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։