Հա

Համայնք

24/10/2016 - 10:10

Թաւրիզի 3-րդ քաղաքամասի քաղաքապետի այցը՝ Ատրպատականի ազգային առաջնորդարան

Սեպտեմբերի 7-ի առաւօտեան ժամը 11-ին, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը, ազգային առաջնորդարանի իր գրասենեակում ընդունեց Թաւրիզի 3-րդ քաղաքամասի քաղաքապետ ճրտգ. Աբբասնեժադին, նրան ընկերակցող Քաղաքապետարանական խորհրդի զոյգ անդամներին եւ քաղաքապետարանի ապահովական ընդհ. պատասխանատուին:

Ատրպատական, ազգային առաջնորդարան - Սեպտեմբերի 7-ի առաւօտեան ժամը 11-ին, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը, ազգային առաջնորդարանի իր գրասենեակում ընդունեց Թաւրիզի 3-րդ քաղաքամասի քաղաքապետ ճրտգ. Աբբասնեժադին, նրան ընկերակցող Քաղաքապետարանական խորհրդի զոյգ անդամներին եւ քաղաքապետարանի ապահովական ընդհ. պատասխանատուին:
Սոյն հանդիպմանը, Սրբազան Հօր կողքին ներկայ էին Թեմական խորհրդի անդամներ՝ ատենապետ Ռուբիկ Ջանանեանը, Վարդան Աբրահամեանը, Գագիկ Ջորջեանը, դոկտ. Էդւին Խաչատրեանը եւ Ալէն Սայեադեանը:
Ողջունելով իր հիւրերին, Սրբազան Հայրը անդրադարձաւ միլիոնաւոր քաղաքացիների, ընդորում նաեւ բնիկ հայ քաղաքացիների հարազատ քաղաքը հանդիսացող Թաւրիզի վերջին տարիների առաջադիմութեանը: Սրբազան Հայրը սոյն զարգացման մէջ մեծ համարեց նաեւ դերը հայ ժողովրդի, որը դարերից ի վեր Թաւրիզում լինելով, իր մասնակցութիւնն է բերել քաղաքի վերելքի: Ապա, նա շեշտեց նոր ծրագրերով Թաւրիզի առաջընթացը ապահովելու անհրաժեշտութիւնը եւ ներկայացրեց ազգային իշխանութեան կողմից առաջադրւած մի շարք շինարարական ծրագրեր, որոնք մի կողմից պատիւ են բերում Թաւրիզին, եւ միւս կողմից հայ համայնքի համար կը լինեն առաւել ամուր հիմքեր, Իրանի Իսլամական Հանրապետութիւնում շարունակելու քրիստոնէական ու ազգային դարաւոր կեանքը:
Աւելի քան մէկ ժամ տեւած հանդիպման ընթացքում, կողմերը քննարկեցին արդէն իսկ գոյութիւն ունեցող շինարարական ծրագրերի մանրամասնութիւնները եւ հաւանական փոփոխութիւնների հնարաւորութիւնները:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • «Վանի արծաթը»` Թաւրիզում
    «Վանի արծաթը»` Թաւրիզում

    Թաւրիզի հայկական թաղամասի Պարոն Աւագ փողոցը հատւում է կենտրոնական Շարիաթի փողոցին, որով զբօսնելիս միանգամից աչք է ծակում «Van Silver» անունը կրող փոքրիկ խանութը: Բացի անւանումից, այն առաւել լուսարձակ է ցուցափեղկերին շողշողացող արծաթեայ իրերի հաշւին, քան հարեւան տաղաւարներն են:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։