Հա

Համայնք

Հինգշաբթի, 27 Հոկտեմբերի 2016 10:00

Հայ Մշակոյթի տօնը նշւեց Թաւրիզի հայոց ազգային դպրոցում

Շաբաթ, հոկտեմբերի 8-ին, Թաւրիզի ազգ. «Թամարեան» դպրոցի յարկի տակ, Թարգմանչաց Վարդապետաց տօնի առիթով, Հայ մշակոյթին նւիրւած հանդիսութիւն տեղի ունեցաւ, կազմակերպութեամբ՝ դպրոցի տեսչութեան:

Ատրպատական, ազգային առաջնորդարան - Շաբաթ, հոկտեմբերի 8-ին, Թաւրիզի ազգ. «Թամարեան» դպրոցի յարկի տակ, Թարգմանչաց Վարդապետաց տօնի առիթով, Հայ մշակոյթին նւիրւած հանդիսութիւն տեղի ունեցաւ, կազմակերպութեամբ՝ դպրոցի տեսչութեան:
Հովանաւորութեամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի եւ Թեմական խորհրդի, դպրոցի հանդիսասրահում կայացած գեղարւեստական յատուկ ծրագրին ներկայ էին հոգաբարձութեան, ուսուցչական կազմի ծնողական խորհրդի անդամներ, ՀՕՄ-ի «Ծերունի Գասպարեան» մանկապարտէզ-նախակրթարանի ուսուցչական կազմը, ինչպէս նաեւ մշակութասէր եւ դպրոցասէր թաւրիզահայեր, մէկ անգամ եւս վայելելու «Գիւտին փառքը», Ս. Մաշտոցի կերտած հայ դպրութեան անժամանցելի մշակոյթը:
161027d01aԲացման խօսքը փոխանցեց աւարտական աշակերտուհիներից՝ Նարէ Սայեադեանը: Նա մեծարելով հանդիսութեան առիթը, ցոյց տւեց դրա չհնացող իմաստը եւ իւրաքանչիւր հայի համար ներկայացրած խորհրդալից արժէքը: Ապա, հանդիսավար Լիլիթ Դանղեանի կողմից հերթաբար բեմ հրաւիրւեց դպրոցի երգչախումբը, ղեկավարութեամբ Նարինէ Սայեադեանի, աշակերտուհիներ՝ Իւետ Վարդազարեան, Անգելինա Սարմասթեան, Յասմիկ Շահմուրադեան, Էմելիա Աբրահամեան եւ Իզաբէլ Սարգսեան, ասմունքներով մասնակցելու գեղարւեստական ծրագրին: Հանդիսութեան ընթացքում, Շարա Բաղդասարեանը ներկայացրեց Ս. Մաշտոցի կեանքը եւ գործունէութիւնը:
161027d01bԵրգչախումբը կատարեց հայերէն լեզւին եւ հայ ժողովրդին նւիրւած ոգեշնչող երգեր, իսկ ասմունքողները փառաբանեցին հայոց տիպ ու տառն, եւ հայ դպրութեանն ու նրա ստեղծիչ՝ Ս. Մաշտոցին:
Թաւրիզի հայոց ազգ. դպրոցի տեսչուհի Արմինէ Վահրամեանը արտայայտւելով, համապարփակ ներկայացրեց Հայ մշակոյթի տօնի արժէքը հայ ժողովրդի համար, անդրադառնալով հայոց աւագանու միահամուռ ճիգին, հայ ժողովուրդը փրկելու անել կացութիւնից: Մի արարք, որը դարերի դիմաց պատւար իբրեւ կանգնեցրեց հայոց այբուբենի երեսունութ տառերը, հայ ազգը փրկելով ստոյգ կորստից:
161027d01cՏեսչուհին Թարգմանչաց տօնը լաւագոյն առիթը համարեց, նահանգի Կրթական խորհրդի նախագահ Փաշայիի ուղարկած պարգեւները յանձնելու այն աշակերտ-աշակերտուհիներին, որոնք գնահատանք էին ստացել Կրթական պետական խորհրդի կողմից: Նա յիշեց եւ ցոյց տւեց նաեւ այն հատորը, որի մէջ իրենց լուսանկարներով յիշատակութեան էին արժանացել երեք անհատներ՝ Ալեքս Բարոյեանը, Էմելիա Աբրահամեանը եւ Գեղանի Գրիգորեանը: Պարգեւներ էին ստացել նաեւ Լիոնա Թարվերդեանը եւ Մարիա Զաքարեանը: «Իւսիմաս»-ի թւաբանական բարդ քննութիւնը Իրանի մակարդակում առաջնութիւնը շահած Նարէ Սայեադեանին յանձնւեց իր պարգեւը, որը արդէն երկրորդ անգամը լինելով սոյն պատիւն էր ապահովում իր հարազատ դպրոցի:
161027d01dԵզրափակիչ եւ օրհնութեան խօսքով, Սրբազան Հայրը իր պատգամն ուղղեց ներկաներին, շեշտը դնելով հայոց լեզուն անաղարտ պահպանելու գաղափարի վրայ. «Հայերէն լեզուն, մեր անունն է: Այնպէս ինչպէս բծախնդիր ենք լինում մեր անւան գործածութեան եւ նրա մասին ուրիշների ունեցած կարծիքին, նոյնպէս էլ պէտք է հոգատար լինենք հայոց լեզւին: Օտար բառեր, արտայայտչաձեւեր խորթ են մեր լեզւին, ուստի պէտք է դուրս վանենք դրանք մեր առօրեայ խօսակցութիւնից: Եթէ չգործածենք մեր լեզուն, մի օր միայն մեր արիւնը քննելով կարող են իմանալ թէ հայ ենք մենք: Մեր ճակատին գրւած անունը պէտք է լինի հայերէնը: Եւ վստահ եղէք, որ եթէ մենք չխօսենք մեր լեզուն ու չգրենք հայերէն տառերով, ո՛չ մէկ այլ ազգ մեր լեզւով չի՛ խօսելու, ոչ էլ գրելու է մեր տառերով: Մենք պիտի իմանանք մեր ունեցած հարստութեան արժէքը: Ուրիշի համար դա միայն վատնւելու նիւթ է, եւ ո՛չ թէ օգտագործելու, շահարկելու»,- ասաց Սրբազան Հայրը:

161027d01e

Նշենք նաեւ, որ սոյն ծրագրի կազմակերպման համար տեսչութեանը օժանդակել էին ուսուցչական կազմի հայ անդամները, ինչպէս նաեւ ծնողական խորհրդի անդամներ:

Յարակից Հրապարակումներ

  • Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով
    Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով

    Կիրակի, 18 փետրւար 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, թեմի ազգային իշխանութեան եւ ժողովրդի անունից ցաւակցագիր յղեց Իրանի Իսլամական հանրապետութեան Յեղափոխութեան հոգեւոր առաջնորդ այաթ. Խամենէյի, նախագահ Ռոհանիի եւ պետական աւագանուն, նոյն օր առաւօտեան, Թեհրանից դէպի Եասուջ ուղղւող ճամբորդատար օդանաւի ջախջախման տխուր առիթով:

  • Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում
    Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում

     

    Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: 

    Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը:

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • Սրբոց Վարդանանց տօնը Ատրպատականի հայոց թեմում
    Սրբոց Վարդանանց տօնը Ատրպատականի հայոց թեմում

    Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

    Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

  • Լիլաւայի Սբ. Սարգիս եկեղեցու անւանակոչութեան տօնը եւ կիսասարկաւագական ձեռնադրութիւն Թաւրիզում
    Լիլաւայի Սբ. Սարգիս եկեղեցու անւանակոչութեան տօնը եւ կիսասարկաւագական ձեռնադրութիւն Թաւրիզում

    Սուրբ Սարգիս Զօրավարի եւ նրա որդու՝ Մարտիրոսի տօնի առիթով, ուրբաթ 26 յունւար 2018-ի երեկոյեան, Լիլաւայի Սբ. Սարգիս եկեղեցում կատարւեց նախատօնակ, նշելու համար նաեւ Թաւրիզի հայաշատ թաղամասի եկեղեցու անւանակոչութեան տօնը: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։