Հա

Համայնք

Երեքշաբթի, 01 Նոյեմբերի 2016 09:50

Գերմանացի ուսուցիչների մի խումբ՝ Ատրպատականի ազգային առաջնորդարանում

Հոկտեմբերի 4-ի առաւօտեան, Ատրպատականի հայոց թեմի ազգային առաջնորդարան այցելեցին մի խումբ գերմանացի ուսուցիչներ եւ հասարակական ծառայողներ, ովքեր հայկական վանքերի եւ հայ ժողովրդի պատմութեան հետ առնչւած պատմական վայրերի ծանօթացման նպատակով ժամանել էին Թաւրիզ:

Ատրպատական, ազգային առաջնորդարան - Հոկտեմբերի 4-ի առաւօտեան, Ատրպատականի հայոց թեմի ազգային առաջնորդարան այցելեցին մի խումբ գերմանացի ուսուցիչներ եւ հասարակական ծառայողներ, ովքեր հայկական վանքերի եւ հայ ժողովրդի պատմութեան հետ առնչւած պատմական վայրերի ծանօթացման նպատակով ժամանել էին Թաւրիզ:
Ազգային առաջնորդարանի «Էմիլ Յակոբեան» դահլիճում ընդունելով հիւրերին, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը ընդհանուր տեղեկութիւններ տւեց թեմի պատմական անցեալի, եւ տարածաշրջանում հայութեան դարաւոր ներկայութեան ու դերակատարութեան մասին:
Եկեղեցական կառոյցների, պատմամշակութային ժառանգութեան եւ թեմի ժողովրդի ներկայ կեանքի մասին լուսաբանական հարցերին պատասխանելով, Սրբազան Հայրը համապարփակ ծանօթութիւններ տւեց մշակութային կոթողների պահպանութեան գծով Իրանի Իսլամական Հանրապետութեան ընձեռած լայն աջակցութեան, ԻՒՆԵՍԿՕ-ի մշակութային ցուցակում վանքերի եւ մի շարք այլ եկեղեցիների ընդգրկման գործընթացի եւ հնապահպան այլ աշխատանքների մասին:
Յայտնենք, որ գերմանացի հիւրերի սոյն խումբը ներկայ գտնւեց Ս. Ստեփանոս Նախավկայ վանքի նորաստեղծ թանգարանի բացման հանդիսաւոր արարողութեանը, մեծապէս տպաւորւելով Հայ մշակոյթի հանդէպ Իրանի Իսլամական Հանրապետութեան գուրգուրալից վերաբերմունքից եւ Ատրպատականի հայոց թեմի հետ տեղական իշխանութիւնների սերտ համագործակցութիւնից: Հիւրերը նաեւ առիթ ունեցան այցելելու Ս. Թադէի եւ Ծոր-Ծորի Ս. Աստւածածին վանքերը, Թաւրիզի եկեղեցիներն ու հնագիտական արժէք ներկայացնող վայրերը:

Յարակից Հրապարակումներ

  • Ատրպատականի կուսակալն այցելել է Ատրպատականի հայոց թեմի առաջնորդարան
    Ատրպատականի կուսակալն այցելել է Ատրպատականի հայոց թեմի առաջնորդարան

    Յունւարի 22-ին, Ատրպատականի կուսակալ դոկտ. Շոհրադիֆար, իր տեղակլի եւ քաղաքական խորհրդականի հետ այցելել է Ատրպատականի հայոց թեմի առաջնորդարան եւ հանդիպել է թեմի առաջնորդ՝ Տ. Գրիգոր եպս. Չիֆթճեանի հետ:

  • Սարկաւագական ձեռնադրութիւն Ատրպատականի հայոց թեմում
    Սարկաւագական ձեռնադրութիւն Ատրպատականի հայոց թեմում

    Յունւարի 22-ին, Թաւրիզի Լիլաւա հայաշատ թաղամասի Ս. Սարգիս եկեղեցում յընթացս Սուրբ եւ անմահ պատարագի տեղի ունեցաւ Սարկաւագական ձեռնադրութիւն, ձեռամբ Ատրպատականի հայոց թեմի առաջնորդ՝ Գերշ. Տ. Գրիգոր Ս. Եպս. Չիֆթճեանի:

  • Ատրպատականի հայոց թեմի եկեղեցիներում ընթերցւեց Ն.Ս.Օ.Տ.Տ. Արամ Ա. կաթողիկոսի «Վերանորոգութեան տարի»-ին նւիրւած հռչակագիրը
    Ատրպատականի հայոց թեմի եկեղեցիներում ընթերցւեց Ն.Ս.Օ.Տ.Տ. Արամ Ա. կաթողիկոսի «Վերանորոգութեան տարի»-ին նւիրւած հռչակագիրը

    Յունւարի 15-ին, Ատրպատականի հայոց թեմի եկեղեցիներում հանդիսաւորապէս ընթերցւեց Ն.Ս.Օ.Տ.Տ. Արամ Ա Կաթողիկոսի Հայրապետական սրբատառ հռչակագիրը, 2017 թիւը «Վերանորոգութեան տարի» յայտարարելու կապակցութեամբ:

  • Շնորհաւորանք
    Շնորհաւորանք

    Սիրելի՛ պրն. Մելիքեան,
    Ամանորի եւ Նոր տարւայ, ինչպէս նաեւ մեր Տիրոջ եւ Փրկչի Յիսուս Քրիստոսի Ս. Ծննդեան տօնի առիթով, սրտանց շնորհաւորում ենք Ձեզ եւ Ձեր միջոցով «Ալիք»-ի ողջ խմբագրակազմին, գրաշարներին եւ աշխատողներին, բարձր գնահատելով հայ գրի ու դպրութեան հանդէպ բոլորի նւիրեալ աշխատանքը:

  • Սուրբ Ծննդեան զանգը՝ ահազանգ
    Սուրբ Ծննդեան զանգը՝ ահազանգ

    Յիսուսի Սուրբ Ծննդեան պահին, երկնքից հրեշտակներ երեւացին պարզամիտ հովիւներին, որոնք իրենց հօտերին պահպանութիւն էին անում բաց դաշտում (Հմմտ. Ղկ. 2:8): Նոյն հրեշտակների երաժշտական փառաբանութիւնը մինչեւ օրս, մեր եկեղեցում առաւօտեան ժամերգութեան ընթացքում երգւում է, բանաձեււած խաղաղարար այն խորհրդի վրայ, որի միտք բանին հրեշտակները յայտնեցին.
    «Փա՜ռք ի բարձունս Աստուծոյ
    եւ յերկիր խաղաղութիւն,
    ի մարդիկ հաճութիւն» (Ղկ. 2:14):

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։