Հա

Համայնք

01/11/2016 - 10:00

Թարգմանչաց տօնի եկեղեցական արարողութիւններ՝ Թաւրիզում եւ Ուրմիայում

Թարգմանչաց Վարդապետաց տօնի առիթով Թաւրիզում եւ Ուրմիայում տեղի ունեցան եկեղեցական արարողութիւններ, որոնց ներկայ էին աշակերտներ:
Թաւրիզի Լիլաւա հայաշատ թաղամասի Ս. Սարգիս եկեղեցում, շաբաթ հոկտեմբերի 8-ին, առաւօտեան ժամը 11-ին տեղի ունեցաւ տօնին նւիրւած հանդիսաւոր ժամերգութիւն, հանդիսապետութեամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի:

Ատրպատական, ազգային առաջնորդարան - Թարգմանչաց Վարդապետաց տօնի առիթով Թաւրիզում եւ Ուրմիայում տեղի ունեցան եկեղեցական արարողութիւններ, որոնց ներկայ էին աշակերտներ:
Թաւրիզի Լիլաւա հայաշատ թաղամասի Ս. Սարգիս եկեղեցում, շաբաթ հոկտեմբերի 8-ին, առաւօտեան ժամը 11-ին տեղի ունեցաւ տօնին նւիրւած հանդիսաւոր ժամերգութիւն, հանդիսապետութեամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի: Ժամերգութեանը ներկայ էին Թաւրիզի հայոց ազգային դպրոցի աշակերտներ, գլխաւորութեամբ տեսչութեան, եւ ներկայութեամբ ուսուցչական կազմի, հոգաբարձութեան անդամների, ծնողների եւ թաւրիզահայ հաւատացեալների: Ժամերգութեանը ներկայ էին նաեւ Հ. Օ. միութեան Թաւրիզի մասնաճիւղի «Ծերունի Գասպարեան» մանկապարտէզ-նախակրթարանի երեխաները իրենց ուսուցչուհիների գլխաւորութեամբ, եւ ծնողների ներկայութեամբ:
161101d03aԺամերգութեան ընթացքում երգւեց Թարգմանչաց Վարդապետաց նւիրւած «Որք զարդարեցին» շարականը, եւ ապա, առաւօտեան ժամերգութեան բաժնում՝ «Քրիստոս Աստւած մեր» ձայնաւոր մաղթանքի երգեցողութեան պահին, յիշւեցին Թարգմանիչ վարդապետները, գլխաւորութեամբ Ս. Սահակ Պարթեւ Հայրապետի եւ Ս. Մեսրոպ Մաշտոց հանճարեղ վարդապետի:
Հանդիսաւոր ժամերգութեան աւարտին տեղի ունեցաւ խոստովանանք, եւ ապա, աշակերտութիւնը ու ներկայ հաւատացեալները հաղորդւեցին Քրիստոսի Ս. մարմնով եւ արեամբ:
161101d03bՈւրմիայի Ս. Ստեփանոս ծխական եկեղեցում, կիրակի, հոկտեմբերի 9-ին, ս. պատարագ մատուցեց եւ քարոզեց Ուրմիայի հոգեւոր հովիւ՝ Տ. Ներսէս քհնյ. Պասիլեանը: Ս. պատարագին ներկայ էին ՀՕՄ-ի Ուրմիայի մասնաճիւղի «Նայիրի» մանկապարտէզի երեխաները, ովքեր յընթացս պատարագի՝ Ս. Հաղորդութիւն ստացան:
Տէր Հայրը իր քարոզում անդրադարձաւ Սուրբ Թարգմանիչ վարդապետների թողած աւանդին, եւ յատկապէս հայոց այբուբենի գիւտարար՝ Ս. Մեսրոպ Մաշտոցի կեանքին ու գործունէութեանը: Հայոց լեզուն պահպանելու եւ հայոց դպրոցի միջոցով այն անսասան պահելու գաղափարները շեշտեց Տէր Հայրը, իր խօսքը յատկապէս ուղղելով նոր սերնդի զաւակներին:

161101d03c

Յարակից լուրեր

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։