Հա

Համայնք

08/11/2016 - 09:50

Ուրմիայի «Նայիրի» մանկապարտէզը ընտրեց իր ծնողական խորհուրդը

Կրթական կեանքում այնքան անհրաժեշտ դպրոց-ծնող յարաբերութեան եւ գործակցութեան երեւոյթը մղում է կրթական մարմիններին, իւրաքանչիւր տարի ընտրել ծնողական խորհուրդ, կրթական հաստատութեան օժանդակ իբրեւ յանձնախումբ:

Ատրպատական, ազգային առաջնորդարան - Կրթական կեանքում այնքան անհրաժեշտ դպրոց-ծնող յարաբերութեան եւ գործակցութեան երեւոյթը մղում է կրթական մարմիններին, իւրաքանչիւր տարի ընտրել ծնողական խորհուրդ, կրթական հաստատութեան օժանդակ իբրեւ յանձնախումբ:
Կիրակի, հոկտեմբերի 16-ին, ժամը 12-ին, Ուրմիայի Ս. Ստեփանոս ծխական եկեղեցու «Արամ Մանուկեան» սրահում տեղի ունեցաւ ՀՕՄ-ի Ուրմիայի մասնաճիւղի «Նայիրի» մանկապարտէզի ծնողական խորհրդի ընտրութիւնը, հովանաւորութեամբ ՀՕՄ-ի Ուրմիայի մասնաճիւղի վարչութեան: Սոյն կազմից ընտրութեանը ներկայ էր Ռոնիկ Մեջլումեանը: Բարի գալուստ մաղթելուց յետոյ ծնողներին, նա բացատրեց աշխատանքային այն ծրագիրը, որը ծնողների օժանդակութեամբ, ամբողջ ուսումնական տարւայ ընթացքում կիրարկւում է կրթօջախում: Ռ. Մեջլումեանը անցած տարւայ աշխատանքային պատկերը ներկայացնելով, ծանօթութիւն տւեց առաջիկայ աշխատանքի մասին, ծնողներին իբրեւ ուղեցոյց:

161108d02a

Ընտրական ժողովին ներկայ էր նաեւ մանկապարտէզի ուսուցչուհի Օֆելիա Սայեադեանը: Ուսումնական 2016-2017 տարեշրջանի մասին պատրաստած ծրագիրը ներկայացնելով, նա բացատրեց այն աշխատանքային ոլորտը, որտեղ կարող են ծնողները բերել իրենց օժանդակութիւնը: Այս առիթով նա դարձեալ շեշտեց ծնողների ամբողջական համագործակցութեան անհրաժեշտութիւնը, յատկապէս երեխաների այս տարիքում, երբ նոր փորձառութիւն են ձեռք բերում՝ տնից մի քանի ժամով բացակայելու, եւ իրենց նոր ընկերների ու դաստիարակների հետ լինելու:
Հանդիպման երկրորդ մասը յատկացւեց ընտրական աշխատանքին: Քւէարկութեան արդիւնքում ընտրւեցին չորս անհատներ, իբրեւ ծնողական խորհրդի կազմ, իսկ հինգերորդ անդամի լրացումը լինում է ՀՕՄ-ի ներկայացուցչի մասնակցութեամբ: Ապա, տեղի վրայ կատարւեց նաեւ դիւանի ձեռամբարձ քւէարկութիւնը եւ կազմը ստացաւ հետեւեալ պատկերը. Քարմէն Նազարեան՝ նախագահ, Ռիմա Սարհադեան՝ փոխնախագահ, Մարինէ Յովհաննէսեան՝ հաշւապահ, Արմինէ Մարգարեան՝ խորհրդատու։ Ժողովը իր աւարտին հասաւ կէսօրւայ ժամը 1-ին, ՀՕՄ-ի ներկայացուցիչ՝ Ռոնիկ Մեջլումեանի շնորհաւորական եւ քաջալերական խօսքերից յետոյ:

Յարակից լուրեր

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

  • Ծաղկազարդը անակնկալներով խանդավառեց Ատրպատականի հայոց թեմի մանուկներին
    Ծաղկազարդը անակնկալներով խանդավառեց Ատրպատականի հայոց թեմի մանուկներին

    Մարդկութեան Փրկչի՝ Յիսուս Քրիստոսի իւրօրինակ ու անչափելի խոնարհութեան ու հեզութեան տօնի՝ Ծաղկազարդի առիթով, Ատրպատականի հայոց թեմում տեղի ունեցած եկեղեցական արարողութիւնները իւրայատուկ խանդավառութեամբ լցրեցին հոգիները, մասնակից բոլոր հաւատացեալների, թեմի տարբեր շրջաններում:

  • Միջինքի հաւաքոյթ Հ.Օ.Մ.-ի Ուրմիայի մասնաճիւղի կազմակերպութեամբ
    Միջինքի հաւաքոյթ Հ.Օ.Մ.-ի Ուրմիայի մասնաճիւղի կազմակերպութեամբ

    Չորեքշաբթի, 27 մարտ 2019 թ.-ին Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի հովանաւորութեամբ, Ուրմիայի Սուրբ Ստեփանոս ծխական եկեղեցու «Արամ Մանուկեան» սրահում տեղի ունեցաւ Հ.Օ.Մ.-ի Ուրմիայի մասնաճիւղի նախաձեռնութեամբ կազմակերպած Միջինքի հաւաքոյթը:

  • Ատրպատականի հայոց թեմի առաջնորդի ձեռամբ օծւեց Գեարդաբադ գիւղի Սբ. Գէորգ եկեղեցու զանգը
    Ատրպատականի հայոց թեմի առաջնորդի ձեռամբ օծւեց Գեարդաբադ գիւղի Սբ. Գէորգ եկեղեցու զանգը

    Շաբաթ, 16 մարտ 2019 թ.-ի երեկոյեան ժամը 5-ին Գեարդաբադ գիւղ ժամանելով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը նախագահեց Մեծ պահոց քառասնորդացի երեկոյեան ժամերգութեան:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։