Հա

Համայնք

13/11/2016 - 10:40

Ատրպատական այցելած օտար ակադեմականները արձագանգում են

Ատրպատականի հայոց թեմը, հայ այցելուներից բացի, ունենում է նաեւ օտար այցելուներ, որոնք իրենց հայրենիք վերադարձից յետոյ մնայուն կապի մէջ են մնում թեմի պատասխանատուների հետ ու իրենց միջավայրում պատմում Ատրպատականի հայութեան կեանքի մասին:

Ատրպատական, ազգային առաջնորդարան - Ատրպատականի հայոց թեմը, հայ այցելուներից բացի, ունենում է նաեւ օտար այցելուներ, որոնք իրենց հայրենիք վերադարձից յետոյ մնայուն կապի մէջ են մնում թեմի պատասխանատուների հետ ու իրենց միջավայրում պատմում Ատրպատականի հայութեան կեանքի մասին:
Վերջին մի քանի տարիներին, օտար այցելուների շարքում մեծ եղաւ թիւը գերմանացի, աւստրիացի եւ վերջապէս լեհ ակադեմականների, համալսարանի դասախօսների, հայ ժողովրդի պատմութեամբ հետաքրքրւած եւ հայագիտութեան բնագաւառում ներդրում ունեցած պրոֆեսորների, որոնք յատուկ ուսումնասիրութիւններով նաեւ անդրադարձան թեմի հարստութիւնը համարւող ճարտարապետական կոթողներին, տարածաշրջանում հայ ժողովրդի դարաւոր ներկայութեան եւ Ատրպատականում դեռեւս ապրող հայութեան կեանքին:
Ստորեւ, որպէս մամլոյ արձագանգ մեր ժողովրդի ուշադրութեանն ենք յանձնում հետեւեալ երկու նիւթերը, որոնք Ատրպատականի հայոց թեմ այցելած պրոֆեսորներից երկուսի կատարած աշխատանքներն են իրենց երկրներում:


Ա- Դասախօսութիւն Կրակով քաղաքում՝ Ատրպատականի հայոց թեմի մասին
Չորեքշաբթի, հոկտեմբերի 19-ի երեկոյեան, Լեհաստանի Կրակով քաղաքի KONTYNENTY KLUB ակումբ-հանդիպավայրում տեղի է ունեցել դասախօսութիւն, զրոյց եւ սահիկների ցուցադրութիւն, նւիրւած Ատրպատականի հայոց թեմ կատարւած այցելութեան: Դասախօսութիւնը ներկայացրել է նոյն քաղաքի Եակելոնեան համալսարանի իրանագիտութեան ու հայագիտութեան վաստակաւոր դասախօս՝ ազգութեամբ լեհ պրոֆ. Անդժէյ Փիսովիչը, որ սոյն տարւայ ապրիլ ամսին մի խումբ ակադեմականների հետ առիթ էր ունեցել այցելել Ատրպատականի ազգային առաջնորդարան, ինչպէս նաեւ թեմի վանքերն ու տեսարժան վայրերը: Նոյն առիթով նա յատուկ հանդիպում էր ունեցել թեմի առաջնորդ՝ Տ. Գրիգոր եպս. Չիֆթճեանի հետ, համապարփակ ծանօթութիւններ քաղելով հայութեան ներկայ կեանքի մասին: Յարգելի պրոֆեսորը միշտ կապ է պահում թեմի հետ, ու կատարւած աշխատանքների մասին զրուցում տարբեր շրջանակներում:

161113d04a

Բ- Հովւի մատուռի ճարտարապետութեան մասին մասնագիտական ուսումնասիրութիւն
Ատրպատականի հայոց թեմ այցելած ապրիլեան նոյն խմբին մաս էր կազմում նաեւ գերմանացի, մասնագիտութեամբ եկեղեցական ճարտարապետ՝ Գիւնթէր Դոնատը, որը Դարաշամբի Ս. Ստեփանոս նախավկայի վանքը կատարած այցի շրջանակներում առիթ էր ունեցել մանրամասն ուսումնասիրել Արաքսի ափում գտնւող Հովւի մատուռը: Նա մտահոգւել էր նրա սահմանամերձ ու վտանգաւոր դիրքի պատճառով ու խորապէս տպաւորւել՝ նրա շքեղ վերանորոգութեան ի տես: Ուստի, նա անհրաժեշտ էր համարել յատկապէս վերանորոգութեան աշխատանքի մասին արձագանգել:
Իր վերադարձից յետոյ, Գերմանիայում, նա լոյս է ընծայել չորս էջանի յատուկ ու սեղմ ուսումնասիրութիւն, որը հրատարակել է գերմանահայ ընկերակցութեան պաշտօնաթերթի՝ «Գերմանահայկական նամականի»-ի (Deutsch-Armenische Korrespondenz) սիւնակներում, հետեւեալ խորագրով՝ «Մի անհանգիստ յուշարձան. հայկական վերանորոգեալ Ս. Անդրէորդու եկեղեցին, Ջուլֆայի մօտ» (Գ տետր, թիւ 172, 2016, էջ 38-41):
Սոյն մասնագիտական յօդւածում նա վեր է հանում արդէն իսկ մատուռի մասին նւազ ծանօթ տեղեկութիւնները, տարբեր վարկածները ի մի խմբելով փորձ է կատարում մի խճանկար կազմել: Նա շեշտում է կարեւորութիւնը սահմանամերձ գօտու մէջ նման մատուռի առկայութեանը, միաժամանակ շեշտելով Իրանի Իսլամական Հանրապետութեան բարերար գործունէութիւնը, առաջնորդ Սրբազան Հօր ու Թեմական իշխանութեան աշխոյժ դերակատարութիւնը: Վերջում ճարտարապետական մասնագիտական լեզւով կատարում է վերլուծութիւնը կառոյցի ու վերանորոգութեան:
Հետեւելով մամուլի էջերում թեմում հիւրընկալւած ակադեմականների արձագանգներին, ե՛ւ դասախօսութիւնների միջոցով, ե՛ւ գիտական հրատարակութիւնների, Ատրպատականի առաջնորդ Սրբազան Հայրն իր գնահատանքն է յայտնել նրանց, հայոց պատմութեան ու Հայ մշակոյթի հանդէպ իրենց ունեցած սիրոյ եւ հետաքրքրութեան համար:

Յարակից լուրեր

  • 120-ամեայ նամակ Սուրբ Թադէի վանքից
    120-ամեայ նամակ Սուրբ Թադէի վանքից

    Այս օրերին երբ պատրաստւում ենք մեր հաւատքի ծննդավայր Սուրբ Թադէոս Առաքեալի վանքի տարեկան եռօրեայ ուխտագնացութեան, վերանորոգելու մեր քրիստոնէական հաւատքն ու ազգային պատկանլիութիւնը, մեր աչքերը յետադարձ հայեացքով սեւեռում ենք վանքի ժամանակակից պատմութեան, հաղորդւելու անցեալով եւ տեսնելու այն անձուկ կացութիւնը որին մատնւել էր հոգեւոր եւ ազգային այս կենտրոնը:

  • Ատրպատականի հայոց թեմի առաջնորդը Ղարադաղի Ղասումաշէն գիւղում
    Ատրպատականի հայոց թեմի առաջնորդը Ղարադաղի Ղասումաշէն գիւղում

    Մեր թեմի տասնամեակներից ի վեր հայաթափւած տարածքներում, գաւառներում ու գիւղերում բազմաթիւ են այնպիսի յիշատակներ՝ եկեղեցիներ, դպրոցներ եւ գերեզմանատներ, որոնք պատմական անցեալի մշուշից դուրս է բերում թեմի առաջնորդ՝ գերշ. Տ. Գրիգոր Ս. եպս. Չիֆթճեանը, հետազօտական այցելութիւններ տալով հեռաւոր շրջաններ: Երկուշաբթի, 15 յուլիս 2019 թ.-ին Սրբազան Հայրը այցելեց Ղարադաղի նախկին հայաբնակ Ղասումաշէն գիւղը:

  • Ատրպատականի հայոց թեմի առաջնորդը Ղարադաղի Աղայի եւ Բալա գիւղերում եւ Վարդան գիւղատեղում
    Ատրպատականի հայոց թեմի առաջնորդը Ղարադաղի Աղայի եւ Բալա գիւղերում եւ Վարդան գիւղատեղում

    Թեմի տարբեր շրջաններում հետազօտական իր աշխատանքների ծիրից ներս, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ուրբաթ 12 յուլիս 2019 թ.-ին այցելեց Ղարադաղի Աղայի եւ Բալա գիւղերը եւ նախկին հայկական Վարդան գիւղատեղը, տեղագրելով ցարդ աննկատ մնացած հինաւուրց գերեզմանատունը:

    Սրբազան Հօր կատարած ուսումնասիրութիւնը ներկայացնում ենք ստորեւ, ի՛ր գրչով:

  • Ատրպատականի հայոց թեմի առաջնորդը Ղարադաղի Բերդ գիւղում
    Ատրպատականի հայոց թեմի առաջնորդը Ղարադաղի Բերդ գիւղում

    Ատրպատականի հայոց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի ուսումնասիրական աշխատանքները, թեմի տարածքում նախկին հայաբնակ շրջանների տեղագրութիւնը կատարելու, շաբաթ 6 յուլիս 2019-ին նրան հասցրել էին Ղարադաղի Բերդ գիւղը: Տեղի եկեղեցու, գերեզմանատան եւ ընդհանրապէս նախկին հայկական կեանքի մասին Սրբազան Հօր կատարած ուսումնասիրութիւնը ստորեւ ներկայացնում ենք ի՛ր գրչով:

  • Եռօրեայ ուխտագնացութիւն դէպի Սբ. Թադէոս առաքեալի վանք (25, 26 եւ 27 յուլիս 2019 թ.)
    Եռօրեայ ուխտագնացութիւն դէպի Սբ. Թադէոս առաքեալի վանք (25, 26 եւ 27 յուլիս 2019 թ.)

    Այսու յայտնում ենք սիրելի ուխտաւոր հաւատացեալներին, թէ այս տարի Սբ. Թադէոս Առաքեալի Վանքի Ուխտագնացութիւնը բարձր արտօնութեամբ Ն.Ս.Օ.Տ.Տ. Արամ Ա Մեծի Տանն Կիլիկիոյ կաթողիկոսի, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի տեղի է ունենալու յուլիս ամսի 25, 26 եւ 27-ին (3, 4 եւ 5 մորդադ) կազմակերպութեամբ Վանքերի ուխտագնացութեան յանձնախմբի։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։