Հա

Համայնք

29/11/2016 - 10:50

Գերմանացի բժիշկներ եւ ուսուցիչներ՝ Ատրպատականի ազգ. առաջնորդարանում

Հինգշաբթի, հոկտեմբերի 27-ի առաւօտեան Թաւրիզ ժամանելով, Ատրպատականի հայոց թեմի առաջնորդարան այցելեցին մի խումբ գերմանացի բժիշկներ եւ ուսուցիչներ: Ատրպատականում յատկապէս հայկական սրբավայրերին ծանօթանալու նպատակ ունենալով, նրանք իրենց այցը համադրել էին ազգային առաջնորդարանի հետ:

Ատրպատական, ազգային առաջնորդարան - Հինգշաբթի, հոկտեմբերի 27-ի առաւօտեան Թաւրիզ ժամանելով, Ատրպատականի հայոց թեմի առաջնորդարան այցելեցին մի խումբ գերմանացի բժիշկներ եւ ուսուցիչներ: Ատրպատականում յատկապէս հայկական սրբավայրերին ծանօթանալու նպատակ ունենալով, նրանք իրենց այցը համադրել էին ազգային առաջնորդարանի հետ: Ուստի, Թաւրիզ ժամանումից յետոյ առաջին հանդիպումը կայացաւ ազգային առաջնորդարանում, որտեղ, «Էմիլ Յակոբեան» դահլիճում նրանց ընդունեց Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը:
Ողջունելով նրանց ծրագիրը՝ Ատրպատականի հայոց թեմի սրբավայրերին ծանօթանալու, առաջնորդ Սրբազան Հայրը լայն ծանօթութիւններ փոխանցեց Իրանում հայերի ներկայութեան եւ դարերի ընթացքում երկրի բարգաւաճման բերած նպաստի մասին. «Այն ներդրումը, որը Իրանում ապրող հայութիւնը դարերի ընթացքում կատարել է այս հայրենիքին, մասնակի չի՛ եղել, այլ՝ ամբողջական: Հին դարերից մինչեւ այսօր, հայերը երբեք օտար չեն զգացել այս երկրում, իսկ երկրի տարբեր ժամանակների իշխանութիւնները, երբեք օտարական չեն համարել հայերին: Միասնութեան ամբողջական պատկերի շրջագծում ենք գտնւում այս երկրում իբրեւ հայեր»,- ասաց Սրբազան Հայրն: Ապա, նա յիշեց թեմում բազմաթիւ եկեղեցիների գոյութիւնը, այն համարելով տարածաշրջանում քրիստոնէական վկայութեան գեղեցիկ մէկ օրինակ: Իրանի Իսլամական Հանրապետութեան հոգածու վերաբերմունքի մասին խօսելով, Սրբազան Հայրը անդրադարձաւ մի շարք վանքերի եւ եկեղեցիների նոր ժամանակների պատմութեան, որոնք բարեզարդւելով, պատիւ են բերում ո՛չ միայն թեմում ապրող հայութեան, այլեւ համայն իրանահայութեան եւ Իրանին ընդհանրապէս:
Շուրջ մէկ ժամ տեւած հանդիպման ընթացքում բազմաթիւ հարցեր տրւեցին ընդհանրապէս թեմի եկեղեցական համայնքային կեանքի մասին, որոնց պատասխանեց Սրբազան Հայրը, յիշելով պետութեան բարեացակամ վերաբերումքը եւ հայ համայնքին շնորհած ներքին ազատութիւնները: Ապա, աստւածաբանական հարցեր եւս ուղղւեցին, ի նկատի ունենալով որ հիւրերից ոմանք հետեւորդ էին կաթոլիկ դաւանանքի, իսկ ոմանք էլ Բողոքական եկեղեցիների ընտանիքի մաս էին կազմում, եւ նրանց հետաքրքրում էին Արեւելեան Ուղղափառ դաւանանքի որոշ կէտեր, որոնց մասին դարձեալ լուսաբանական բացատրութիւններ տւեց Սրբազան Հայրը:
Հանդիպումը առիթ հանդիսացաւ նաեւ, առաջիկայ մի քանի օրերին նրանց այցելելու սրբավայրերի մասին պատմական ծանօթութիւններ տալու: Ի դէպ, նրանցից ոմանք ծանօթ էին ո՛չ միայն հայոց քրիստոնէութեան դարձի պատմութեան, այլեւ մեր եկեղեցու Առաքելական ծագումին եւ որոշ աւանդութիւններին:

Յարակից լուրեր

  • Սիրահարների տօնի առիթով ուրախ երեկոյ՝ Թաւրիզի Տաթեւ պարախմբի նախաձեռնութեամբ
    Սիրահարների տօնի առիթով ուրախ երեկոյ՝ Թաւրիզի Տաթեւ պարախմբի նախաձեռնութեամբ

    Սիրահարների տօնի հմայքը աւելացնող եւ երիտասարդութեան սիրտը գրաւող ծրագիր եղաւ, 15 Փետրւար  2019-ին, Ազգային առաջնորդարանի «Համազասպ Ոսկանեան սրահում կայացած ուրախ երեկոն, կազմակերպութեամբ Հ.Օ.Մ.-ի Թաւրիզի մասնաճիւղի հովանու ներքոյ գործող «Տաթեւ» պարախմբի:

  • Մարկոս Էնդլերի Ատրպատականի թեմի վերաբերւող նկարչական գործերը ցուցադրւում են Գերմանիայում
    Մարկոս Էնդլերի Ատրպատականի թեմի վերաբերւող նկարչական գործերը ցուցադրւում են Գերմանիայում

    Գերմանացի գեղանկարիչ Մարկոս Էնդլեր, որ անցած տարի, 5-12 Հոկտեմբեր 2018-ին, այցելել էր Ատրպատականի Հայոց թեմ եւ իր ուղեւորութեան ընթացքում գծագրած նկարները ցուցադրել Թաւրիզում, 10 Հոկտեմբեր 2018-ին, հովանաւորութեամբ Ատրպատականի Հայոց թեմի առաջնորդ Գերշ. Տ. Գրիգոր Ս. Եպս. Չիֆթճեանի եւ կազմակերպութեամբ Թաւրիզի Հայ Համալսարանականների Միութեան, Գերմանիայում երկու յաջորդական ցուցահանդէսներով ներկայացրեց նոյն պատկերները, «ՊԱՏՈՒՀԱՆ արեւելեան մշակութային տեսարանի վրայ» ընդհանուր խորագրի ներքեւ։

  • Ատրպատականի հայոց թեմի առաջնորդը Մարանդում.  Նոյ Նահապետի կնոջ գերեզմանին այց
    Ատրպատականի հայոց թեմի առաջնորդը Մարանդում. Նոյ Նահապետի կնոջ գերեզմանին այց

    Երկուշաբթի, 4 փետրւարի, 2019-ին Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան այցելեց Մարանդ քաղաքը, որտեղ այժմու հնագոյն բազարում գտնւող պատմական մզկիթի հովանու ներքոյ է առնւել Նոյի կնոջ աւանդական գերեզմանի վայրը: Սրբազան Հօր կատարած հետազօտութեան մանրամասները եւ այս մասին նրա գրած շահեկան ուսումնասիրութիւնը հրատարակում ենք ստորեւ, ի՛ր գրչով:

  • Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները
    Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները

    Ատրպատականի հայոց թեմի վանքերի բարեզարդման հանդէպ բարեպաշտ նախանձնախնդրութեան արտայայտութիւն դարձաւ կիրակի 3 փետրւար 2019-ին, Թաւրիզի Լիլաւա հայաշատ թաղամասի Սուրբ Սարգիս եկեղեցում, յընթացս ս. պատարագի տեղի ունեցած հանդիսաւոր արարողութիւնը, երբ օծւեցին Սբ. Ստեփանոս Նախավկայի վանքի տաճարի նոր կանթեղները: 

  • Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի
    Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի

    Գնահատելու համար իր բասկետբոլի խմբի նւիրեալ մարզիկներին, որոնք անցած մէկ քանի օրերի ընթացքում մասնակցեցին Արեւելեան Ատրպատականի նահանգում կազմակերպւած տարբեր ակումբների հետ բասկետբոլային մրցաշարին, հինգշաբթի 31 յունւար 2019 թ.-ի երեկոյեան ժամը 9-ին, Հ.Մ.Ա.Կ.-ի Թաւրիզի մասնաճիւղի վարչութիւնը պաշտօնական ընթրիքով պատւեց նրանց: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։