Հա

Համայնք

04/12/2016 - 10:10

Ատրպատականի առաջնորդը այցելեց Ուրմիայի հայոց զոյգ կրթօջախները

2016-2017 կրթական տարեշրջանի բացման առիթով, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը չորեքշաբթի, նոյեմբերի 16-ի առաւօտեան, հովւական այց տւեց Ուրմիայի հայոց զոյգ կրթօջախներին՝ հայոց ազգային «Մասիհա» դպրոց եւ ՀՕՄ-ի «Նայիրի» մանկապարտէզ:

Ատրպատական, ազգային առաջնորդարան - 2016-2017 կրթական տարեշրջանի բացման առիթով, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը չորեքշաբթի, նոյեմբերի 16-ի առաւօտեան, հովւական այց տւեց Ուրմիայի հայոց զոյգ կրթօջախներին՝ հայոց ազգային «Մասիհա» դպրոց եւ ՀՕՄ-ի «Նայիրի» մանկապարտէզ: Առաջնորդ Սրբազանին ընկերակցում էին Ուրմիայի հոգեւոր հովիւ՝ Տ. Ներսէս քհնյ. Պասիլեանը, Թեմական խորհրդի ատենապետ՝ Ռուբիկ Ջանանեանը եւ Գործակալական խորհրդի ատենապետ՝ Փայլակ Սահակեանը:

 

ա- Այց՝ Ուրմիայի հայոց ազգ. «Մասիհա» դպրոց

Առաւօտեան ժամը 10-ին, Սրբազան Հայրը իր ընկերակիցներով դիմաւորւեց դպրոցի տեսչուհի Ադրինէ Մեջլումեանի, տեսչուհու օգնական՝ Ղասեմիի եւ ուսուցչական կազմի կողմից: Տեսչարանում տեղի ունեցած հանդիպման ընթացքում, տեսչուհին զեկուցեց տարեսկզբից ի վեր կատարւած աշխատանքի, յաւելւած դասարանի յարմարեցման եւ կրթական կեանքի հետ առնչւած խնդիրների մասին: Հայերէն լեզւի եւ հայերէն լեզւով դասաւանդւող նիւթերի դասագրքերի մասին ակնարկութիւն կատարւեց, գնահատանք արտայայտելով սոյն նիւթերի դասաւանդումը կատարող ուսուցչուհիների նւիրեալ աշխատանքին:
Ապա, առաջնորդ Սրբազանը հերթաբար այցելեց դասարանները եւ զրուցեց աշակերտութեան հետ, նա յատկապէս իրենց անցած հայոց պատմութեան դասերի, կրօնագիտութեան առարկաների մասին նրանց հարցեր ուղղեց, որոնց պատասխանեցին աշակերտները: Իւրաքանչիւր դասարան մէկ սրբի անունով է կոչւում՝ Ս. Սարգիս, Ս. Գէորգ, Ս. Մեսրոպ Մաշտոց եւ այլն, ազգային-կրօնական շունչ հաղորդելով այնտեղ սովորող մեր երեխաներին:

161204d06a

Յատկանշական էր, որ իւրաքանչիւր դասարանում երբ աղօթք կատարեց Սրբազան Հայրը, բոլոր աշակերտները մասնակցում էին, անգիր արտասանելով Տէրունական աղօթքը, ինչպէս նաեւ առօրեայ այլ աղօթքներ:
Աշակերտութեան հետ հանդիպումը առիթ հանդիսացաւ մայրենի լեզւի եւ ազգային պատմութեան արժէքը շեշտելու նոր սերնդի մօտ, բացատրելու այն մեծ հարստութեան՝ Հայոց լեզւի առանձնայատկութիւններն ու առաւելութիւնները, որոնք մեզ տարբերում են ուրիշ ազգերից, եւ որը մեր ժողովրդի յաւերժութեան խարիսխն է տարբեր ազգերի եւ լեզուների ընդհանուր պատկերի շրջագծում:

161204d06b

բ- Այց՝ ՀՕՄ-ի «Նայիրի» մանկապարտէզ

Նոյն օրը, առաւօտեան ժամը 11:30-ին, առաջնորդ Սրբազանը իր ընկերակիցներով այցելեց Հայ օգնութեան միութեան Ուրմիայի մասնաճիւղի «Նայիրի» մանկապարտէզ, որի մուտքին կրթօջախի երեխաները ջերմ դիմաւորութիւն ցուցաբերեցին հիւրերին: Հանդիպմանը ներկայ էին ՀՕՄ-ի վարչութեան անդամները եւ ուսուցչուհիները:
Երեխաների հետ հաճելի դասաժամի փոխակերպւեց այն այցը, երբ Սրբազան Հայրը նրանց դպրոցական գրասեղանի շուրջ նստելով, զրուցեց նրանց հետ, նոր սովորած նիւթերի մասին: Յայտնենք, թէ՝ շաբաթական դրութեամբ նրանք հանդիպում են ունենում Ուրմիայի հոգեւոր հովիւի հետ, որը նրանց սովորեցնում է սաղմոսներ եւ փոքր աղօթքներ: Երեխաները պատմեցին առաջիկայ գլխաւոր տօնի՝ Յիսուսի Ծննդեան մասին, եւ այս առիթով իրենց նկարած եւ ներկած «Յիսուսի Ծնունդը» պատկերը նւիրեցին առաջնորդ Սրբազանին:

161204d06c

Այս առիթով ՀՕՄ-ի վարչութեան ատենապետուհի Սեդա Մեջլումեանը շնորհակալութեան խօսք ուղղեց առաջնորդ Սրբազանին եւ ազգային իշխանութեանը, սոյն փոքրիկ կրթօջախը ուշադրութեան առարկայ դարձնելու առիթով: Իսկ Սրբազան Հայրը իր գնահատանքը յայտնեց ՀՕՄ-ի վարչութեանը, Տէր Հօրը, Գործակալական խորհրդին, դաստիարակչուհի Օֆելիա Սայեադեանին, ուսուցչուհի Արտեմիս Բայրամեանին եւ օգնականուհի Զեմֆիրա Մնացականեանին, «Նայիրի» մանկապարտէզի կրթադաստիարակչական առօրեային իրենց գործօն մասնակցութիւնը բերելու համար:
Հայեցի դաստիարակութեան եւ հայերէն լեզւի պահպանութեան այս զոյգ օջախները իրենց նւիրեալ կրթական մշակներով եւ հովանաւորներով, շարունակելու են ուրմիահայ համայնքի հիմքերը ամրապնդել, ապահովելով նոր սերունդների հայերէնախօսութիւնը եւ ազգասիրութիւնը:

Յարակից լուրեր

  • Ատրպատականի հայոց թեմի առաջնորդը Մարանդում.  Նոյ Նահապետի կնոջ գերեզմանին այց
    Ատրպատականի հայոց թեմի առաջնորդը Մարանդում. Նոյ Նահապետի կնոջ գերեզմանին այց

    Երկուշաբթի, 4 փետրւարի, 2019-ին Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան այցելեց Մարանդ քաղաքը, որտեղ այժմու հնագոյն բազարում գտնւող պատմական մզկիթի հովանու ներքոյ է առնւել Նոյի կնոջ աւանդական գերեզմանի վայրը: Սրբազան Հօր կատարած հետազօտութեան մանրամասները եւ այս մասին նրա գրած շահեկան ուսումնասիրութիւնը հրատարակում ենք ստորեւ, ի՛ր գրչով:

  • Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները
    Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները

    Ատրպատականի հայոց թեմի վանքերի բարեզարդման հանդէպ բարեպաշտ նախանձնախնդրութեան արտայայտութիւն դարձաւ կիրակի 3 փետրւար 2019-ին, Թաւրիզի Լիլաւա հայաշատ թաղամասի Սուրբ Սարգիս եկեղեցում, յընթացս ս. պատարագի տեղի ունեցած հանդիսաւոր արարողութիւնը, երբ օծւեցին Սբ. Ստեփանոս Նախավկայի վանքի տաճարի նոր կանթեղները: 

  • Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի
    Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի

    Գնահատելու համար իր բասկետբոլի խմբի նւիրեալ մարզիկներին, որոնք անցած մէկ քանի օրերի ընթացքում մասնակցեցին Արեւելեան Ատրպատականի նահանգում կազմակերպւած տարբեր ակումբների հետ բասկետբոլային մրցաշարին, հինգշաբթի 31 յունւար 2019 թ.-ի երեկոյեան ժամը 9-ին, Հ.Մ.Ա.Կ.-ի Թաւրիզի մասնաճիւղի վարչութիւնը պաշտօնական ընթրիքով պատւեց նրանց: 

  • Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին
    Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին

    19 յունւար 2019 թւակիր պաշտօնական գրով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, թեմի ազգային իշխանութեան անունից շնորհաւորեց իրանահայ հասարակական գործիչ Լեւոն Ահարոնեանին, Իրանցի մէկ շարք բարձրամակարդակ գործարարների հետ պետական «Ամին Օլ Զարբ» բարձրագոյն շքանշանով պարգեւատրւելու ուրախ առիթով:

  • Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը
    Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը

    Երկուշաբթի 28 յունւար 2019 թւակիր պաշտօնական գրով, ուղղւած ԻԻՀ-ում ՀՀ արտակարգ եւ լիազօր դեսպան Արտաշէս Թումանեանի, Ատրպատականի հայոց թեմի առաջնորդ՝ գերշ. Տ. Գրիգոր Ս. Եպս. Չիֆթճեանը շնորհաւորեց Հայոց Բանակի հիմնադրութեան տօնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։