Հա

Համայնք

08/12/2016

Գրքերի տարեկան ցուցահանդէս՝ Թաւրիզի հայոց ազգ. դպրոցում

Նոյեմբերի 22-ի առաւօտեան ժամը 11-ին, Թաւրիզի հայոց ազգային դպրոցի տեսչութեան կազմակերպութեամբ, դպրոցի գրադարանում տեղի ունեցաւ նոր հրատարակւած գրքերի տարեկան ցուցահանդէս:
Ցուցահանդէսի պաշտօնական բացումը կատարւեց Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի ներկայութեամբ, ընկերակցութեամբ Թեմական խորհրդի ատենապետ՝ Ռուբիկ Ջանանեանի:

Ատրպատական, ազգային առաջնորդարան - Նոյեմբերի 22-ի առաւօտեան ժամը 11-ին, Թաւրիզի հայոց ազգային դպրոցի տեսչութեան կազմակերպութեամբ, դպրոցի գրադարանում տեղի ունեցաւ նոր հրատարակւած գրքերի տարեկան ցուցահանդէս:
Ցուցահանդէսի պաշտօնական բացումը կատարւեց Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի ներկայութեամբ, ընկերակցութեամբ Թեմական խորհրդի ատենապետ՝ Ռուբիկ Ջանանեանի: Ներկայ էին ուսուցչական կազմի եւ ծնողական խորհրդի անդամներ, ծնողներ եւ գրադարանավար եռեակ կազմի անդամներ:
Ցուցադրւած գրքերի եւ դրանց նիւթերի խմբաւորման մասին ծանօթացման խօսք փոխանցեց դպրոցի տեսչուհի՝ Արմինէ Վահրամեանը: Նրա տւած բացատրութեան համաձայն, Իրանի Իսլամական Հանրապետութեան Կրթական նախարարութեան նախաձեռնութեամբ «Տարեկան 50 հազար գիրք եւ 50 հազար ցուցահանդէս» նպատակային բնաբանով սկսւած աշխատանքը, արդիւնաւորում է աշակերտական բազմաթիւ գունագեղ գրքերի հրատարակութեամբ: Տեսչուհին հաստատեց, թէ՝ դպրոցը իր սահմանափակ բիւջէով եւ մեծ զոհողութեամբ ձեռք է բերում սոյն գրքերից շատերը, աշակերտութեանը չզրկելու համար երկրում հրատարակւող ուսանողական մակարդակի եւ մանկավարժական յատուկ պատրաստութեամբ լոյս տեսնող գրքերից:
161208d03aՆերկայացւած նոր հրատարակութիւնները բարձրորակ տպագրութեամբ, տարիքային բաժանումներով եւ նիւթերի բազմազան ճոխութեամբ յատկանշւած գրքեր էին, որոնց գլխաւոր նպատակը եթէ ուսում ու գիտութիւն ջամբելն է, միւս կողմից նաեւ ընթերցանութեան նահանջի դէմ բացայայտ պայքարի արտայայտութիւն է: Գիրքը սիրեցնել՝ գեղեցիկ արտաքինով, երեխաների համար՝ նկարները ներկելու յատուկ էջերով, իսկ աւելի մեծերի համար՝ հետաքրքրական նիւթերի յաւելումով, ընթերցանութեան համաշխարհային նահանջի վտանգաւոր երեւոյթի դէմ պայքարի բաղկացուցիչ են:
161208d03bՍրբազան Հայրը այս առիթով գնահատեց տեսչութեան կատարած զոհողութիւնը՝ գրքերի ապահովման գծով, ինչպէս նաեւ ուսուցիչների հետեւողական աշխատանքը՝ երեխաների ընթերցումից յետոյ կատարւող ամփոփումների եւ վերլուծումների առումով: Իր գնահատանքը Սրբազան Հայրը ուղղեց նաեւ գրադարանավարների անձնակազմին՝ Վահագն Տէր-Պետրոսեանին, Շաքէ Ջանանեանին եւ Միշիկ Բուդաղեանին, որոնք սիրայօժար կատարել էին դպրոցի գրադարանի վերադասաւորման աշխատանքը, ցուցակագրումը թարմացնելով եւ գրքերի բաժանումները ըստ նիւթերի վերախմբաւորելով:
Ապա, տեսչարանում տեղի ունեցաւ հիւրասիրութիւն, որի ընթացքում խորհրդակցութիւն կատարւեց ուսումնական-կրթական 2016-2017 տարւայ աշխատանքների մասին:

Յարակից լուրեր

  • Թաւրիզի հայոց ազգային դպրոցի տարեվերջի հանդիսութիւն ձօնւած Հայաստանի անկախութեան 100-ամեակին
    Թաւրիզի հայոց ազգային դպրոցի տարեվերջի հանդիսութիւն ձօնւած Հայաստանի անկախութեան 100-ամեակին

    Չորեքշաբթի, 13 յունիս 2018-ի երեկոյեան ժամը 8-ին, Ազգային առաջնորդարանի «Համազասպ Ոսկանեան» սրահում, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, տեղի ունեցաւ Թաւրիզի ազգ. «Թամարեան, Հայկազեան եւ Սահակեան» դպրոցի 2017-2018 տարեշրջանի փակման հանդիսութիւնը, որը ձօնւած էր Հայաստանի Հանրապետութեան հիմնադրման 100-ամեակին: 

  • Ատրպատականի հայոց թեմի առաջնորդը Ղարադաղի Խանագահ գիւղում
    Ատրպատականի հայոց թեմի առաջնորդը Ղարադաղի Խանագահ գիւղում

    Շարունակելով իր հետազօտական եւ տեղագրական արշաւը Ատրպատականի թեմի տարածքում, թեմակալ առաջնորդ գերշ. Տ. Գրիգոր Ս. եպս. Չիֆթճեանը հասաւ Ղարադաղի ամէնից աւելի հայաշատ գիւղերից՝ Խանագահ, որտեղ գտնւում է Սբ. Ստեփանոս պատմական եկեղեցին, ինչպէս նաեւ «Ազիզեան-Մնացականեան» հայոց դպրոցի աւերակը եւ գիւղի գերեզմանատունը: 

    6 յունիս 2018-ին, առաջնորդ Սրբազանի Խանագահ գիւղ այցելութեան մանրամասնութիւնները ստորեւ ներկայացնում ենք, ի՛ր գրչով:

  • Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը
    Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը

    Պաշտօնական յատուկ նամակով, ուղղւած Նորին Սուրբ Օծութիւն Տ.Տ. Արամ Ա կաթողիկոսին Մեծի Տանն Կիլիկիոյ, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը որդիական զգացմունքով շնորհաւորեց Վեհափառ Հայրապետի քահանայագործութեան 50-ամեայ յոբելեանը, որը գեղեցիկ դիպւածով զուգադիպում է Հայաստանի Հանրապետութեան անկախութեան փառապանծ տօնին:

  • Ատրպատականի հայոց թեմի առաջնորդը Ղարադաղում
    Ատրպատականի հայոց թեմի առաջնորդը Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կառոյցների ներկայ իրավիճակի մասին ուսումնասիրական նիւթերի առաջին հատորը հրատարակելուց յետոյ, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը շարունակում է իր պրպտողական աշխատանքը թեմի տարբեր շրջաններում, ուսումնասիրելով, չափագրելով եւ լուսանկարելով բոլոր այն մասունքները՝ կանգուն եւ խոնարհւած եկեղեցիներ, մատուռներ, սրբավայրեր, դպրոցներ եւ այլ կառոյցներ, որոնք թեմի պատմութեան անմոռաց յուշերն են կազմում:

  • Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում
    Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում

    Շաբաթ, 2 յունիս 2018-ի երեկոյեան ժամը 6-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի նախագահութեամբ, առաջնորդարանի «Էմիլ Յակոբեան» դահլիճում տեղի ունեցաւ հանդիպում, Թեմական խորհրդի եւ Իրանի եկեղեցիների պետական հիմնարկութեան տնօրէն ճարտարապետ Շերլի Աւետեանի միջեւ: Սոյն հանդիպման ներկայ գտնւեցին նաեւ Ատրպատականի վանքերի ուխտագնացութեան յանձնախմբի վարչական անդամներ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։