Հա

Համայնք

26/12/2016 - 11:10

Ատրպատականի հայոց առաջնորդը Թաւրիզում հանդիպեց Մշակութային ժառանգութիւնների ընդհ. տնօրէնի հետ

Հինգշաբթի, դեկտեմբերի 8-ի առաւօտեան, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը հանդիպում ունեցաւ Արեւելեան Ատրպատականի Մշակութային ժառանգութիւնների պետական հիմնարկութեան նորանշանակ ընդհ. տնօրէն՝ ճրտպ. դոկտ. Աբդարի հետ:

Ատրպատական, ազգային առաջնորդարան - Հինգշաբթի, դեկտեմբերի 8-ի առաւօտեան, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը հանդիպում ունեցաւ Արեւելեան Ատրպատականի Մշակութային ժառանգութիւնների պետական հիմնարկութեան նորանշանակ ընդհ. տնօրէն՝ ճրտպ. դոկտ. Աբդարի հետ: Հանդիպմանը ներկայ էին Թեմական խորհրդի անդամներ՝ Վարդան Աբրահամեանը, Գագիկ Ջորջեանը եւ Ալէն Սայեադեանը, ինչպէս նաեւ Փոքրամասնութիւնների պետական գրասենեակի պատասխանատուն:
Սոյն հանդիպումը առաջին հերթին շնորհաւորական բնոյթ ունէր, ի նկատի ունենալով, որ դոկտ. Աբդարը մի քանի ամիս առաջ ստաձնել էր իր նոր պաշտօնը: Շնորհակալութիւն յայտնելով սոյն քաղաքավարական այցի համար, դոկտ. Աբդարը յիշեց թաւրիզահայ համայնքի հետ իր անցած երկար ուղին եւ բարեկամական սիրալիր օրերը, երբ իբրեւ քաղաքապետ սերտ գործակցութիւն էր ունեցել ազգային առաջնորդարանի հետ, շինարարական բնագաւառում, օժանդակելով Հ.Մ.Ա.Կ.-ի Թաւրիզի մասնաճիւղի շինարարական աշխատանքներին:
161226d02aՀանդիպման ընթացքում, առաջնորդ Սրբազան Հայրը անդրադարձաւ Ատրպատականի հայոց թեմի թանգարանի վերադասաւորման եւ վերաբացման ծրագրին, նոր վայրում ու արդիական բոլոր չափանիշերի գործադրութեամբ: Նա յիշեցրեց, թէ՝ 2018 թւականը արդէն մօտալուտ է, երբ զբօսաշրջութեան ոլորտում, Թաւրիզը դառնալու է «Իսլամի մայրաքաղաք»: Ուստի, առիթը յարմար նկատելով, Սրբազան Հայրը ասաց, թէ Ատրպատականի հայութիւնը եւս իր ներդրումն է ունենալու այս ծրագրին, Թաւրիզում թանգարանների թիւը մէկ հատով աւելացնելով. «Վայրը, նիւթերը եւ աշխատանքը մեզանից, իսկ գործի արդիւնքով ձեռքբերւած պատիւը՝ բոլորիս՝ քրիստոնեային եւ իսլամին, իրանահայութեանը եւ Իրանի Իսլամական Հանրապետութեանը»,- ասաց Սրբազան Հայրը:
Մշակութային Ժառանգութիւնների պետական հիմնարկութեան գործունէութեան ծիրում, առաջնորդ Սրբազան Հայրը անդրադարձաւ նաեւ Մարաղայի Ս. Յովհաննէս եկեղեցու վերանորոգութեան կիսատ մնացած աշխատանքին, նախապէս հայութեամբ բաբախող այս քաղաքում տարեկան գէթ մէկ առիթով Թաւրիզից նախկին մարաղացիներին այնտեղ հրաւիրելու եւ եկեղեցական արարողութիւն կատարելու իր փափագը յայտնելով դոկտ. Աբդարին:
Դոկտ. Աբդարը ողջունելով Սրբազան Հօրը եւ Թեմական խորհրդի ներկայացուցիչներին, իր ուրախութիւնը յայտնեց Ատրպատականի թեմի ղեկավարութեան հետ դարձեալ հանդիպելու համար, յիշելով անցեալի իր փորձառութիւնը հայ համայնքի հետ: Նա իր ղեկավարած տեսչութեան գլխաւոր երկու խորհրդականների ներկայութեամբ, իր պատրաստակամութիւնը յայտնեց օժանդակելու թանգարանային ծրագրի յաջողութեանը, հարկ եղած ուղղութիւնն ու թելադրանքը կատարելով աշխատանքի սկզբնական քայլերի մասին:
Յայտնենք, որ առաջիկայ օրերին դոկտ. Աբդարը Սրբազան Հօր եւ Թեմական խորհրդի հետ միասին աշխատանքային այց է կատարելու թանգարանի պահեստը եւ այն շէնքը, որը պէտք է ծառայի իբրեւ թանգարան:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • «Վանի արծաթը»` Թաւրիզում
    «Վանի արծաթը»` Թաւրիզում

    Թաւրիզի հայկական թաղամասի Պարոն Աւագ փողոցը հատւում է կենտրոնական Շարիաթի փողոցին, որով զբօսնելիս միանգամից աչք է ծակում «Van Silver» անունը կրող փոքրիկ խանութը: Բացի անւանումից, այն առաւել լուսարձակ է ցուցափեղկերին շողշողացող արծաթեայ իրերի հաշւին, քան հարեւան տաղաւարներն են:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։