Հա

Համայնք

24/01/2017

Սարկաւագական ձեռնադրութիւն Ատրպատականի հայոց թեմում

Յունւարի 22-ին, Թաւրիզի Լիլաւա հայաշատ թաղամասի Ս. Սարգիս եկեղեցում յընթացս Սուրբ եւ անմահ պատարագի տեղի ունեցաւ Սարկաւագական ձեռնադրութիւն, ձեռամբ Ատրպատականի հայոց թեմի առաջնորդ՝ Գերշ. Տ. Գրիգոր Ս. Եպս. Չիֆթճեանի:

«ԱԼԻՔ» - Յունւարի 22-ին, Թաւրիզի Լիլաւա հայաշատ թաղամասի Ս. Սարգիս եկեղեցում յընթացս Սուրբ եւ անմահ պատարագի տեղի ունեցաւ Սարկաւագական ձեռնադրութիւն, ձեռամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի: Սարկաւագական կարգ ստացան՝ Բարեկրօն Վարդան կիս. սրկ. Տէր-Մարտիրոսեանը եւ Բարեկրօն Յովիկ կիս. սրկ. Ղուկասեանը: Այս մասին տեղեկանում ենք Ատրպատականի ազգային առաջնորդարանից:

«Չի ողորմած»-ի պահին ընծայեալները ծնրադիր յառաջացան դէպի սուրբ խորան եւ ձեռնադրիչ Սրբազանի կողմից կոչւեցին Սարկաւագութեան պաշտօնին:

Ձեռնադրման կարգի աւարտից յետոյ, երկար ժամանակ նման ձեռնադրութիւն չտեսած ժողովրդի հոգեւոր դաստիարակութեան նպատակով, Սրբազան Հայրը բացատրեց Հայ եկեղեցու նւիրապետութեան փոքր աստիճանները մինչեւ Սարկաւագական կարգը:

Ապա, նա անդրադարձաւ ձեռնադրւած անձանց կենսագրութեան, որոնցից առաջինը՝ Վարդան սարկաւագը արդէն երկար տարիներ է, ինչ ծառայում է սուրբ եկեղեցուն, իսկ Յովիկ սարկաւագն էլ, շուտով քահանայական ձեռնադրութիւն է ստանալու՝ Թաւրիզի հոգեւոր հովւութեան կոչւելու համար:

Ս. պատարագի աւարտին ներկայ հաւատացեալները խորանի բեմի առջեւ շնորհաւորեցին նորընծայ զոյգ սարկաւագներին՝ նրանց մաղթելով յարատեւ ծառայութիւն:

Յարակից լուրեր

  • Ատրպատականի հայոց թեմի առաջնորդը Ղարադաղի Խանագահ գիւղում
    Ատրպատականի հայոց թեմի առաջնորդը Ղարադաղի Խանագահ գիւղում

    Շարունակելով իր հետազօտական եւ տեղագրական արշաւը Ատրպատականի թեմի տարածքում, թեմակալ առաջնորդ գերշ. Տ. Գրիգոր Ս. եպս. Չիֆթճեանը հասաւ Ղարադաղի ամէնից աւելի հայաշատ գիւղերից՝ Խանագահ, որտեղ գտնւում է Սբ. Ստեփանոս պատմական եկեղեցին, ինչպէս նաեւ «Ազիզեան-Մնացականեան» հայոց դպրոցի աւերակը եւ գիւղի գերեզմանատունը: 

    6 յունիս 2018-ին, առաջնորդ Սրբազանի Խանագահ գիւղ այցելութեան մանրամասնութիւնները ստորեւ ներկայացնում ենք, ի՛ր գրչով:

  • Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում
    Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում

    Շաբաթ, 2 յունիս 2018-ի երեկոյեան ժամը 6-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի նախագահութեամբ, առաջնորդարանի «Էմիլ Յակոբեան» դահլիճում տեղի ունեցաւ հանդիպում, Թեմական խորհրդի եւ Իրանի եկեղեցիների պետական հիմնարկութեան տնօրէն ճարտարապետ Շերլի Աւետեանի միջեւ: Սոյն հանդիպման ներկայ գտնւեցին նաեւ Ատրպատականի վանքերի ուխտագնացութեան յանձնախմբի վարչական անդամներ:

  • Մարաղայի քաղաքապետը այցելեց Ատրպատականի առաջնորդարան
    Մարաղայի քաղաքապետը այցելեց Ատրպատականի առաջնորդարան

    Կիրակի, 27 մայիս, 2018-ի յետ միջօրէին Ատրպատականի հայոց թեմի Ազգային առաջնորդարան այցելեց Մարաղայի քաղաքապետ՝ ճարտարապետ Ահմադի, ընկերակցութեամբ քաղաքապետական խորհրդի անդամների, հանդիպում ունենալու Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի եւ Թեմական խորհրդի հետ:

  • Հայաստանի անկախութեան 100-ամեակի առիթով գոհաբանական մաղթանք Ատրպատականի հայոց թեմում եւ 50-ամեակ Ն.Ս.Օ.Տ.Տ. Արամ Ա կաթողիկոսի քահանայագործութեան
    Հայաստանի անկախութեան 100-ամեակի առիթով գոհաբանական մաղթանք Ատրպատականի հայոց թեմում եւ 50-ամեակ Ն.Ս.Օ.Տ.Տ. Արամ Ա կաթողիկոսի քահանայագործութեան

    Կիրակի, 27 մայիս 2018-ի առաւօտեան մատուցւած սուրբ պատարագով եւ Հայաստանի Հանրապետութեան նւիրւած Գոհաբանական մաղթանքով բացումը կատարւեց Հայաստանի անկախութեան 100-ամեակի առիթով թեմում տեղի ունենալիք ձեռնարկներին: Ուրմիայում, Սբ. Ստեփանոս ծխական եկեղեցում եւս մատուցւեց սուրբ պատարագ եւ կատարւեց Գոհաբանական մաղթանք, աղօթքով սկսելու Հայաստանի Հանրապետութեան հիմնադրութեան 100-ամեակի տարին: 

  • Համբարձման տօնը Մարալանի Սբ. Աստւածածին մատուռի ուխտավայրում
    Համբարձման տօնը Մարալանի Սբ. Աստւածածին մատուռի ուխտավայրում

    Հինգշաբթի 10 մայիս 2018-ին, մեր Տիրոջ Յիսուս Քրիստոսի Համբարձման տօնի առիթով, Ատրպատականի հայոց թեմում, տարիների աւանդութեան համաձայն, ս. պատարագ մատուցւեց Թաւրիզի Մարալան նախկին հայաշատ քաղաքամասում, ազգապատկան հսկայ այգում գտնւող Սբ. Աստւածածին ուխտավայր մատուռում: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։