Հա

Համայնք

26/01/2017 - 09:45

Ատրպատականի կուսակալն այցելել է Ատրպատականի հայոց թեմի առաջնորդարան

Յունւարի 22-ին, Ատրպատականի կուսակալ դոկտ. Շոհրադիֆար, իր տեղակլի եւ քաղաքական խորհրդականի հետ այցելել է Ատրպատականի հայոց թեմի առաջնորդարան եւ հանդիպել է թեմի առաջնորդ՝ Տ. Գրիգոր եպս. Չիֆթճեանի հետ:

«ԱԼԻՔ» - Յունւարի 22-ին, Ատրպատականի կուսակալ դոկտ. Շոհրադիֆար, իր տեղակլի եւ քաղաքական խորհրդականի հետ այցելել է Ատրպատականի հայոց թեմի առաջնորդարան եւ հանդիպել է թեմի առաջնորդ՝ Տ. Գրիգոր եպս. Չիֆթճեանի հետ: Հանդիպմանը ներկայ է եղել նաեւ Թեմական խորհուրդը:

Առաջնորդ Սրբազան Հօր գրասենեակում կայացած հանդիպման, սկզբում Սրբազան Հայրը ողջունել է կուսակալին եւ նրա ընկերակիցներին՝ ամփոփ տեղեկութիւններ փոխանցելով վերջին ամիսների ընթացքում հայ համայնքի ազգային-եկեղեցական աշխոյժ գործունէութեան եւ հաւաքական կեանքի մասին:

Դոկտ. Շոհրադիֆար էլ շնորհակալութիւն է յայտնել սիրալիր ընդունելութեան համար, շնորհաւորել է Հայ ժողովրդին Ամանորի եւ Ս. Ծննդեան տօների կապակցութեամբ, որից յետոյ էլ ներկայացրել է իր այցի նպատակը՝ ընդառաջելով Սրբազան հօր եւ Ազգային իշխանութեան կողմից ներկայացւած թանգարանի ծրագրին, եկել է գործնական քայլերի շուրջ խորհրդակցելու եւ պարտն ու պատշաճը տնօրինելու՝ Ատրպատականի հայոց թեմի հովանաւորութեան ներքոյ գործող թանգարանի բացման համար:

Սրբազան Հայրն ու Թեմական խորհրդի անդամները, գլխաւորութեամբ ատենապետ Ռուբիկ Ջանանեանի, մանրամասն բացատրութիւններ են ներկայացրել կուսակալին, դարերից ի վեր Ատրպատականում ի պահ դրւած պատմական թանկարժէք նմուշների մասին, որոնց մնայուն ցուցադրումը թանգարանային յարկի տակ Թաւրիզում, պատւաբեր կը լինի համայն Իրանի եւ Իրանահայութեան եւ ի մասնաւորի Թաւրիզ քաղաքի համար:

Մէկ ժամ տեւած հանդիպման աւարտին, Սրբազան Հօր առաջարկով, կուսակալը իր ընկերակիցներով եւ Թեմական խորհրդի անդամների հետ միասին այցելել է այն շէնքը, որը նախատեսւած է թանգարանի համար, որպէսզի տեղում գաղափար կազմի ծրագրի տարողութեան եւ դրա համաձայն աշխատանքների բաշխում եւ դասաւորում կատարի:  

Յարակից լուրեր

  • Ատրպատականի հայոց թեմի առաջնորդը Ղարադաղի Դուգիդարա գիւղում
    Ատրպատականի հայոց թեմի առաջնորդը Ղարադաղի Դուգիդարա գիւղում

    Ատրպատականի ամէնից ընդարձակ եւ լեռնային խիստ բնութեամբ յատկանշւող շրջաններից է Ղարադաղը, որտեղ մեր թեմի անցեալի բնակավայրերի՝ գիւղերի եւ դրանցում գտնւած եկեղեցիների ու գերեզմանատների մասին ուսումնասիրութիւններ է կատարում առաջնորդ՝ գերշ. Տ. Գրիգոր Ս. եպս. Չիֆթճեանը: Երկուշաբթի, 9 սեպտեմբեր 2019 թ.-ին, Սրբազան Հայրը մեկնեց Ղարադաղի Դուգիդարա գիւղը, ուսումնասիրելով տեղի եկեղեցին եւ գերեզմանատունը:

  • «Սալմաստի պատմութիւն եւ մշակոյթ». միջազգային գիտաժողով ԵՊՀ-ում
    «Սալմաստի պատմութիւն եւ մշակոյթ». միջազգային գիտաժողով ԵՊՀ-ում

    ԵՊՀ գիտական խորհրդի նիստերի դահլիճում այսօր (սեպտեմբերի 6-ին-ԽՄԲ.) տեղի է ունեցել «Սալմաստի պատմութիւն եւ մշակոյթ» խորագրով գիտաժողով:

  • Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)
    Ատրպատականի հայոց թեմի առաջնորդը իր մասնակցութիւնն է բերելու «Սալմաստի պատմութիւնն ու մշակոյթը» գիտաժողովին (6-7 սեպտեմբեր 2019, Երեւան)

    Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը պաշտօնական հրաւէր ստացած լինելով Երեւանի Պետական համալսարանի Իրանագիտութեան ամբիոնի վարիչ՝ դոկտ. Վարդան Ոսկանեանի կողմից, որը անձնապէս Թաւրիզ էր այցելել եւ հանդիպում ունեցել Սրբազան Հօր հետ, մեկնեց Երեւան, իր մասնակցութիւնը բերելու եւ բանախօսելու «Սալմաստի պատմութիւնն ու մշակոյթը» խորագրեալ գիտաժողովին:

  • Ատրպատականի հայոց թեմի առաջնորդը Ղարադաղի Սարդու գիւղում
    Ատրպատականի հայոց թեմի առաջնորդը Ղարադաղի Սարդու գիւղում

    Մեր թեմի նախապէս հայաբնակչութեամբ յորդուն բնակավայրերում՝ գաւառներում եւ գիւղերում գտնւող եկեղեցիների տեղագրութիւնը կատարելու իր աշխատանքներում, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը ուրբաթ, 23 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Սարդու գիւղը, որը այսօր անմարդաբնակ եւ աւերակ է:

  • Ատրպատականի հայոց թեմի առաջնորդը Ղարադաղի Իւրգիւթիւն գիւղում
    Ատրպատականի հայոց թեմի առաջնորդը Ղարադաղի Իւրգիւթիւն գիւղում

    Թեմի պատմութեան ընթացքում հայաթափւած տարբեր բնակավայրերում գտնւող եկեղեցիների եւ ազգային այլ կառոյցների տեղագրութիւնը կատարելու մեծ ճիգ ի գործ դնելով, Ատրպատականի հայոց թեմի առաջնորդ Գերշ. Տ. գրիգոր Ս. եպս. Չիֆթճեանը երկուշաբթի, 12 օգոստոս 2019 թ.-ին այցելեց Ղարադաղի Դիզմար գաւառակի նախկին հայաբնակ Իւրգիւթիւն գիւղը, վերայայտնելու այն ինչ որ մնացել էր անցեալից, իբրեւ շօշափելի յիշատակ, տեղի հայ կեանքից:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։