Հա

Համայնք

09/03/2017 - 09:10

Գումարւեց Ատրպատականի հայոց թեմի Պատգամաւորական ժողովի 8-րդ նիստը

Մարտի 3-ին կայացաւ Ատրպատականի հայոց թեմի պատգամաւորական ժողովի 8-րդ նիստը, նախագահութեամբ եւ աղօթքով թեմի առաջնորդ Տ. Գրիգոր եպս. Չիֆթճեանի:

«alikonline.ir» - Մարտի 3-ին կայացաւ Ատրպատականի հայոց թեմի պատգամաւորական ժողովի 8-րդ նիստը, նախագահութեամբ եւ աղօթքով թեմի առաջնորդ Տ. Գրիգոր եպս. Չիֆթճեանի: Այս մասին տեղեկանում ենք Ատրպատականի հայոց առաջնորդարանից:

Ժողովի ատենապետ դոկտ. Արա Մելիքեանի բացման խօսքից յետոյ, թեմակալ առաջնորդը հանդէս եկաւ ողջոյնի խօսքով՝ գնահատելով բոլոր ժողովականների ժրաջան եւ պատասխանատու մասնակցութիւնը ազգային կեանքի կազմակերպման աշխատանքին:

Լիագումար նիստը նախորդում էր Թեմական խորհրդի ընտրութեան յառաջիկայ նիստին, ուստի այն ներառում էր նաեւ Հաշւեքննիչ մարմնի անցած 11 ամիսների զեկոյցը եւ հաշւեկշիռը, որպէս նախապատրաստութիւն յառաջիկայ ժողովի նիւթա-բարոյական զեկոյցի: Մինչեւ կէսօր սպառւեցին օրակարգի գլխաւոր կէտերը, որոնց շարքում էին թեմի կալւածային առկախ մնացած խնդիրների քննարկումը եւ հաստատումը: Այս գծով Թեմական խորհուրդը իր մինչ այժմ կատարած աշխատանքների մասին ընդհանուր բացատրութիւն տւեց՝ ներկայացնելով նիւթական եկամուտ հայթայթելու մեծածաւալ ծրագրի նախագիծը: Քննարկւեց նաեւ Սալմաստի ազգապատկան կալւածների խնդիրը՝ կարեւորելով դրանց օգտագործման եւ վարձակալման ներկայ պայմանների վերանայման անհրաժեշտութիւնը:

Օրւայ երկրորդ կէսին քննարկւեց օրակարգի վերջին կէտը, որն էր նոր Թեմական խորհրդի ընտրութեան նախապատրաստութիւնը: Շուրջ երեք ամիս առաջ իր աշխատանքային շրջանը աւարտած Թեմական խորհրդի կազմը նոր ընտրութեամբ գործի լծելու համար, ժողովի մասնակիցները ընտրութիւնների անց կացման թւականի ճշտման եւ նախընտրական աշխատանքների՝ նիւթա-բարոյական զեկոյցի պատրաստման, յառաջիկայ շրջանի նախածրագրի կազմութեան համար ճշտեցին ուղեգիծ, նոր ընտրութիւններ կատարելու պետական պաշտօնական արտօնագիր ստանալու համար լիազօրեցին պատգամաւորական ժողովի դիւանին:

Յարակից լուրեր

  • Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում
    Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում

    Կիրակի, 4 նոյեմբեր 2018-ին, մեր հաւատքի ծննդավայր Սբ. Թադէոս Առաքեալի վանքի կենտրոնական գմբէթի նորակերտ խաչի օծումը կատարւեց Թաւրիզում, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: 

  • Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը
    Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

    Ուրբաթ, 26 հոկտեմբեր 2018-ի առաւօտեան ժամը 10:30-ին, ազգային առաջնորդարանի «Էմիլ Յակոբեան» դահլիճում, Տէրունական աղօթքով բացւեց Ատրպատականի հայոց թեմի նորընտիր Պատգամաւորական ժողովի 21-րդ նստաշրջանի երկրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի: 

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

  • Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում

    Շաբաթ, 13 հոկտեմբեր 2018-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Սբ. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով: «Քրիստոս Աստւած մեր» եղանակաւոր մաղթանքի ընթացքում յիշւեցին Թարգմանիչ Վարդապետները գլխաւորութեամբ Սուրբ Սահակ հայրապետի եւ Սբ. Մեսրոպ Մաշտոց վարդապետի:

  • «Յիմ Կիլիկիա»
    «Յիմ Կիլիկիա»

    Նահապետի երազը, մեր ստւերոտ պատմութեան ոլորապտոյտ բաւիղների եզրին հասակ առած ծառերի տերեւներն է շօշափում, դրանց երեսի փայլի յետեւում պահւած արծաթագոյն էջերը թերթատելով: Երազը երբե՛ք հեռու չէ իրականութիւնից, եթէ ժամանակի խորհուրդը խորտակելու ոյժ կարելի լինի ամբարել բազկի մէջ առնական, ինչպէս նաեւ եթէ յաջողւի խեղդել կոկորդում՝ հեծկլտուքը մանկական, վարդի փոխարէն յոյս ցանելով հրւանդանին մօտեցող մեր նաւի տատանող կամրջակի լաստերի վրայ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։