Հա

Համայնք

04/04/2017 - 10:30

Սբ. Ստեփանոս Նախավկայի վանքում բացւեց վերանորոգւած ցուցասրահը

Մարտի 19-ին, Դարաշամբի Սբ. Ստեփանոս Նախավկայի վանքում, նախագահութեամբ եւ ձեռամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի տեղի ունեցաւ վերանորոգւած ցուցասրահի պաշտօնական բացումը:

«alikonline.ir» - Մարտի 19-ին, Դարաշամբի Սբ. Ստեփանոս Նախավկայի վանքում, նախագահութեամբ եւ ձեռամբ Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի տեղի ունեցաւ վերանորոգւած ցուցասրահի պաշտօնական բացումը: Այս մասին տեղեկացնում է Ատրպատականի ազգային առաջնորդարանը:

Պաշտօնական հրաւիրեալների շարքում էին՝ Արաքսի ազատ գօտու ընդհանուր կառավարիչ Արաբբաղիի ներկայացուցիչ՝ դոկտ. Դադաշզադէն, Մշակութային ժառանգութիւնների շրջանի տնօրէն՝ Դոկտ. Աբբասի եւ մի շարք արւեստագէտներ եւ լուսանկարիչներ, որոնց գործերը ցուցադրւել էին նորաբաց ցուցասրահում:

Արաքսի ազատ գօտու նիւթական օժանդակութեամբ, վանքի նախկին ախոռըհիմնովին վերանորոգութեան ենթարկւելով՝ փոխակերպւել է ցուցահանդէսների յարմար սրահի:

Իրանի եկեղեցիների պահպանման պետական հիմնարկի տնօրէն եւ ցուցասրահի շինարարական աշխատանքների համակարգող Շերլի Աւետեանը ներկաներին բացատրութիւն տւեց շինարարական աշխատանքների մեկնարկի եւ աւարտի, ինչպէս նաեւ ապագայ հեռանկարների մասին: Ապա, ներկաները դիտեցին ցուցադրւող լուսանկարները, որոնք ներկայացնում էին վանքի տարբեր մասերը, օրւայ տարբեր ժամերին: Ներկայ արւեստագէտ լուսանկարիչներից ոմանք անձամբ բացատրութիւն ներկայացրեցին իրենց լուսանկարների մասին: Նրանց շարքում նկարչական գործ էր զետեղել նաեւ թաւրիզահայ Կարօ Ջորջեանը:

Առաջնորդ սրբազանը բարձր գնահատեց վանքի նախկին ախոռը արդիական ցուցասրահի վերածելու Շերլի Աւետեանի ծրագիրն ու իրականացւած աշխատանքը, մասնագէտների կողմից պատերի հնութիւնը պահպանելու բծախնդիր մօտեցումը եւ վայրը առաւել գրաւիչ ու վայելուչ դարձնելու նրանց նախանձախնդրութիւնը:

Բացման հանդիսութիւնից յետոյ, վանքի այգում տրւեց ընթրիք, ներկայ հիւրերի մասնակցութեամբ: Այս առիթով, Սրբազան Հայրն իր գնահատանքն ու շնորհակալութիւնը յայտնեց Արաքսի ազատ գօտու ղեկավարութեանը, որոնք Սբ. Ստեփանոս Նախավկայի վանքի, Հովւի մատուռի եւ Դարաշամբի Սբ. Աստւածածին եկեղեցու հանդէպ հոգածու վերաբերմունք են ցուցաբերում:

Յարակից լուրեր

  • Ատրպատականի հայոց թեմի առաջնորդը նահանգապետ Փուրմոհամմադիի մօտ
    Ատրպատականի հայոց թեմի առաջնորդը նահանգապետ Փուրմոհամմադիի մօտ

    Ընկերակցութեամբ Ազգային իշխանութեան Պատգմաւորական ժողովի եւ Թեմական խորհրդի ներկայացուցիչների, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, երկուշաբթի 14 յունւար 2019 թ.-ի առաւօտեան ժամը 11-ին, պաշտօնական այցելութիւն տւեց Արեւելեան Ատրպատականի նորանշանակ նահանգապետ՝ Փուրմոհամմադին, նահանգապետարանում: 

  • Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում
    Սբ. Ծննդեան եւ Աստւածայայտութեան տօնը Ռահւա գիւղի Սբ. Աստւածածին եկեղեցում

    Ուրբաթ, 11 յունւար 2019 թ.-ի առաւօտեան ժամը 10:30-ին, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատոյց Ս. Աստւածածին պատմական եկեղեցում: Խորանին սպասարկում էր Ուրմիայի հոգեւոր հովիւ՝ արժ. Տ. Ներսէս քհնյ. Պասիլեանը: Պատարագի երգեցողութիւնը կատարում էր Ուրմիայի «Նարեկացի» երգչախումբը, ղեկավարութեամբ երաժիշտ դոկտ. Վարդան Սիմոնզի:

  • Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին
    Սբ. Ծննդեան տօնի առիթով Ատրպատականի հայոց թեմի առաջնորդը ուխտաւոր՝ երեք մոգերից մէկի սուրբ գերեզմանին

    Ուրբաթ, 11 յունւար 2019 թ.-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ընկերակցութեամբ մէկ խումբ հաւատացեալների, Սբ. Ծննդեան տօնի առիթով ուխտաւորաբար այցելեց, Ուրմիայում գտնւող այն սրբավայրը, որտեղ ըստ աւանդութեան թաղւել է Արեւելքի իմաստուն երեք մոգերից մէկը, որոնք աստղի առաջնորդութեամբ հասել էին մինչեւ Բեթղեհէմ, երկրպագելու նորածին Արքային՝ մանուկ Յիսուսին:

  • Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում
    Ս. Ծննդեան առիթով պետական եւ ազգային շնորհաւորանքներ Ատրպատականի հայոց թեմում

    Կիրակի եւ երկուշաբթի 5 եւ 6 յունւար 2019-ին Ատրպատականի hայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանն ու Ազգային իշխանութիւնը, Թաւրիզում եւ Ուրմիայում ընդունեցին պետական, ազգային-միութենական եւ ժողովրդական շնորհաւորանքներ, մեր Տիրոջ եւ Փրկչի՝ Յիսուս Քրիստոսի Սուրբ Ծննդեան տօնի առիթով: 

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։