Հա

Համայնք

13/04/2017

Տասն կուսանաց յիշատակի ժամերգութիւն՝ Ատրպատականի հայոց թեմում

Ատրպատականի հայոց թեմում, Թաւրիզում եւ Ուրմիայում, ապրիլ 11-ի երեկոյեան տեղի ունեցաւ ժամերգութիւն, որի ընթացքում կարդացւած Աւետարանի ժամանակ, իրենց բաժանւած փակ թղթիկների վրայից տասն կոյսերը խորհրդանշող աղջիկներից հինգը մարեցին իրենց լապտերները՝ խորհրդանշելով յիմար կոյսերին, իսկ հինգը վառ պահեցին՝ խորհրդանշելով իմաստուն կոյսերին:

«alikonline.ir» - Հայ եկեղեցու արարողակարգում իւրայատուկ խորհուրդ ունի Աւագ երեքշաբթի օրւայ երեկոյի ժամերգութիւնը, որը մեծ ժողովրդականութիւն է վայելում մեր ժողովրդի եւ յատկապէս իգական սեռի շրջանակում, երբ Յիսուսի պատմած Տասն Կոյսերի Առակի խորհրդանշական պատկերացումը ներկայացւում է սուրբ խորանի առջեւ կանգնած տասն աղջիկների միջոցով, որոնք իրենց ձեռքերում լապտերներ բռնած, խորհրդանշում են առակում պատմւած հինգ իմաստուն եւ հինգ յիմար կոյսերին:

Ատրպատականի հայոց թեմում, Թաւրիզում եւ Ուրմիայում, ապրիլ 11-ի երեկոյեան տեղի ունեցաւ ժամերգութիւն, որի ընթացքում կարդացւած Աւետարանի ժամանակ, իրենց բաժանւած փակ թղթիկների վրայից տասն կոյսերը խորհրդանշող աղջիկներից հինգը մարեցին իրենց լապտերները՝ խորհրդանշելով յիմար կոյսերին, իսկ հինգը վառ պահեցին՝ խորհրդանշելով իմաստուն կոյսերին: Այս մասին տեղեկացնում է Ատրպատականի ազգային առաջնորդարանը:

Թաւրիզի Ս. Սարգիս եկեղեցում տեղի ունեցած ժամերգութեան ընթացքում, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, աշխարհի վախճանի ու վերջին դատաստանի գաղափարին շուրջ հիւսւած բոլոր Սուրբգրային ընթերցումները կատարւեցին Թաւրիզի հոգեւոր հովիւ՝ Տ. Մարտիրոս քհնյ. Ղուկասեանի եւ տասն կոյսերի կողմից:

Առաջնորդ Սրբազանը քարոզելով օրւայ խորհրդի մասին, հոգեւոր զգօնութեան պատգամ յղեց բոլոր պատրաստ հոգիներին. «Աստծու խօսքը լսելու հոգեւոր պատրաստւածութիւնը անհրաժեշտ է, լսելու համար Աստծու կանչը: Նա մեզ ուղղում է իր հրաւէրը՝ ժառանգելու իր արքայութիւնը: Սակայն բա՞ց են մեր հոգեկան ականջները լսելու այս հրաւէրը»,- հարց տւեց Սրբազանը՝ նշելով, որ աշխարհի բազմապիսի աղմուկներն ու ժխորը երբեմն թոյլ չեն տալիս լսելու հայրական այն հրաւէրը, որը մեզ ուղղում է Աստւած, վերադառնալու այն տունը, որը մեղքի պատճառով էինք լքել:

Ուրմիայի Ս. Ստեփանոս եկեղեցում, ծխատէր Տ. Ներսէս քհնյ. Պասիլեանի միջոցով կատարւած ժամերգութեան ընթացքում, տասն աղջիկներ շարւեցին խորանի առջեւ լապտերներ իրենց ձեռքերում, եւ Աւետարանի ընթերցումի պահին կատարեցին հինգ իմաստունների եւ հինգ յիմարների դերերը:

Թաւրիզի եւ Ուրմիոյ մեր եկեղեցիների Խնամակալ մարմնի կանայք բծախնդիր էին եղել պատրաստելու աղջիկների եկեղեցական շապիկներն ու այդ օրն օգտագործւող լապտերները: Օրւայ առիթով, Առաջնորդ Սրբազանը եւ Խնամակալ մարմինը յուշանւէրներով քաջալերեցին եկեղեցական արարողութեան մասնակցած աղջիկներին:

Յարակից լուրեր

  • Ատրպատականի հայոց թեմի առաջնորդը Ղարադաղի Խանագահ գիւղում
    Ատրպատականի հայոց թեմի առաջնորդը Ղարադաղի Խանագահ գիւղում

    Շարունակելով իր հետազօտական եւ տեղագրական արշաւը Ատրպատականի թեմի տարածքում, թեմակալ առաջնորդ գերշ. Տ. Գրիգոր Ս. եպս. Չիֆթճեանը հասաւ Ղարադաղի ամէնից աւելի հայաշատ գիւղերից՝ Խանագահ, որտեղ գտնւում է Սբ. Ստեփանոս պատմական եկեղեցին, ինչպէս նաեւ «Ազիզեան-Մնացականեան» հայոց դպրոցի աւերակը եւ գիւղի գերեզմանատունը: 

    6 յունիս 2018-ին, առաջնորդ Սրբազանի Խանագահ գիւղ այցելութեան մանրամասնութիւնները ստորեւ ներկայացնում ենք, ի՛ր գրչով:

  • Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը
    Ատրպատականի հայոց թեմի առաջնորդը յանուն իր թեմի շնորհաւորեց Ն.Ս.Օ.Տ.Տ. Արամ Ա կաթողիկոսի քահանայագործութեան 50-ամեակը

    Պաշտօնական յատուկ նամակով, ուղղւած Նորին Սուրբ Օծութիւն Տ.Տ. Արամ Ա կաթողիկոսին Մեծի Տանն Կիլիկիոյ, Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանը որդիական զգացմունքով շնորհաւորեց Վեհափառ Հայրապետի քահանայագործութեան 50-ամեայ յոբելեանը, որը գեղեցիկ դիպւածով զուգադիպում է Հայաստանի Հանրապետութեան անկախութեան փառապանծ տօնին:

  • Ատրպատականի հայոց թեմի առաջնորդը Ղարադաղում
    Ատրպատականի հայոց թեմի առաջնորդը Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կառոյցների ներկայ իրավիճակի մասին ուսումնասիրական նիւթերի առաջին հատորը հրատարակելուց յետոյ, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը շարունակում է իր պրպտողական աշխատանքը թեմի տարբեր շրջաններում, ուսումնասիրելով, չափագրելով եւ լուսանկարելով բոլոր այն մասունքները՝ կանգուն եւ խոնարհւած եկեղեցիներ, մատուռներ, սրբավայրեր, դպրոցներ եւ այլ կառոյցներ, որոնք թեմի պատմութեան անմոռաց յուշերն են կազմում:

  • Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում
    Իրանի Եկեղեցիների պետական հիմնարկութեան տնօրէն Շերլի Աւետեան Ատրպատականի առաջնորդարանում

    Շաբաթ, 2 յունիս 2018-ի երեկոյեան ժամը 6-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի նախագահութեամբ, առաջնորդարանի «Էմիլ Յակոբեան» դահլիճում տեղի ունեցաւ հանդիպում, Թեմական խորհրդի եւ Իրանի եկեղեցիների պետական հիմնարկութեան տնօրէն ճարտարապետ Շերլի Աւետեանի միջեւ: Սոյն հանդիպման ներկայ գտնւեցին նաեւ Ատրպատականի վանքերի ուխտագնացութեան յանձնախմբի վարչական անդամներ:

  • Իրանահայ բանաստեղծ Վարանդը այցելեց Ատրպատականի առաջնորդարան
    Իրանահայ բանաստեղծ Վարանդը այցելեց Ատրպատականի առաջնորդարան

    Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։