Հա

Համայնք

Հինգշաբթի, 04 Մայիսի 2017 12:50

Ասորիների Մար Նեսայ եպիսկոպոսի հանդիպումը Ատրպատականի հայոց թեմի առաջնորդ Սրբազանի հետ

Մայիսի 1-ին Ասորի նեստորականների առաջնորդ Տ. Մար Նեսայ եպիկոսպոսը պաշտօնական անդրանիկ այցով ժամանեց Ատրպատականի ազգային առաջնորդարան եւ հանդիպում ունեցաւ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի հետ:

«alikonline.ir» -  Մայիսի 1-ին Ասորի նեստորականների առաջնորդ Տ. Մար Նեսայ եպիկոսպոսը պաշտօնական անդրանիկ այցով ժամանեց Ատրպատականի ազգային առաջնորդարան եւ հանդիպում ունեցաւ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի հետ: Այս մասին տեղեկանում ենք Ատրպատականի ազգային առաջնորդարանից:

Մար Նեսայ եպիսկոպոսին ընկերակցում էին Ուրմիոյ նոյն համայնքի հոգեւոր հովիւ Իլիուշ քահանան եւ ասորական համայնքի վարչութեան ատենապետն ու փոխատենապետը: Հանդիպմանը, առաջնորդ Սրբազան հօր կողքին ներկայ գտնւեցին Թեմական խորհրդի ատենապետՌուբիկ Ջանանեանը եւ ատենադպիր Գագիկ Ջորջեանը:

Առաջնորդ Սրբազանը ողջունեց իր հոգեւոր եղբօր ներկայութիւնը Ատրպատականի հայոց հոգեւոր կենտրոնում՝ նրան ծանօթացնելով թեմի կրօնական, ազգային եւ հասարակական կեանքի հետ: Սրբազան հայրը ակնարկ կատարեց նաեւ երկու եկեղեցիների անցեալ պատմութեան, աստւածաբանական եւ քրիստոսաբանական վէճերին, որոնք հերցեր են առաջացրել քրիստոնէութեան շարքերում: Ապա, Սրբազանն անդրադարձաւ այն սերտ գործակցութեանը, որը գոյութիւն ունի երկու համայնքների միջեւ յատկապէս Ուրմիայում, որտեղ մեծ թիւ են կազմում ասորիները:

Մար Նեսայ եպիսկոպոսն իր ուրախութիւնը յայտնեց ջերմ ընդունելութեան համար, եւ պատասխանելով Սրբազան հօր եղբայրական խօսքերին, պատմութիւնն իր անցեալ էջերով պատմութեան յանձնւած համրեց՝ նշելով, որ Իրանի Իսլամական Հանրապետութեան սահմաներում, որտեղ քրիստոնեայ համայնքները իբրեւ փոքրամասնութիւններ ապրում են խաղաղ պայմաններում, առաւել համագործակցելու պարտաւորութեան առջեւ են գտնւում:

Զրոյցի առանցքային նիւթ դարձաւ անցած տարւայ դեկտեմբեր ամսին, Ն.Ս.Օ.Տ.Տ. Արամ Ա կաթողիկոսի այցը Իրան, եւ Թեհրանում Վեհափառ Հայրապետի օրհնութեամբ համատեղումը Իրանի բոլոր քրիստոնեայ համայնքապետերի: Սոյն ուղին շարունակելու գործնական քայլ էր վերցրել Մար Նեսայ եպիսկոպոսը, եղբայրական այս այցով:

Թեմական առաջնորդն, իր հերթին, խոստացաւ ասորական համայնքին այցելութիւն տալ պաշտօնական առիթով եւ մասնակցել եկեղեցական հանդիսաւոր արարողութեան:

Զոյգ համայնքների ազգային իշխանութիւնների ներկայացուցիչներ եւս արտայայտւեցին, տեղական մակարդակի վրայ համայնքների միջեւ գործակցութիւնը սերտացնելու հեռանկարներ մշակելու անհրաժեշտութեան մասին:

Աւարտին տեղի ունեցաւ յուշանւէրների փոխանակում՝ առ ի յիշատակ եղբայրական սոյն հանդիպման:

Յարակից Հրապարակումներ

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում
    ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում

    Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: 

  • Սրբոց Վարդանանց տօնը Ատրպատականի հայոց թեմում
    Սրբոց Վարդանանց տօնը Ատրպատականի հայոց թեմում

    Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

    Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

  • Ատրպատականի հայոց թեմի առաջնորդի այցը Իսլամական մշակոյթի հիմնարկութեան ընդհանուր տնօրէնին
    Ատրպատականի հայոց թեմի առաջնորդի այցը Իսլամական մշակոյթի հիմնարկութեան ընդհանուր տնօրէնին

    Շաբաթ, 27 յունաւր 2018-ի առաւօտեան ժամը 11-ին, պաշտօնական հանդիպում կայացաւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թեմական խորհրդի եւ Իրանի Իսլամական Հանրապետութեան մշակոյթի տարածման պետական հիմնարկութեան ընդհանուր տնօրէն դոկտ. Մոհամմատփուրի միջեւ, սոյն հիմնարկութեան Թաւրիզի կենտրոնատեղիում: 

  • Լիլաւայի Սբ. Սարգիս եկեղեցու անւանակոչութեան տօնը եւ կիսասարկաւագական ձեռնադրութիւն Թաւրիզում
    Լիլաւայի Սբ. Սարգիս եկեղեցու անւանակոչութեան տօնը եւ կիսասարկաւագական ձեռնադրութիւն Թաւրիզում

    Սուրբ Սարգիս Զօրավարի եւ նրա որդու՝ Մարտիրոսի տօնի առիթով, ուրբաթ 26 յունւար 2018-ի երեկոյեան, Լիլաւայի Սբ. Սարգիս եկեղեցում կատարւեց նախատօնակ, նշելու համար նաեւ Թաւրիզի հայաշատ թաղամասի եկեղեցու անւանակոչութեան տօնը: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։