Հա

Համայնք

Շաբաթ, 13 Մայիսի 2017 11:40

Ատրպատականի հայոց թեմի 20-րդ Պատգամաւորական Ժողովն ընտրեց նոր Թեմական խորհուրդ

Քւէարկութեան արդիւնքում Թեմական խորհրդի նոր կազմի անդամ ընտրւեցին Ալէն Սայադեանը, Գագիկ Ջորջեանը, Վարդան Աբրահամեանը, Համազասպ Ոսկանեանը եւ Ռուբիկ Ջանանեանը:

«alikonline.ir» - Մայիսի 5-ին, առաւօտեան ժամը 10-ին Ատրպատական ազգային առաջնորդարանի «Էմիլ Յակոբեան» դահլիճում տեղի ունեցաւ թեմի Պատգամաւորական ժողովի 20-րդ նստաշրջանի 9-րդ նիստը, աղօթքով եւ նախագահութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի: Տեղեկացնում է Ատրպատականի ազգային առաջնորդարանը:

Բացման ու բարի գալստեան խօսքով, դիւանի ատենապետ դոկտ. Արա Մելիքեանը ողջունեց ներկաներին, բարի ու արդիւնաբեր աշխատանք մաղթելով բոլորին: Նա յատկապէս ողջունեց ներկայութիւնը ԻԻՀ խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանի, որը հակառակ իր բազմազբաղ առօրեային, ընդառաջել էր պատգամաւորական ժողովի դիւանի հրաւէրին, եւ իր ներկայութեամբ պատւում էր ժողովը:

Սկզբում ժողովը ունկնդրեց Մեծի Տանն Կիլիկիոյ Վեհափառ հայրապետ Ն.Ս.Օ.Տ.Տ. Արամ Ա կաթողիկոսի հայրապետական պատգամը, որից յետոյ նիստին մասնակից բոլոր ժողովականները ունկնդիր դարձան առաջնորդ Սրբազան Հօր պատգամին:

Այնուհետեւ ատենադպիր Արմինէ Վահրամեանը ընթերցեց նախկին արձանագրութիւնը: Ժողովը ունկնդրեցեւ  իր գնահատանքը յայտնեց նաեւ Հաշւեքննիչ մարմնի ներկայացրած զեկոյցի գծով:

Ապա Թեմական խորհրդի ատենադպիր Գագիկ Ջորջեանը, ներկայցրեց խորհրդի գործունէութեան նիւթա-բարոյական զեկոյցը, որին յաջորդեց ժողովականների՝ զեկոյցի արժեւորման եւ քննադատութեան օրակարգը:

Հաշւետու եւ ընտրական նպատակներով հաւաքւած հերթական այս ժողովը, իր օրակարգի կէտերի հիման վրայ նախ կատարեց թեմի հաշւեքննիչ նոր մարմնի ընտրութիւնը: Մարմնի անդամ ընտրւեցին Ռազմիկ Օրդուխանեանը, Վահիկ Գրիգորեանը, Ռաֆիկ Թարվերդեանը, Ռիքարտօ Իւհաննան եւ Ռաֆիկ Աբրահամեանը:

Կէսօրւայ ճաշի դադարից յետոյ, Ազգային առաջնորդարան ժամանեցին Նահանգապետարանի ներկայացուցիչ երկու դիտորդներ՝ հսկելու Թեմական խորհրդի ընտրութեան գործընթացին: Ընտրական եւ քւէախոյզ յանձնախմբի անդամ ընտրւեցին Դոկտ. կարէն Խանլարեանը, Արմոնդ Բադալեանը եւ Սարգիս Ազիզը:

Քւէարկութեան արդիւնքում Թեմական խորհրդի նոր կազմի անդամ ընտրւեցին Ալէն Սայադեանը, Գագիկ Ջորջեանը, Վարդան Աբրահամեանը, Համազասպ Ոսկանեանը եւ Ռուբիկ Ջանանեանը:

Դոկտ. Կարէն Խանլարեանը շնորհաւորելով թեմին այն ընտրութեան համար, իր սրտի խօսքնը յատենի ժողովին՝ համագործակցութեան եւ ամբողջական զօրակցութեան ձեռք մեկնելով Թեմակալ առաջնորդին եւ Ազգային իշխանութեան: Առաջնորդ Սրբազանն իր հերթին շնորհակալութիւն յայտնեց Դոկտ. Խանլարեանին՝ ժողովի ընթացքում իր ունեցած գործուն մասնակցութեան համար: Ժողովը փակւեց Սրբազան Հօր Պահպանիչ աղօթքով:  

Ընտրութեան արդիւնքը առաջնորդ Սրբազան Հօր կողմից պաշտօնական նամակով հաղորդւեց Ն.Ս.Օ.Տ.Տ. Արամ Ա կաթողիկոսին: Վեհափառ Հայրապետը 9 մայիս 2017 թւակիր նամակով Հայրապետական վաւերացում շնորհեց նորընտիր կազմին, հայրական յորդորներ ուղղելով եւ բարեշէն գործունէութեան մղելով ազգային իշխանութեան բոլոր անդամներին:

Մայիսի 11-ին ազգային առաջնորդարանի «Էմիլ Յակոբեան» դահլիճում նախագահութեամբ թեմակալ առաջնորդի եւ ներկայութեամբ պատգամաւորական ժողովի դիւանի, նորընտիր Թեմական խորհուրդը ընտրեց իր դիւանը հետեւեալ կարգով. Ռուբիկ Ջանանեան՝ ատենապետ, Ալէն Սայադեան՝ փոխ ատենապետ եւ գանձապահ, Գագիկ Ջորջեան՝ ատենադպիր, Համազասպ Ոսկանեան՝ աւագ խորհրդատու եւ Վարդան Աբրահամեան՝ գանձարկղերի պատասխանատու եւ խորհրդատու: Նորընտիր Թեմական խորհրդի կազմը նաեւ կատարեց գործերի դասաւորման ներքին պատասխանատւութիւնների փոխանցումներ, աւելի ամրապնդելով թեմի վարչա-տնտեսական դրւածքը:

Առաջնորդ Սրբազանը եւ պատգամաւորական ժողովի դիւանը բարի երթ մաղթեցին Թեմական խորհրդի նորընտիր կազմին, պատգամաւորական ժողովի յաճախակի գումարումներով նրանց հետ մնայուն կապի մէջ լինելու դրական հեռանկարով:

Յարակից Հրապարակումներ

  • Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին
    Նպատակը յստակ է՝ Իրան-ՀՀ յարաբերութիւնների ամրակայում. Կ. Խանլարեանը՝ «Արաքսի վրայ ՀԷԿ-երի կառուցման վերաբերեալ» օրինագծի ընդունման մասին

    Իրանի Մեջլիսի հայազգի պատգամաւոր Կարէն Խանլարեանի խօսքով՝ Իրանի խորհրդարանի կողմից «Արաքս գետի վրայ ՀԷԿ-երի կառուցման վերաբերեալ» օրինագծի ընդունումը նշանակում է` մեծ կամք կայ, որ նախագիծն իրականանայ: 

  • Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում
    Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում

    Տօնական օրերի տօնացուցային երկարաձգման հետ, երկարաձգւում է նաեւ նրանց ստեղծած խանդավառութիւնը համայնքում: Սուրբ Զատկին յաջորդող Յինունքի օրերին, աւանդաբար Հ.Մ.Ա.Կ.-ի Թաւրիզի մասնաճիւղը կազմակերպում է զատկական ընթրիք-հաւաքոյթ, որը այս տարի տեղի ունեցաւ հինգշաբթի, ապրիլի 12-ի երեկոյեան ժամը 9:30-ին, «Արարատ»-ի Թաւրիզի կենտրոնատեղիում, կազմակերպութեամբ Երէցների միութեան:

  • Մայրերի օրւայ առիթով իւրայատուկ հանդիսութիւն Թաւրիզում
    Մայրերի օրւայ առիթով իւրայատուկ հանդիսութիւն Թաւրիզում

    Կազմակերպութեամբ Հ.Օ.Մ.-ի Թաւրիզի մասնաճիւղի, 6 ապրիլ 2018 թ.-ի երեկոյեան ժամը 8-ին, Մայրերի որւայ նախօրեակին, իւրայատուկ հանդիսութիւն տեղի ունեցաւ Թաւրիզում, Ազգային առաջնորդարանի «Համազասպ Ոսկանեան» սրահում, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի: Սոյն հանդիսութեան համար Թեհրանից էր հրաւիրւել Իռէն Աբնուսեանը, իբրեւ բանախօս:

  • Սբ. Զատկւայ պատարագ եւ սպասքի օրհնութիւն Ռահւայի Սբ. Աստւածածին եկեղեցում
    Սբ. Զատկւայ պատարագ եւ սպասքի օրհնութիւն Ռահւայի Սբ. Աստւածածին եկեղեցում

    Մեր Տիրոջ եւ Փրկչի Յիսուս Քրիստոսի Սուրբ Յարութեան տօնին յաջորդող ուրբաթ օրը, 6 ապրիլ 2018 թ.-ին, առաւօտեան ժամը 11-ին, եպիսկոպոսական հանդիսաւոր ս. պատարագ մատուցւեց Ռահւա գիւղի Սբ. Աստւածածին պատմական եկեղեցում, ներկայութեամբ գիւղի եւ Ուրմիայից ժամանած հաւատացեալների: Ներկայ էին նաեւ Թեմական խորհրդի անդամները, բարերար Էդիկ Մեջլումեանը, գիւղի հոգաբարձութեան եւ Խնամակալ մարմնի անդամները, ինչպէս նաեւ ասորական համայնքի պատասխանատուներ: 

  • Դոկտ. Կարէն Խանլարեան. «Թուրքիայի նպատակը Սիրիայի մասնատումն է»
    Դոկտ. Կարէն Խանլարեան. «Թուրքիայի նպատակը Սիրիայի մասնատումն է»

    Թուրքիայի ներխուժումը Սիրիա հայկական մամուլում մեկնաբանւում եւ գնահատւում է ոչ այնքան ահաբեկչութեան դէմ պայքարի համատեքստում, որքան ռուս-թուրքական մերձեցումից յետոյ Թուրքիայի ձեռքերին ազատութիւն տրւելու տեսանկիւնից: Եւ դա պատահական չէ, քանի որ հէնց ռուս-թուրքական մերձեցումից յետոյ միանգամայն նոր իրավիճակ ստեղծւեց Սիրիայում, որն իր ազդեցութիւնն է թողել նոյնիսկ ԱՄՆ գլխաւորած կոալիցիայի գործողութիւնների վրայ: Հետաքրքիր է նաեւ Արեւմուտքի լոիեալ վերաբերմունքը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։