Հա

Համայնք

Կիրակի, 14 Մայիսի 2017 09:30

Զատկւայ առիթով ընթրիք Հ.Մ.Ա.Կ.-ի Թաւրիիզ մասնաճիւղում

Զատիկից մինչեւ Համբարձման տօն, Ատրպատականի Թաւրիզ քաղաքում ընդունւած սովորութեան համաձայն, տօնախմբութիւններն ու ընտանեկան փոխադարձ այցելութիւնների աւանդութիւնները շարունակւում են:

Թաւրիզահայ միութիւններն ու կազմակերպութիւնները եւս անմասն չեն մնում այս աւանդական հաւաքներից, իրենց յարկի տակ եւս համախմբելով ժողովրդին:

«alikonline.ir» - Զատիկից մինչեւ Համբարձման տօն, Ատրպատականի Թաւրիզ քաղաքում ընդունւած սովորութեան համաձայն, տօնախմբութիւններն ու ընտանեկան փոխադարձ այցելութիւնների աւանդութիւնները շարունակւում են:

Թաւրիզահայ միութիւններն ու կազմակերպութիւնները եւս անմասն չեն մնում այս աւանդական հաւաքներից, իրենց յարկի տակ եւս համախմբելով ժողովրդին: Տեղեկացնում Ատրպատականի ազգային առաջնորդարանը:

Մայիսի 11-ին երեկոյեան ժամը 9-ից սկսած, Հ.Մ.Ա.Կ.-ի Թաւրիզի մասնաճիւղում եռուզեր էր, որովհետեւ Վարչութեան հովանաւորութեամբ եւ Երէցների միութեան կազմակերպութեամբ զատկւայ ճոխ ընթրիքի էր հրաւիրւել ժողովուրդը, նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: Ներկայ էին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Պատգամաւորական ժողովի եւ Թեմական խորհրդի ներկայացուցիչներ, մեծ թւով արարատականներ եւ թաւրիզահայ համայնքի զաւակներ:

Բացման խօսքով, Երէցների միութեան ատենապետ Ռազմիկ Օրդուխանեանը բարի գալուստ մաղթեց բոլորին, զատկւայ խորհրդի եւ Քրիստոսի տարած յաղթանակի մասին քրիստոնէական հպարտութիւնը արտայայտելով:

Ճաշկերոյթը վերածւեց իսկական խրախճանքի, երբ համայնքի զաւակներ, մեծ եւ փոքր կողք-կողքի եկած, տօնական ուրախութիւնը վայելեցին, սեղանների շուրջը մտերմիկ զրոյցներով:

Հանդիսավար Կարէն Սարգիսեանը յաճախակի ընդմիջելով խրախճանքի ջերմ մթնոլորտը, կենացներ առաջարկեց թեմի կեանքը կենդանի ու առոյգ պահող բոլոր անհատների եւ ազգային կառոյցների համար, ինչպէս նաեւ «Արարատ»-ի մեծ ընտանիքի ազգաշէն գործունէութեան անխոնջ նւիրեալների արեւշատութեան համար:

Ազգային, մշակոյթային ու մարզական կեանքի ծրագրերին միշտ թեւ ու թիկունք կանգնելու նպատակով, տեղի ունեցաւ նաեւ վիճակախաղ:

Աւարտին հայրական իր խօսքը ուղղեց առաջնորդ Սրբազանը: Նա ընտանիք բառի ստուգաբանութիւնը կատարելով, բացատրեց ազգային մեր միասնութեան եւ մտերմութեան բարի արդիւնքը. «որի գեղեցիկ մէկ օրինակն է այսօրւայ հաւաքը այս հարազատ տան մէջ: Մեր եկեղեցական եւ ազգային տօները կատարելուց չենք ձանձրանալու: Դրանք մեզ կը զօրացնեն, մեր արմատներին կը կապեն, եւ մեր ինքնութեան անքուն պահապանը կը հանդիսանան»,- ասաց Սրբազանը: Նա նաեւ բարձր գնահատեց Հ.Մ.Ա.Կ.-ի Թաւրիզի մասնաճիւղի վարչութիւնը՝ գլխաւորութեամբ Հենրիկ Աբրահամեանի, ինչպէս նաեւ խրախճանքը կազմակերպած Երէցների միութիւնը:

Յարակից Հրապարակումներ

  • Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում
    Զատկական ընթրիք-հաւաքոյթ Հ.Մ.Ա.Կ.-ի Թաւրիզի մասնաճիւղում

    Տօնական օրերի տօնացուցային երկարաձգման հետ, երկարաձգւում է նաեւ նրանց ստեղծած խանդավառութիւնը համայնքում: Սուրբ Զատկին յաջորդող Յինունքի օրերին, աւանդաբար Հ.Մ.Ա.Կ.-ի Թաւրիզի մասնաճիւղը կազմակերպում է զատկական ընթրիք-հաւաքոյթ, որը այս տարի տեղի ունեցաւ հինգշաբթի, ապրիլի 12-ի երեկոյեան ժամը 9:30-ին, «Արարատ»-ի Թաւրիզի կենտրոնատեղիում, կազմակերպութեամբ Երէցների միութեան:

  • Մայրերի օրւայ առիթով իւրայատուկ հանդիսութիւն Թաւրիզում
    Մայրերի օրւայ առիթով իւրայատուկ հանդիսութիւն Թաւրիզում

    Կազմակերպութեամբ Հ.Օ.Մ.-ի Թաւրիզի մասնաճիւղի, 6 ապրիլ 2018 թ.-ի երեկոյեան ժամը 8-ին, Մայրերի որւայ նախօրեակին, իւրայատուկ հանդիսութիւն տեղի ունեցաւ Թաւրիզում, Ազգային առաջնորդարանի «Համազասպ Ոսկանեան» սրահում, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի: Սոյն հանդիսութեան համար Թեհրանից էր հրաւիրւել Իռէն Աբնուսեանը, իբրեւ բանախօս:

  • Տասն կուսանացի խորհրդալից արարողութիւն Ատրպատականի հայոց թեմում
    Տասն կուսանացի խորհրդալից արարողութիւն Ատրպատականի հայոց թեմում

    Աւագ շաբաթւայ ընթացքում, եկեղեցական սրտառուչ արարողութիւնների շարքում իւրայատուկ տեղ ունի Աւագ երեքշաբթի օրւայ երեկոյի ժամերգութիւնը, որի ընթացքում կարդացւում է Յիսուսի պատմած տասն կուսանացի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնելով, լապտեր իրենց ձեռքին: 

  • Ծաղկազարդը անակնկալներով խանդավառեց Ատրպատականի հայոց թեմի մանուկներին 
    Ծաղկազարդը անակնկալներով խանդավառեց Ատրպատականի հայոց թեմի մանուկներին 

    Կիրակի, 25 մարտի 2018 թ.-ի առաւօտեան, Ատրպատականի հայոց թեմում մատուցւած պատարագով եւ մանուկների թափօրով, հաւատացեալ ժողովուրդը միասնաբար մուտք գործեց Յիսուսի տնօրինական կեանքի վերջին շաբաթը: Յատկապէս մանուկների դէմքին երեւում էր ցնծութիւնը տօնի, երբ զանազան միջոցներով նրանք հրաւիրւում էին մասնակից լինելու քրիստոնէական սուրբ շաբաթի հոգեպարար կեանքին:

  • Հանդիպում-զրոյց երիտասարդութեան հետ Հ.Մ.Ա.Կ.-ի Թաւրիզի մասնաճիւղում
    Հանդիպում-զրոյց երիտասարդութեան հետ Հ.Մ.Ա.Կ.-ի Թաւրիզի մասնաճիւղում

    Հինգշաբթի, 15 մարտի 2018 թ.-ի երեկոյեան ժամը 7.30-ին, Հ.Մ.Ա.Կ.-ի Թաւրիզի մասնաճիւղի կենտրոնատեղիում, երիտասարդութեան հետ հանդիպում-զրոյց տեղի ունեցաւ: Սոյն հանդիպման իբրեւ բանախօս, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը հրաւիրւել էր մասնաճիւղի վարչութեան կողմից, հոգեւոր եւ բարոյագիտական նիւթերով զրուցելու երիտասարդութեան հետ, նախքան նրանց մեկնումը դէպի Նոր Ջուղա (Սպահան), որտեղ անցկացւելու են Գարնանային 30-րդ մարզախաղերի մրցումները:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։