Հա

Համայնք

21/05/2017 - 10:40

Արտպատակին հայոց թեմի առաջնորդի հանդիպումները՝ Համբուրգում

Մայիսի 19-ին եւ 20-ին Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը Համբուրգի մօտակայքում գտնւող Շթադը քաղաքում հանդիպում ունեցաւ ակադեմականների երկու տարբեր խմբերի հետ, որոնց գործակցութեամբ յառաջիկայ հոկտեմբեր ամսին Թաւրիզում, տարբեր երկրներից հրաւիրւած 15 օտարազգի հայագէտերի մասնակցութեամբ տեղի է ունենալու հայագիտութեան նւիրւած միջազգային համագումար:

«alikonline.ir» - Մայիսի 19-ին եւ 20-ին Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը Համբուրգի մօտակայքում գտնւող Շթադը քաղաքում հանդիպում ունեցաւ ակադեմականների երկու տարբեր խմբերի հետ, որոնց գործակցութեամբ յառաջիկայ հոկտեմբեր ամսին Թաւրիզում, տարբեր երկրներից հրաւիրւած 15 օտարազգի հայագէտերի մասնակցութեամբ տեղի է ունենալու հայագիտութեան նւիրւած միջազգային համագումար: Տեղեկացնում է Ատրպատականի ազգային առաջնորդարանը:

Սոյն հանդիպմանը ներկայ էին համալսարանի դասախօսներ, որոնցից ոմանք նաեւ դասախօսելու են Թաւրիզի հայագիտական համագումարի ընթացքում: Ներկայ էին նաեւ անցած տարի Թաւրիզ այցելած ակադեմականներ, որոնք իրենց խոր ու անջնջելի տպաւորութիւնները յայտնեցին, Ատրպատականում իրենց կեցութեան ընթացքում, թեմի կողմից վայելած յարգանքի եւ ասպնջականութեան համար:

Համագումարի ընդհանուր ծրագրաւորումը նախապէս կատարւած լինելով, սոյն հանդիպման ընթացքին քննարկւեցին այն մանրամասները, որոնք առնչւում են երկօրեայ համագումարի գործնական աշխատանքներին:

Հանդիպումն առիթ հանդիսացաւ նաեւ խօսելու Ատրպատականում հայ համայնքի ներկայ կեանքի զանազան բնագաւառների մասին: Թեմակալ առաջնորդն ամփոփ ներկայացնելով թեմի աշխատանքները՝ յիշեց մի շարք նախաձեռնութիւններ, ինչպէս Սբ. Ստեփանոս Նախավկայի վանքում թանգարանի բացման հանդիսութիւնը, նաեւ նոյն վանքի հին ախոռի ձեւափոխումը ցուցադրասրահի, եւ Աստւածաշնչի հայերէն տպագրութեան 350-ամեակին նւիրւած հնատիպների ցուցահանդէսը: Սրբազանը ուրախութեամբ յայտնեց նաեւ Թաւրիզում տարիներից ի վեր թեմի փակ թանգարանը վերաբացելու եւ 2018 թւականին դրա դռները հանրութեան դիմաց բացելու ցանկալի ծրագրի մասին:

Յայտնենք, թէ վերոյիշեալ հանդիպումը կայացաւ գերմանացի նշանաւոր հրամանատար Աւկուստ Քարլ Ֆոն Կէօբէնի (1816-1880) ծննդավայր հանդիսացող պատմական եւ թանգարանի վերածւած բնակարանում, որի յիշատակին, Համաշխարհային Ա. պատերազմի ընթացքում կայսերական Գերմանիայի երկու ռազմանաւերից մէկը կոչւել էր նրա անունով՝ «Կէօբէն»: Օսմանեան կայսրութիւնը 1914 թւականին կայսերական Գերմանիայից ստանալով այս ռազանաւերը, դարձաւ Առաջին համաշխարհային պատերազմի ընթացքում կայսերական Գերմանիայի դաշնակիցը:

Յարակից լուրեր

  • Ատրպատականի հայոց թեմի առաջնորդը Ղարադաղի Աղայի եւ Բալա գիւղերում եւ Վարդան գիւղատեղում
    Ատրպատականի հայոց թեմի առաջնորդը Ղարադաղի Աղայի եւ Բալա գիւղերում եւ Վարդան գիւղատեղում

    Թեմի տարբեր շրջաններում հետազօտական իր աշխատանքների ծիրից ներս, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ուրբաթ 12 յուլիս 2019 թ.-ին այցելեց Ղարադաղի Աղայի եւ Բալա գիւղերը եւ նախկին հայկական Վարդան գիւղատեղը, տեղագրելով ցարդ աննկատ մնացած հինաւուրց գերեզմանատունը:

    Սրբազան Հօր կատարած ուսումնասիրութիւնը ներկայացնում ենք ստորեւ, ի՛ր գրչով:

  • Արամ Ա կաթողիկոսը ընդունել է Լիբանանում ՀՀ դեսպանին
    Արամ Ա կաթողիկոսը ընդունել է Լիբանանում ՀՀ դեսպանին

    Վեհափառ Հայրապետին այցելեց Լիբանանի մօտ Հայաստանի Հանրապետութեան դեսպան Վահագն Աթաբէկեան, Պիքֆայայի Ս. Աստուածածին վանքին մէջ:

  • Ատրպատականի հայոց թեմի առաջնորդը Ղարադաղի Բերդ գիւղում
    Ատրպատականի հայոց թեմի առաջնորդը Ղարադաղի Բերդ գիւղում

    Ատրպատականի հայոց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի ուսումնասիրական աշխատանքները, թեմի տարածքում նախկին հայաբնակ շրջանների տեղագրութիւնը կատարելու, շաբաթ 6 յուլիս 2019-ին նրան հասցրել էին Ղարադաղի Բերդ գիւղը: Տեղի եկեղեցու, գերեզմանատան եւ ընդհանրապէս նախկին հայկական կեանքի մասին Սրբազան Հօր կատարած ուսումնասիրութիւնը ստորեւ ներկայացնում ենք ի՛ր գրչով:

  • ՀՅԴ Լիբանանի կեդրոնական կոմիտէն այցելեց վարչապետ Հարիրիի
    ՀՅԴ Լիբանանի կեդրոնական կոմիտէն այցելեց վարչապետ Հարիրիի

    ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, ընկերակցութեամբ զբօսաշրջութեան նախարար Աւետիս Կիտանեանի, երէկ այցելեց վարչապետ Սաատ Հարիրիի:

  • «Դաշնակցութիւն» խմբակցութիւնը հանդիպել է Արարատ Դանիէլեանին
    «Դաշնակցութիւն» խմբակցութիւնը հանդիպել է Արարատ Դանիէլեանին

    Երէկ՝ յուլիսի 12-ին, ԱՀ Ազգային ժողովի «Դաշնակցութիւն» խմբակցութեան պատգամաւորները հանդիպել են ԱՀ արդարադատութեան նախարար Արարատ Դանիէլեանի հետ՝ մանրամասն քննարկելու առաջին ընթերցմամբ ընդունւած ԱՀ Ընտրական օրէնսգրքի եւ Կուսակցութիւնների մասին օրէնքի նախագծերը, բանաւոր ներկայացնելու խմբակցութեան առաջարկութիւնները եւ մտքեր փոխանակելու մի շարք այլ հարցերի շուրջ:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։