Հա

Համայնք

24/05/2017 - 11:00

Ատրպատականի հայոց թեմի առաջնորդը մասնակցեց Բեռլինի միջկրօնական միջազգային խորհրդաժողովին

Մայիսի 21-ից 23-ը Գերմանիայի արտաքին գործերի նախարար Զիգմար Գաբրիէլի հրաւէրով եւ նախագահութեամբ Բեռլինում կայացաւ միջկրօնական միջազգային համագումար, որին մասնակցում էին 53 երկրներից հրաւիրւած աւելի քան հարիւր կրօնաւորներ եւ միաստւածեան երեք կրօնների կրօնապետեր:

«alikonline.ir» - Մայիսի 21-ից 23-ը Գերմանիայի արտաքին գործերի նախարար Զիգմար Գաբրիէլի հրաւէրով եւ նախագահութեամբ Բեռլինում կայացաւ միջկրօնական միջազգային համագումար, որին մասնակցում էին 53 երկրներից հրաւիրւած աւելի քան հարիւր կրօնաւորներ եւ միաստւածեան երեք կրօնների կրօնապետեր: Տեղեկացնում է Ատրպատական ազգային առաջնորդարանը: 

Խորհրդաժողովը կրում էր «Կրօնների պատասխանատւութիւնը խաղաղութեան հաստատման գործում» ընդհանուր խորագիրը, որն իր տեսակի մէջ Գերմանիայի արտաքին գործերի նախարարութեան կազմակերպած առաջին խորհրդաժողովն էր: 

Նախարար Գաբրէլի հրաւէրով, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը նոյնպէս մեկնել էր Բեռլին, մասնակցելու յիշեալ խորհրդաժողովին: 

Բացման նիստի ընթացքում Գերմանիայի արտաքին գործերի նախարարն անձամբ ողջունեց խորհրդաժողովի մասնակիցներին ասելով. «Առաջին անգամ լինելով է, որ մեր նախարարութեան շէնքը, այսքան տարբեր կրօնների ներկայացուցիչների սքեմների տարբերութիւններով գեղեցկանում է»: 

Գերատեսչութեան մուտքի մօտ, նախարարին ողջունողների շարքին էր նաեւ Սրբազան Հայրը, որն Ատրպատականի հայութեան եւ ընդհանրապէս հիւսիսային Իրանում բնակւող քրիստոնեայ համայնքների անունից շնորհակալութիւն յայտնեց նման նախաձեռնութեան համար, որը բոլոր կրօնների համար խրախուսիչ երեւոյթ է: 

Նշենք, որ խորհրդաժողովին հրաւիրւած էր մասնակցելու նաեւ Ն.Ս.Օ.Տ.Տ. Արամ Ա կաթողիկոսը, որը, սակայն զբաղւածութեան պատճառով չէր կարողացել ներկայ գտնւել խորհրդաժողովին: Որպէս Վեհափառ Հայրապետի ներկայացուցիչ խորհրդաժողովին մասնակցում էր Մեծի Տանն Կիլիկիոյ կաթողիկոսութեան միջեկեղեցական եւ միջկրօնական յանձնախմբի ատենապետուհի՝ դոկտ. Նորա Բայրագտարեանին, որն աշխոյժ մասնակցութիւն ունեցաւ խորհրդաժողովին:

Յարակից լուրեր

  • Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում
    Սբ. Թադէի վանքի կենտրոնական գմբէթի նորակերտ խաչի օծումը Թաւրիզի Ս. Սարգիս եկեղեցում

    Կիրակի, 4 նոյեմբեր 2018-ին, մեր հաւատքի ծննդավայր Սբ. Թադէոս Առաքեալի վանքի կենտրոնական գմբէթի նորակերտ խաչի օծումը կատարւեց Թաւրիզում, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի: 

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

  • Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում

    Շաբաթ, 13 հոկտեմբեր 2018-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Սբ. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով: «Քրիստոս Աստւած մեր» եղանակաւոր մաղթանքի ընթացքում յիշւեցին Թարգմանիչ Վարդապետները գլխաւորութեամբ Սուրբ Սահակ հայրապետի եւ Սբ. Մեսրոպ Մաշտոց վարդապետի:

  • «Յիմ Կիլիկիա»
    «Յիմ Կիլիկիա»

    Նահապետի երազը, մեր ստւերոտ պատմութեան ոլորապտոյտ բաւիղների եզրին հասակ առած ծառերի տերեւներն է շօշափում, դրանց երեսի փայլի յետեւում պահւած արծաթագոյն էջերը թերթատելով: Երազը երբե՛ք հեռու չէ իրականութիւնից, եթէ ժամանակի խորհուրդը խորտակելու ոյժ կարելի լինի ամբարել բազկի մէջ առնական, ինչպէս նաեւ եթէ յաջողւի խեղդել կոկորդում՝ հեծկլտուքը մանկական, վարդի փոխարէն յոյս ցանելով հրւանդանին մօտեցող մեր նաւի տատանող կամրջակի լաստերի վրայ:

  • Գերմանացի Մարկոս Էնդլերի «Պատուհան» գծանկարչական ցուցահանդէսը՝ Թաւրիզում
    Գերմանացի Մարկոս Էնդլերի «Պատուհան» գծանկարչական ցուցահանդէսը՝ Թաւրիզում

    Չորեքշաբթի, 10 հոկտեմբեր 2018-ի երեկոյեան ժամը 8-ին, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, ազգ. առաջնորդարանի «Հ. Ոսկանեան» սրահում բացումը կատարւեց գերմանացի արւեստագէտ Մարկոս Էնդլերի «Պատուհան» խորագրով գծանկարչական ցուցահանդէսին, հովանաւորութեամբ Թեմական խորհրդի եւ կազմակերպութեամբ Թաւրիզի Հայ Համալսարանականների միութեան: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։