Հա

Համայնք

01/06/2017 - 10:30

Ատրպատականի հայոց թեմի առաջնորդը՝ գերմանական մամուլի հետ զրոյցում. «Կրօնները իրենք չեն խնդիրը, այլ կրօնների հետեւորդներից ոմանք»

Բեռլինում լոյս տեսնող «Deutsche Welle» օրաթերթի թղթակից Ջենս Թուրոն, թերթի մայիսի 22-ի համարում հրապարակած իր յօդւածը սկսում է, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի հետ Բեռլինում ունեցած զրոյցով՝ վերնագրելով նրա խօսքը:

«alikonline.ir» - Բեռլինում լոյս տեսնող «Deutsche Welle» օրաթերթի թղթակից Ջենս Թուրոն, թերթի մայիսի 22-ի համարում հրապարակած իր յօդւածը սկսում է, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի հետ Բեռլինում ունեցած զրոյցով՝ վերնագրելով նրա խօսքը: Տեղեկացնում է Ատրպատականի ազգային առաջնորդարանը: 

Զրոյցը տեղի է ունեցե սթ. մայիսի 21-23-ը Գերմանիայի արտաքին գործերի նախարարութեան նախաձեռնութեամբ Բեռլինում կայացած միջկրօնական խորհրդաժողովի ընթացքում:

Պատասխանելով գերմանացի լրագրողի հարցերին, Սրբազան Հայրն անդրադարձել է Իրանում, եմասնաւորապէս՝ Ատրպատականի Հայոց թեմում մեր ժողովրդի դարաւոր փորձառութեանն ու կրօնների համակեցութեանը՝ խօսելով դրանց համերաշխ գոյակցութեան մասին: 

Պատասխանելով լրագրողի այն հարցին, թէ՝ «կրօնները պատասխանատո՞ւ են արդեօք աշխարհում տեղի ունեցող ահաբեկչութիւններին եւ նորօրեայ ճգնաժամերի համար», Սրբազանն ասել է. «Կրօնները իրենք չեն խնդիրը, այլ՝ կրօնների հետեւորդներից ոմանք»: Նա խօսել է միաստւածեան կրօնների եւ յատկապէս Քրիստոնեայ-Իսլամ յարաբերութիւնների մասին, անդրադառնալով Իրանում հայ համայնքի ունեցած իրաւունքներին եւ վայելած առանձնաշնորհներին, յատկապէս Իսլամական յեղափոխութիւնից յետոյ: 

«Մեր ապրած երկրում մենք վայելում ենք մեր իսլամ հայրենակիցների փոխադարձ յարգանքը: Այստեղ, գումարւող այս ժողովի ընթացքում զգում ենք սէր եւ յարգանք իրար նկատմամբ: Այս երեւոյթը վարակիչ պէտք է լինի, որպէսզի աշխարհում ամէն տեղ, բոլոր կրօնների հետեւորդներ ապրեն համերաշխութեամբ եւ հանդուրժողականութեան ոգով»,- ասել է Սրբազան Հայրը:

Յարակից լուրեր

  • Ապրիլեան Սրբացեալ Նահատակաց տօնը Ատրպատականի հայոց թեմում
    Ապրիլեան Սրբացեալ Նահատակաց տօնը Ատրպատականի հայոց թեմում

    Չորեքշաբթի 24 Ապրիլ 2019-ին, Ապրիլեան մեր Նահատակների սրբատօնը յատուկ ձեւով կատարւեց Ատրպատականի հայոց թեմում, մասնակցութեամբ իր ազգային դատի գիտակից հաորդիների, Նահատակների յիշատակի առջեւ խոնարհումով:

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

  • Ատրպատականի հայոց թեմի առաջնորդը ընդունեց Հ.Մ.Ա.Կ.-ի Թաւրիզի նորընտիր վարչութեան այցելութիւնը
    Ատրպատականի հայոց թեմի առաջնորդը ընդունեց Հ.Մ.Ա.Կ.-ի Թաւրիզի նորընտիր վարչութեան այցելութիւնը

    Հինգշաբթի 11 ապրիլ 2019-ի յետմիջօրէին ժամը 5-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. Եպս. Չիֆթճեանը իր գրասենեակում ընդունեց Հ.Մ.Ա.Կ.-ի Թաւրիզի մասնաճիւղի այցելութիւնը, գլխաւորութեամբ ատենապետ՝ Նժդիկ Աբրահամեանի:

  • Ատրպատականի հայոց թեմի առաջնորդի հերթական հանդիպումը Հ.Մ.Ա.Կ.-ի Թաւրիզի մասնաճիւղի երիտասարդութեան
    Ատրպատականի հայոց թեմի առաջնորդի հերթական հանդիպումը Հ.Մ.Ա.Կ.-ի Թաւրիզի մասնաճիւղի երիտասարդութեան

    Կիրակի, 17 մարտ 2019 թ.-ի երեկոյեան, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան հանդիպում ունեցաւ Հ.Մ.Ա.Կ.-ի Թաւրիզի մասնաճիւղի երիտասարդութեան հետ, հրաւէրով մասնաճիւղի վարչութեան:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։