Հա

Համայնք

Կիրակի, 18 Յունիսի 2017 10:20

Սրբոց Հռիփսիմեանց եւ Գայիանեանց կոյսերի տօնը Մուժումբար գիւղում

Յունիսի 15-ին Սրբոց Հռիփսիմեանց եւ Գայեանեանց կոյսերի տօնի առիթով, առաւօտեան ժամերգութիւն տեղի ունեցաւ Թաւրիզից 50 կլմ. դէպի հիւսիս-արեւելք գտնւող Մուժումբար գիւղի Սբ. Հռիփսիմէ եկեղեցում, նշելու համար նաեւ սոյն պատմական եկեղեցու անւան օրը:

«alikonline.ir» - Յունիսի 15-ին Սրբոց Հռիփսիմեանց եւ Գայեանեանց կոյսերի տօնի առիթով, առաւօտեան ժամերգութիւն տեղի ունեցաւ Թաւրիզից 50 կլմ. դէպի հիւսիս-արեւելք գտնւող Մուժումբար գիւղի Սբ. Հռիփսիմէ եկեղեցում, նշելու համար նաեւ սոյն պատմական եկեղեցու անւան օրը: Տեղեկացնում է Ատրպատականի ազգային առաջնորդարանը:

4-րդ դարի հիմքեր ունեցող քարաշէն միանաւ եկեղեցու խորհրդաւոր կամարների տակ, հողածածկ երկթեք տանիքի կենտրոնում գտնւող լուսամուտից ներս ցաթող արեւի շողով լուսաւորւած ատեանում, հազիւ մի քանի ուխտաւոր հաւատացեալների ներկայութեամբ, հոգեւորականաց դասը կատարեց Սրբոց Հռիփսիմեանց նւիրւած շարականը եւ մաղթանքները:

Հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի, ինչպէս նաեւ դպրաց դասի անդամների, եկեղեցական արարողութեամբ վերաշնչեցին եկեղեցու պատերի աղօթաբոյր քարերը:

Գիւղի հայութիւնը վաղուց վաճառել էր իր տներն եւ վարելահողերը եւ տեղափոխւել էր Թաւրիզ: Սակայն հայերի տները գնող եւ այսօրւայ Մուժումբարի բնակիչ թուրքերը սիրով դիմաւորեցին իրենց եկեղեցուն եւ պապենական գիւղին այցի եկած հայերին, արդէն վարժ լինելով տարեկան սոյն այցելութեան թւականին:

Արարողութեան աւարտին առաջնորդ Սրբազանը հակիրճ ներկայացրեց Հռիփսիմեան եւ Գայիանեան կոյսերի նահատակութեան պատմութիւնը. «Այս կոյսերի նահատակութիւնը քրիստոնէական հաւատքի բագինի վրայ, նախախնամական միջամտութիւն էր անկասկած, մեր ազգի քրիստոնէացման անկիւնադարձային դրւագի, որովհետեւ նրանց սպանութիւնը հոգեկան մեծ ցնցում էր յառաջացրել հայոց Տրդատ արքայի մօտ, եւ նրա բուժումը վիրապ նետւած Գրիգորի ձեռքով, հիմք դարձաւ մեր ազգի պետականօրէն քրիստոնէացման»,- ասաց Սրբազանը: Ապա, նա անդրադարձաւ Մուժումբար գիւղի պատմութեան, յատկապէս հերոսական այն մարտերին, որոնք ֆիդայական խմբերով մղել էին Փոխիկի խմբի մարտիկները, ազատագրելով սոյն գիւղի եկեղեցում ապաստանած երեքհարիւր հայ գիւղացիներին:

Սոյն ուխտագնացութիւնը իբրեւ աւանդութիւն շարունակելուց բացի, դա հոգեկան բաւարարութիւն է տալիս հաւասարապէս հոգեւորականաց դասին եւ ուխտաւոր հաւատացեալներին: Միւս կողմից, գիւղի հասարակութեանը համար յուշարար է լինում, թէ իրենց այժմու գիւղի կենտրոնում բերդանման այս կառոյցը՝ Սբ. Հռիփսիմէ եկեղեցին ունի իր հաւատացեալները, որոնք տարին գէթ մէկ անգամ գալիս են եւ աղօթք վերառաքում առ Աստւած, դարաւոր եկեղեցու սրբի բարեխօսութեանը ապաւինելով:

Կիսագրագէտ գիւղացիներից մէկը ասում էր. «Ինչպէս մենք մեր մզկիթն ունենք եւ այնտեղ աղօթում ենք, դուք էլ այս սրբավայրում էք աղօթում, իսկ մենք, իբրեւ այս գիւղում բնակւողներ, պարտաւոր ենք հոգատար լինել այս կառոյցին, որովհետեւ սա էլ Աստծոյ տուն է»:

 

Յարակից Հրապարակումներ

  • Ներսէս Մելիք-Թանգեան Սրբազանից յիշատակ ձիակառքի մնայուն ցուցադրութիւնը Ատրպատականի առաջնորդարանում
    Ներսէս Մելիք-Թանգեան Սրբազանից յիշատակ ձիակառքի մնայուն ցուցադրութիւնը Ատրպատականի առաջնորդարանում

    Կիրակի, 15 հոկտեմբեր 2017-ի երեկոյեան ժամը 8-ին, Ատրպատականի հայոց թեմի ազգային առաջնորդարանի շրջափակում տեղի ունեցաւ յատուկ հանդիսութիւն, հովանաւորութեամբ եւ նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, առաջնորդարանի պատմական ձիակառքի մնայուն ցուցադրութեան բացումը կատարելու համար:

  • Գերմանացի հայագէտ Մատթիաս Ֆրից զեկուցեց Լեւոն Շանթի մասին եւ այցելեց Ատրպատականի ազգային առաջնորդարան
    Գերմանացի հայագէտ Մատթիաս Ֆրից զեկուցեց Լեւոն Շանթի մասին եւ այցելեց Ատրպատականի ազգային առաջնորդարան

    Թաւրիզի Հայագիտական Ա․ գիտաժողովին (13-16 հոկտեմբեր 2017) իր մասնակցութիւնը բերած գերմանացի հայագէտ պրոֆ․ Մատթիաս Ֆրից երեքշաբթի, 17 հոկտեմբեր 2017-ի առաւօտեան ժամը 11-ին այցելեց Ատրպատականի հայոց թեմի ազգային առաջնորդարան, Թաւրիզ, եւ տեսակցութիւն ունեցաւ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի հետ։

  • Գերմանացի իրաւագէտներից բաղկացած մէկ խումբ այցելեց Ատրպատականի հայոց թեմ
    Գերմանացի իրաւագէտներից բաղկացած մէկ խումբ այցելեց Ատրպատականի հայոց թեմ

    Երկուշաբթի, 16 հոկտեմբեր 2017-ի առաւօտեան, գերմանացի իրաւագէտներից բաղկացած մէկ խումբ, գլխաւորութեամբ Հերբերտ Էնեսի, այցելեց Ատրպատականի ազգային առաջնորդարան եւ «Էմիլ Յակոբեան» դահլիճում ընդունւեց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի կողմից: Հանդիպմանը ներկայ գտնւեց նաեւ Թեմական խորհրդի ատենապետ՝ Ռուբիկ Ջանանեանը:

  • Հայ Մշակոյթի օրւայ առիթով գրքերի ցուցահանդէս Հ.Մ.Ա.Կ.-ի Թաւրիզի մասնաճիւղում
    Հայ Մշակոյթի օրւայ առիթով գրքերի ցուցահանդէս Հ.Մ.Ա.Կ.-ի Թաւրիզի մասնաճիւղում

    Ուրբաթ, 13 հոկտեմբեր 2017-ի երեկոյեան ժամը 7.30-ին, Հայ մշակութային «Արարատ» կազմակերպութեան Թաւրիզի մասնաճիւղի կենտրոնատեղիում, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, բացումը կատարւեց գրքերի ցուցահանդէսի, ներկայութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի, Ազգային իշխանութեան անդամների, Հ.Մ.Ա.Կ.-ի վարչութեան, Թաւրիզի Հայ համալսարանականների միութեան անդամների, թաւրիզահայ համայնքի մտաւորական աւագ եւ կրտսեր սերնդի անհատների:

  • Ֆրանսացի հայագէտ Բեռնար Ուտիէ Ատրպատականի հայոց թեմում
    Ֆրանսացի հայագէտ Բեռնար Ուտիէ Ատրպատականի հայոց թեմում

    Հինգշաբթի, 12 հոկտեմբեր 2017-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի հրաւէրով Թաւրիզ ժամանեց ֆրանսացի հայագէտ պրոֆ. Բեռնար Ուտիէ, հայկական ձեռագրերից յայտնաբերած իր նորագոյն նիւթի մասին բանախօսելու, 13 հոկտեմբերի առաւօտեան, Թաւրիզում կայանալիք Հայագիտական առաջին գիտաժողովի առաջին նիստի ընթացքում:

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։