Հա

Համայնք

01/07/2017 - 10:40

Ատրպատականի ազգ. առաջնորդարանի այգու բացումը կատարւեց՝ ամառային շրջանի համար

Յունիսի 28-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, երեկոյեան ժամը 9-ին բացումը կատարւեց ազգային առաջնորդարանի այգու, կազմակերպութեամբ Թաւրիզի Հայ համալսարանականների միութեան վարչութեան:

«alikonline.ir» - Յունիսի 28-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, երեկոյեան ժամը 9-ին բացումը կատարւեց ազգային առաջնորդարանի այգու, կազմակերպութեամբ Թաւրիզի Հայ համալսարանականների միութեան վարչութեան: Տեղեկացնում է Ատրպատականի ազգային առաջնորդարանը: 

Այգու բարձրաբերձ ծառերի ստեղծած հաճելի հովի ներքոյ ամառը վայելելու սովորութիւն ունեցող թաւրիզահայութիւնը, ամէն ամառ կարօտով սպասում է սոյն բացման հանդիսութեան, որը այնքան յաջողութեամբ վարեց Հայ համալսարանականների միութիւնը: 

Ազգային առաջնորդարանի շէնքի առջեւից սկսած մինչեւ շրջափակի միւս անկիւնները լցւել էին սեղանների շուրջ նստած ժողովրդով, իսկ երեխաների համար շրջափակի տարբեր անկիւններում նախատեսւած էին բազմատեսակ խաղեր, որոնք դարձեալ վարում էին Հայ համալսարանական միութեան անդամները: 

Վարչութիւնը, գլխաւորութեամբ ատենապետուհի Անի Յակոբանի, երեկոյեան ժամը 7-ից, իր անդամների միջոցով մասնաւոր խոհանոց էր դասաւորել համադամ ուտեստներով, այգու բացման օրը շրջափակին մէջ ժողովրդի համար հաճելի նիստ եւ վայելք պարգեւելու համար: Յատուկ սեղան յատկացւել էր ազգային իշխանութեան համար, որտեղ հոգեւորականներ եւ ազգային իշխանութեան ներկայացուցիչ անդամներ ժողովրդի հետ լինելու առիթ ունեցան:

Ակներեւ էր Հայ համալսարանական միութեան բոլոր անդամների աշխատասիրութիւնը, որոնք օրեր առաջ, առանց նկատի ունենալու իրենց համալսարանական բարձր կրթութիւնը եւ համայնքում զբաղեցրած տեղը, ինչպէս Դոկտ. Վարդան Սիմոնզը, Ռազմիկ Կարապետեանը, Քրիստինէ Ջանանեանը եւ այլ նւիրեալներ, շրջափակի դասաւորումների ամէնից համեստ գործերն էին կատարում անտրտունջ: Պէտք է աւելացնել նաեւ, որ համալսարանականներից շատերի ծնողները եւս ճաշերի պատրաստութեան ընթացքում նախօրօք իրենց օժանդակութիւնն էին բերել, յաջողեցնելու համար Միութեան սոյն ժողովրդական ծրագիրը:

Մանուկների համար նախատեսւած խաղեր էին՝ երեխաների յատուկ ֆուտպոլը, սեղանի ցուպերով ֆուտպոլը, բաժակների մէջ գնդակներ հաւաքելու մրցոյթը, նետաձգութիւնը, իսկ բոլորի համար՝ սլաքախաղը: Բոլոր յաղթող երեխաները միութեան կողմից պարգեւատրւում էին նւէրներով: Շրջափակում նաեւ սփռւում էր հայկական երաժշտութիւն, ինչպէս նաեւ տեսերիզի հսկայ պաստառի վրայ նոյնը տեսասփռւում էր, յաւելեալ մտերմութիւն բերելով հայկական միջավայրին:

Վերջապէս, առաջնորդ Սրբազանը գնահատեց Թաւրիզի Հայ համալսարանականների միութեան կատարած աշխատանքը, մաղթելով որ ազգային կեանքի առոյգ պահպանման գործում միշտ դերակատար լինի միութիւնը իր կրթւած անդամների աշխոյժ աշխատանքով:

Յարակից լուրեր

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

  • Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ Մշակոյթի օրւայ տօնակատարութիւն Թաւրիզում

    Շաբաթ, 13 հոկտեմբեր 2018-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Սբ. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով: «Քրիստոս Աստւած մեր» եղանակաւոր մաղթանքի ընթացքում յիշւեցին Թարգմանիչ Վարդապետները գլխաւորութեամբ Սուրբ Սահակ հայրապետի եւ Սբ. Մեսրոպ Մաշտոց վարդապետի:

  • «Յիմ Կիլիկիա»
    «Յիմ Կիլիկիա»

    Նահապետի երազը, մեր ստւերոտ պատմութեան ոլորապտոյտ բաւիղների եզրին հասակ առած ծառերի տերեւներն է շօշափում, դրանց երեսի փայլի յետեւում պահւած արծաթագոյն էջերը թերթատելով: Երազը երբե՛ք հեռու չէ իրականութիւնից, եթէ ժամանակի խորհուրդը խորտակելու ոյժ կարելի լինի ամբարել բազկի մէջ առնական, ինչպէս նաեւ եթէ յաջողւի խեղդել կոկորդում՝ հեծկլտուքը մանկական, վարդի փոխարէն յոյս ցանելով հրւանդանին մօտեցող մեր նաւի տատանող կամրջակի լաստերի վրայ:

  • Գերմանացի Մարկոս Էնդլերի «Պատուհան» գծանկարչական ցուցահանդէսը՝ Թաւրիզում
    Գերմանացի Մարկոս Էնդլերի «Պատուհան» գծանկարչական ցուցահանդէսը՝ Թաւրիզում

    Չորեքշաբթի, 10 հոկտեմբեր 2018-ի երեկոյեան ժամը 8-ին, ձեռամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, ազգ. առաջնորդարանի «Հ. Ոսկանեան» սրահում բացումը կատարւեց գերմանացի արւեստագէտ Մարկոս Էնդլերի «Պատուհան» խորագրով գծանկարչական ցուցահանդէսին, հովանաւորութեամբ Թեմական խորհրդի եւ կազմակերպութեամբ Թաւրիզի Հայ Համալսարանականների միութեան: 

  • Գերմանացի ուսուցիչների մէկ խումբ Ատրպատականի ազգ. առաջնորդարանում
    Գերմանացի ուսուցիչների մէկ խումբ Ատրպատականի ազգ. առաջնորդարանում

    Երկուշաբթի, 8 հոկտեմբեր 2018-ի երեկոյեան, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, իր գրասենեակում ընդունեց գերմանացի մէկ խումբ ուսուցիչներ, որոնք յատուկ այցով ժամանել էին Թաւրիզ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։