Հա

Համայնք

18/09/2017 - 09:40

Կանադահայոց առաջնորդ Բաբգէն Սրբազանի գլխաւորութեամբ կանադահայ ուխտաւորները Ատրպատականի հայոց թեմում

Սեպտեմբերի 14-ին Կանադահայոց թեմի առաջնորդ՝ գերշ. Տ. Բաբգէն Ս. արք. Չարեանի գլխաւորութեամբ, 20 կանադահայ ուխտաւորներ այցելեցին Ատրպատականի պատմական թեմի ազգային առաջնորդարան եւ հանդիպում ունեցան թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի հետ, «Էմիլ Յակոբեան» դահլիճում:

«alikonline.ir» - Սեպտեմբերի 14-ին Կանադահայոց թեմի առաջնորդ՝ գերշ. Տ. Բաբգէն Ս. արք. Չարեանի գլխաւորութեամբ, 20 կանադահայ ուխտաւորներ այցելեցին Ատրպատականի պատմական թեմի ազգային առաջնորդարան եւ հանդիպում ունեցան թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի հետ, «Էմիլ Յակոբեան» դահլիճում: Տեղեկացնում է Ատրպատականի ազգային առաջնորդարանը:

Գրիգոր Սրբազան պատմական ակնարկ կատարեց թեմի եւ ընդհանրապէս շրջանի պատմութեան, իր ուրախութիւնը յայտնելով ուխտաւորաբար այս թեմը այցելելու փափագին համար. «Դուք սովորական զբօսաշրջիկներ չէք. եւ բոլոր այն հայերը որոնք մեր թեմին այցելութիւն տան, զբօսաշրջիկներ չեն կոչւում, այլ՝ ուխտաւորներ, որովհետեւ այս թեմի տարածքում են գտնւում նւիրական կառոյցներ եւ վայրեր, ինչպիսին են Սբ. Թադէի վանքը՝ Սբ. Թադէոս առաքեալի գերեզմանի վրայ կառուցւած, Աւարայրի դաշտը՝ մեր հաւատքի նահատակների զոհաբերութեան բագինը, ինչպէս նաեւ մեր միւս վանքերը եւ մշակութային կոթողները», ասաց առաջնորդ Սրբազան Հայրը:

Կանադայի հայոց թեմի առաջնորդ՝ Բաբգէն Սրբազան իր շնորհակալութիւնը յայտնեց ջերմ ընդունելութեան համար, ներկայացնելով յառաջիկայ օրերի ծրագիրը Ատրպատականում, յատկապէս պատմական վանքերի այցելութեամբ: Ընդունելութեան ընթացքում առիթ տրւեց ներկաներին հարցումներ ուղղելու Սրբազան Հօր:

Յաջորդ օր, ուրբաթ, 15 սեպտեմբերին, ուխտաւորները մեկնեցին մայր Արաքսի ափին գտնւող Հովւի մատուռը, Սբ. Ստեփանոս Նախավկայի վանքը, եւ ապա Սբ. Թադէի վանքը: Երկու վանքերում ուխտաւորներին դիմաւորեց Ատրպատականի հայոց առաջնորդը, իր հոգեւոր եղբօր՝ Բաբգէն Սրբազանի հետ կանո-նական աղօթք մատուցեց առ Աստւած, եւ ապա պատմական հակիրճ ակնարկ կատարեց իւրաքանչիւր վանքի մասին:

Ատրպատականի հայոց թեմի զոյգ գոհար վանքերում ուխտաւորները առիթ ունեցան ներշնչւելու մեր եկեղեցու եւ ազգի պատմութեան խորհրդով, իրենց ուխտը կատարելով յատկապէս Սբ. Թադէոս առաքեալի վանքում, նրա նահատակութեան նւիրական վայրում: Ապա, վանահօր հնադարեայ սենեակում նրանք լսեցին Գրիգոր Սրբազանի լայն բացատրութիւնները 20-րդ դարասկզբի քաղաքական անցուդարձերի եւ Օսմանեան բանակի կողմից կատարւած ջարդերի մասին, որոնցից անմասն չէին մնացած Սբ. Թադէն եւ նրա մէջ ապաստանած 700 հայերը:

Կանադայի հայոց թեմի առաջնորդ Սրբազանը, ինչպէս նաեւ ուխտաւորները իրենց երախտագիտութիւնը յայտնեցին հոգեպարար ուխտագնացութեան համար, զոր կատարեցին Ատրպատականում եւ գոհունակ սրտով մեկնեցին դէպի Սպահան:

Յարակից լուրեր

  • Ապրիլեան Սրբացեալ Նահատակաց տօնը Ատրպատականի հայոց թեմում
    Ապրիլեան Սրբացեալ Նահատակաց տօնը Ատրպատականի հայոց թեմում

    Չորեքշաբթի 24 Ապրիլ 2019-ին, Ապրիլեան մեր Նահատակների սրբատօնը յատուկ ձեւով կատարւեց Ատրպատականի հայոց թեմում, մասնակցութեամբ իր ազգային դատի գիտակից հաորդիների, Նահատակների յիշատակի առջեւ խոնարհումով:

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • Սուրբ Զատիկը ազգային-եկեղեցական տօնախմբութեան վերածւեց Ատրպատականի հայոց թեմում
    Սուրբ Զատիկը ազգային-եկեղեցական տօնախմբութեան վերածւեց Ատրպատականի հայոց թեմում

    Հրաշափառ Յարութեան տօնի առիթով, մեր Տիրոջ եւ Փրկչի միջոցով մահւան վրայ տարւած յաղթանակի յոյսով լցւեց համայն քրիստոնեաների սրտերը: Կիրակի 21 սպրիլ 2019-ի առաւօտեան, Ատրպատականի հայոց թեմի զաւակները, Թաւրիզում, Ուրմիայում եւ Գեարդաբադում իրենց աղօթքը մատուցին Ամենակալ Աստծուն, Սուրբ Յարութեան տօնի յուսադրիչ ապրումներով:

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։