Հա

Համայնք

18/09/2017 - 09:50

Խաչվերացի տօնի եւ ռեհանզարդ խաչով անդաստանի աւանդութիւնը՝ Ատրպատականի հայոց թեմում

Սեպտեմբերի 17-ին Խաչվերացի տօնի առիթով ս. պատարագ մատուցւեց Ատրպատականի հայոց թեմի եկեղեցիներում՝ Թաւրիզում եւ Ուրմիայում:

«alikonline.ir» - Սեպտեմբերի 17-ին Խաչվերացի տօնի առիթով ս. պատարագ մատուցւեց Ատրպատականի հայոց թեմի եկեղեցիներում՝ Թաւրիզում եւ Ուրմիայում: Տեղեկացնում է Ատրպատականի ազգային առաջնորդարանը:

Թաւրիզի Մարալան շրջանում գտնւող Ս. Աստւածածին պատմական մատուռում Եպիսկոպոսական հանդիսաւոր ս. պատարագ մատոյց եւ իր պատգամը յղեց թեմի ժողովրդին, Ատրպատականի  հայոց  թեմի առաջնորդ՝ գերշ. Տ. Գրիգոր Ս. եպս. Չիֆթճեանը: Իսկ Ուրմիայի Ս. Ստեփանոս ծխական եկեղեցում պատարագեց եւ քարոզեց՝ ծխատէր արժ. Տ. Ներսէս քհնյ. Պասիլեանը, նշելու համար 628 թ.-ի յաղթանակը, որով Քրիստոսի խաչափայտը գերութիւնից տուն՝ Երուսաղէմ դարձաւ Հերակլ Կայսեր եւ քրիստոնեայ երկրների կողմից հաւատքով մղւած պատերազմից յետոյ:

Առաջնորդ Սրբազան Հօր կողքին, Սբ. Խորանին սպասարկում էր Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանը, ինչպէս նաեւ կրտսերաց դպրաց դասի անդամները: Երգեցողութիւնը կատարեց «Կոմիտաս» երգչախումբը, ղեկավարութեամբ երաժիշտ Վարդան Վահրամեանի:

Սրբազան Հայրը իր քարոզում Խաչվերացի տօնի ամբողջ մանրամասները բացատրելով, պատմական բոլոր անցքերի քաղւածքը կատարեց, ցոյց տալու համար քրիստոնեայ ազգերի բացառիկ յարգանքը եւ պաշտամունքը Տիրոջ խաչափայտի հանդէպ: Խաչից բացի ոեւէ այլ բանով չպարծելու Պօղոս առաքեալի արտայայտութիւնը վեր հանելով, Սրբազան Հայրը յորդորեց հաւատացեալ ժողովրդին նոյնը ընդունել, խաչի զոհողութեան, համբերութեան, սիրոյ ու խոնարհութեան խորհուրդները սեփական կեանքի մէջ գործնապէս թարգմանելով:

Սբ. պատարագի աւարտին, դպրաց դասի անդամներից կազմւած թափօրով, եւ ռեհանազարդ խաչի գլխաւորութեամբ, ներկաները շրջափակ առաջնորդւեցին, որտեղ կատարւեց Խաչվերացի աւանդական մեծահանդէս թափօրի եւ անդաստանի արարողութիւնը: Եկեղեցական արարողութիւնից յետոյ, ներկայ հաւատացեալները խաչը ծածկած ռեհանից վերցրեցին, նրա բուրումնաւէտութիւնը միասին տանելու համար իրենց տները:

Ապա, Թաւրիզի եկեղեցիների Խնամակալ մարմնի անդամուհիների կողմից, եկեղեցու շրջափակում կանգնած տաղաւարի ներքեւ տրւեց սիրոյ սեղան, որին մասնակից դարձան Հոգեւորականաց դասը, ինչպէս նաեւ Ազգային իշխանութիւնը եւ հիւրեր:

Յարակից լուրեր

  • Ատրպատականի հայոց թեմի առաջնորդը Մարանդում.  Նոյ Նահապետի կնոջ գերեզմանին այց
    Ատրպատականի հայոց թեմի առաջնորդը Մարանդում. Նոյ Նահապետի կնոջ գերեզմանին այց

    Երկուշաբթի, 4 փետրւարի, 2019-ին Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան այցելեց Մարանդ քաղաքը, որտեղ այժմու հնագոյն բազարում գտնւող պատմական մզկիթի հովանու ներքոյ է առնւել Նոյի կնոջ աւանդական գերեզմանի վայրը: Սրբազան Հօր կատարած հետազօտութեան մանրամասները եւ այս մասին նրա գրած շահեկան ուսումնասիրութիւնը հրատարակում ենք ստորեւ, ի՛ր գրչով:

  • Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները
    Թաւրիզում օծւեցին Մաղարդայ Սբ. Ստեփանոս Նախավկայի վանքի նոր կանթեղները

    Ատրպատականի հայոց թեմի վանքերի բարեզարդման հանդէպ բարեպաշտ նախանձնախնդրութեան արտայայտութիւն դարձաւ կիրակի 3 փետրւար 2019-ին, Թաւրիզի Լիլաւա հայաշատ թաղամասի Սուրբ Սարգիս եկեղեցում, յընթացս ս. պատարագի տեղի ունեցած հանդիսաւոր արարողութիւնը, երբ օծւեցին Սբ. Ստեփանոս Նախավկայի վանքի տաճարի նոր կանթեղները: 

  • Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի
    Հ.Մ.Ա.Կ.-ի Թաւրիզի մասնաճիւղի ընթրիքը՝ ի պատիւ իր բասկետբոլի խմբի

    Գնահատելու համար իր բասկետբոլի խմբի նւիրեալ մարզիկներին, որոնք անցած մէկ քանի օրերի ընթացքում մասնակցեցին Արեւելեան Ատրպատականի նահանգում կազմակերպւած տարբեր ակումբների հետ բասկետբոլային մրցաշարին, հինգշաբթի 31 յունւար 2019 թ.-ի երեկոյեան ժամը 9-ին, Հ.Մ.Ա.Կ.-ի Թաւրիզի մասնաճիւղի վարչութիւնը պաշտօնական ընթրիքով պատւեց նրանց: 

  • Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին
    Ատրպատականի հայոց թեմի առաջնորդը շնորհաւորեց իրանահայ հասարակական գործիչ՝ Լեւոն Ահարոնեանին

    19 յունւար 2019 թւակիր պաշտօնական գրով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, թեմի ազգային իշխանութեան անունից շնորհաւորեց իրանահայ հասարակական գործիչ Լեւոն Ահարոնեանին, Իրանցի մէկ շարք բարձրամակարդակ գործարարների հետ պետական «Ամին Օլ Զարբ» բարձրագոյն շքանշանով պարգեւատրւելու ուրախ առիթով:

  • Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը
    Ատրպատականի հայոց թեմի առաջնորդը շնորհաւորեց Հայոց Բանակի հիմնադրութեան տօնը

    Երկուշաբթի 28 յունւար 2019 թւակիր պաշտօնական գրով, ուղղւած ԻԻՀ-ում ՀՀ արտակարգ եւ լիազօր դեսպան Արտաշէս Թումանեանի, Ատրպատականի հայոց թեմի առաջնորդ՝ գերշ. Տ. Գրիգոր Ս. Եպս. Չիֆթճեանը շնորհաւորեց Հայոց Բանակի հիմնադրութեան տօնը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։