Հա

Համայնք

Երկուշաբթի, 09 Հոկտեմբերի 2017 09:00

Եզրափակում՝ Թաւրիզի Հայ համալսարանականների ամառային դասընթացքի

Ուրբաթ, 6 հոկտեմբեր 2017-ի երեկոյեան ժամը 7-ին, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, Թաւրիզի Հայ համալսարանականների միութեան կենտրոնատեղիում տեղի ունեցաւ եզրափակումը Միութեան կազմակերպած ամառային դասընթացքին:

«alikonline.ir» - Ուրբաթ, 6 հոկտեմբեր 2017-ի երեկոյեան ժամը 7-ին, հովանաւորութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, Թաւրիզի Հայ համալսարանականների միութեան կենտրոնատեղիում տեղի ունեցաւ եզրափակումը Միութեան կազմակերպած ամառային դասընթացքին: Առաջնորդ Սրբազանի հետ Թեմական խորհուրդը ներկայ գտնւեց սոյն հանդիսութեան, գլխաւորութեամբ ատենապետ՝ Ռուբիկ Ջանանեանի: Տեղեկացնում է Ատրպատականի ազգային առաջնորդարանը:

Երկրորդ տարին լինելով, Միութեան վարչութիւնը կազմակերպում է մանուկների յատուկ դասընթացք անգլերէն լեզւի, ինչպէս նաեւ յատուկ դասընթացք՝ գեղանկարչութեան:

Բացման խօսքը կատարեց վարչութեան ատենապետուհի Անահիտ Յակոբեանը, շեշտելով համալսարանական ուսանողների ներդրման կարեւորութիւնը համայնքի կեանքում:  Ապա,  առաջնորդ  Սրբազանը իր գնահատանքի խօսքը ուղղեց բոլորին՝ միութեան անդամներին, ուսուցիչներին, ծնողներին եւ դասընթացքի հետեւած մանուկներին: Սրբազանը բարձր գնահատեց միութեան աշխուժութիւնը, որ վերջին երկու տարիների ընթացքում աւելի շեշտւել էր համայնքի կեանքում: Նա քաջալերեց ծնողներին եւս, որ իրենց երեխաների մէջ զարգացնեն օտար լեզուներ խօսելու շնորհքը, ինչպէս նաեւ սէրը՝ հանդէպ գեղարւեստի:

Անգլերէնի դասընթացքի հետեւած պատանիներն ու պարմանուհիները իրենց ուսուցչուհու՝ Մեղեդի Թարւերդեանի ղեկավարութեամբ իրենց սովորած երկխօսութիւնները բեմականացրին, բաւականին համարձակ զրուցատրութեամբ: Ապա, ներկաները առիթ ունեցան շրջագայելու նկարչական ցուցահանդէսի բաժինը, որտեղ զետեղւել էին ամրան ընթացքում աշակերտների նկարած պատկերները: Գունագեղ սոյն բաժինը բոլոր ներկաների հետաքրքրութիւնը շարժեց, որոնք նկարների մէջ տեսան համայնքի հոգեւորական եւ աշխարհական ծանօթ դէմքերի կերպարները, գնահատելով մանուկները դիտելու եւ տեսնելու կարողութիւնը:

Սրբազան Հայրը, Թեմական խորհուրդը եւ Միութեան վարչութիւնը այս առիթով նւէրներ բաշխեցին դասընթացքներին հետեւած աշակերտներին եւ ներկայ բոլոր մանուկներին, քաջալերելով միութենական կեանքի մասնակից դառնալու երեւոյթը: Պարգեւատրւեցին նաեւ կամաւորաբար սոյն դասընթացքները ղեկավարած երկու ուսուցչուհիները:

Յարակից Հրապարակումներ

  • Ատրպատականի հայոց թեմի առաջնորդը եւ ընտրւած պատգամաւորները կը մեկնեն Անթիլիաս
    Ատրպատականի հայոց թեմի առաջնորդը եւ ընտրւած պատգամաւորները կը մեկնեն Անթիլիաս

    Երկուշաբթի, 4 դեկտեմբեր 2017-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը եւ թեմի պատգամաւորական ժողովի կողմից ընտրւած պատգամաւորները կը մեկնեն Անթիլիասի մայրավանքը՝ Լիբանան, մասնակից դառնալու Մեծի Տանն Կիլիկիոյ կաթողիկոսութեան Ազգային ընդհանուր ժողովին, որ չորս տարին մէկ գումարւում է Ն.Ս.Օ.Տ.Տ. Արամ Ա Վեհափառ Հայրապետի բարձր հովանաւորութեամբ եւ նախագահութեամբ, ու մասնակցութեամբ բոլոր թեմերի առաջնորդ սրբազանների եւ ներկայացուցիչ պատգամաւորների: 

  • Թաւրիզի Ուրբաթօրեայ աղօթապետի շնորհակալական գիրը՝ Ատրպատականի հայոց առաջնորդին
    Թաւրիզի Ուրբաթօրեայ աղօթապետի շնորհակալական գիրը՝ Ատրպատականի հայոց առաջնորդին

    Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եւ ազգային իշխանութիւնը, տեղական պայմանների եւ միջավայրի թելադրած պահանջների համապատասխան քայլերով իր յարաբերութիւնները միշտ նորովի մշակում է Իրանի Իսլամական Հանրապետութեան պետական կառոյցների հետ, հիւսիսային Իրանում մեր ժողովրդի զաւակների նկատմամբ ապահովելով արժանի յարգանք եւ գուրգուրանք:

  • Ատրպատականի հայոց թեմի առաջնորդը այցլեց Արեւմտեան Ատրպատականի նահանգապետին
    Ատրպատականի հայոց թեմի առաջնորդը այցլեց Արեւմտեան Ատրպատականի նահանգապետին

    Չորեքշաբթի 29 նոյեմբեր 2017-ի երեկոյեան ժամը 5-ին, առաջնորդ Սրբազանը ընկերակցութեամբ Ուրմիոյ հոգեւոր հովիւ արժ. Տ. Ներսէս քհնյ. Պասիլեանի, Թեմական խորհրդի կազմի, ներկայութեամբ ատենապետ Ռուբիկ Ջանանեանի, Վարդան Աբրահամեանի, Գագիկ Ջորջեանի Ալէն Սայադեանի եւ Ուրմիահայ ազգային բարերար Էդիկ Մեջլումեանի, որ Սրբազան Հօր պատւիրակութեան մաս էր կազմում, պաշտօնական հանդիպում ունեցաւ Արեւմտեան Ատրպատականի նորանշանակ նահանգապետ՝ դոկտ. Շահրիարիի հետ նահանգապետարանում, Ուրմիա: 

  • Ատրպատականի հայոց թեմը, նահանգապետի միջոցով իր նպաստը բերեց Քերմանշահի երկրաշարժից տուժածներին
    Ատրպատականի հայոց թեմը, նահանգապետի միջոցով իր նպաստը բերեց Քերմանշահի երկրաշարժից տուժածներին

    Ուրբաթ, 24 նոյեմբեր 2017-ի առաւօտեան ժամը 8.30-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, ընկերակցութեամբ Թեմական խորհրդի ամբողջական կազմի, պաշտօնական հանդիպում ունեցաւ Արեւելեան Ատրպատականի նահանգապետ՝ Խոդաբախշի հետ, նահանգապետարանի հնադարեան շէնքում: Հանդիպմանը ներկայ էին ատենապետ՝ Ռուբիկ Ջանանեանը, Համազասպ Ոսկանեանը, Վարդան Աբրահամեանը, Գագիկ Ջորջեանը, Ալէն Սայադեանը եւ փոքրամասնութիւնների գրասենեակի պատասխանատուն:

  • Նոր գրքերի ցուցահանդէս Թաւրիզի հայոց ազգային դպրոցում
    Նոր գրքերի ցուցահանդէս Թաւրիզի հայոց ազգային դպրոցում

    Տարեկան աւանդութեան վերածւած Նոր գրքերի ցուցահանդէսը Թաւրիզի հայոց ազգային «Թամարեան, Հայկազեան, Սահակեան» դպրոցում, այս տարի կայացաւ չորեքշաբթի, 22 նոյեմբեր 2017-ի առաւօտեան ժամը 10.30-ին, դպրոցի գրադարանում:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։