Հա

Համայնք

Երեքշաբթի, 10 Հոկտեմբերի 2017 09:10

Գերմանացի վիպասանը Թաւրիզում ներկայացնելու է Հայոց Ցեղասպանութեան նիւթով վէպերի մասին մէկ զեկոյց

Երկուշաբթի, 9 հոկտեմբեր 2017-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան իր գրասենեակում ընդունեց գերմանացի վիպասան եւ գրագէտ Վիլֆրիդ Էկկերսի (Wilfried Eggers) այցը:

«alikonline.ir» - Երկուշաբթի, 9 հոկտեմբեր 2017-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան իր գրասենեակում ընդունեց գերմանացի վիպասան եւ գրագէտ Վիլֆրիդ Էկկերսի (Wilfried Eggers) այցը: Տեղեկացնում է Ատրպատականի ազգային առաջնորդարանը:

Առաջնորդ Սրբազանը ողջունելով հիւրին ներկայութիւնը, իր ուրախութիւնը յայտնեց Ատրպատականի թեմի հետ նրա ստեղծած կապի համար, նկատի ունենալով, որ վիպասանը երեք տարի առաջ ազգային առաջնորդարանի հիւրն էր եղել: Նա այս անգամ Իրան է ժամանել, յառաջիկայ օրերին Թաւրիզում տեղի ունենալիք Հայագիտական առաջին գիտաժողովին մասնակցելու նպատակով, միասնաբար 14 օտար հայագէտների, որոնք տարբեր երկրներից են ժամանելու: Վերոյիշեալ գիտաժողովին վիպասան Էկկերս ներկայացնելու է Հայոց Ցեղասպանութեան նիւթը արծարծած վէպերի մասին մէկ զեկոյց։

Սրբազան Հօր հետ զրոյցում գերմանացի վիպասանը լայն բացատրութիւն տւեց իր «Պարբերութիւն 301» (Գրաֆիտ հրատարակչատուն, 2010. Paragraf 301, Grafit Verlag 2010) վէպի մասին, որտեղ նա յատուկ ուշադրութեան առարկայ է դարձրել 1938 թւին ալեւիների դէմ կատարւած ջարդը եւ այս առիթով, Օսմանեան կայսրութեան գործադրած ջարդարար քաղաքականութեան անդրադարձել: Ալեւիների ճակատագիրը ուսումնասիրելու ընթացքում, նա բնականաբար տեղեկացել է նաեւ Հայոց Ցեղասպանութեան մանրամասներին եւ ներկայիս աճող հետաքրքրութեամբ ուսումնասիրում է այն, իր յառաջիկայ վէպի համար:

Վիլֆրիդ Էկկերս Հիւսիսային Գերմանիայում սիրւած եւ գնահատւած վիպասան է, մանաւանդ իր գաղտնի ոստիկանական նիւթով հետաքրքրական վէպերի պատճառով։ Յայտնենք, որ մէկ օր առաջ նա իր կնոջ հետ ներկայ էր գտնւել Լիլաւայի Սբ. Սարգիս եկեղեցում մատուցւած սուրբ եւ անմահ պատարագին:

Յարակից Հրապարակումներ

  • Գերմանացի հայագէտ Մատթիաս Ֆրից զեկուցեց Լեւոն Շանթի մասին եւ այցելեց Ատրպատականի ազգային առաջնորդարան
    Գերմանացի հայագէտ Մատթիաս Ֆրից զեկուցեց Լեւոն Շանթի մասին եւ այցելեց Ատրպատականի ազգային առաջնորդարան

    Թաւրիզի Հայագիտական Ա․ գիտաժողովին (13-16 հոկտեմբեր 2017) իր մասնակցութիւնը բերած գերմանացի հայագէտ պրոֆ․ Մատթիաս Ֆրից երեքշաբթի, 17 հոկտեմբեր 2017-ի առաւօտեան ժամը 11-ին այցելեց Ատրպատականի հայոց թեմի ազգային առաջնորդարան, Թաւրիզ, եւ տեսակցութիւն ունեցաւ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի հետ։

  • Գերմանացի իրաւագէտներից բաղկացած մէկ խումբ այցելեց Ատրպատականի հայոց թեմ
    Գերմանացի իրաւագէտներից բաղկացած մէկ խումբ այցելեց Ատրպատականի հայոց թեմ

    Երկուշաբթի, 16 հոկտեմբեր 2017-ի առաւօտեան, գերմանացի իրաւագէտներից բաղկացած մէկ խումբ, գլխաւորութեամբ Հերբերտ Էնեսի, այցելեց Ատրպատականի ազգային առաջնորդարան եւ «Էմիլ Յակոբեան» դահլիճում ընդունւեց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի կողմից: Հանդիպմանը ներկայ գտնւեց նաեւ Թեմական խորհրդի ատենապետ՝ Ռուբիկ Ջանանեանը:

  • Հայ Մշակոյթի օրւայ առիթով գրքերի ցուցահանդէս Հ.Մ.Ա.Կ.-ի Թաւրիզի մասնաճիւղում
    Հայ Մշակոյթի օրւայ առիթով գրքերի ցուցահանդէս Հ.Մ.Ա.Կ.-ի Թաւրիզի մասնաճիւղում

    Ուրբաթ, 13 հոկտեմբեր 2017-ի երեկոյեան ժամը 7.30-ին, Հայ մշակութային «Արարատ» կազմակերպութեան Թաւրիզի մասնաճիւղի կենտրոնատեղիում, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, բացումը կատարւեց գրքերի ցուցահանդէսի, ներկայութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի, Ազգային իշխանութեան անդամների, Հ.Մ.Ա.Կ.-ի վարչութեան, Թաւրիզի Հայ համալսարանականների միութեան անդամների, թաւրիզահայ համայնքի մտաւորական աւագ եւ կրտսեր սերնդի անհատների:

  • Ֆրանսացի հայագէտ Բեռնար Ուտիէ Ատրպատականի հայոց թեմում
    Ֆրանսացի հայագէտ Բեռնար Ուտիէ Ատրպատականի հայոց թեմում

    Հինգշաբթի, 12 հոկտեմբեր 2017-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի հրաւէրով Թաւրիզ ժամանեց ֆրանսացի հայագէտ պրոֆ. Բեռնար Ուտիէ, հայկական ձեռագրերից յայտնաբերած իր նորագոյն նիւթի մասին բանախօսելու, 13 հոկտեմբերի առաւօտեան, Թաւրիզում կայանալիք Հայագիտական առաջին գիտաժողովի առաջին նիստի ընթացքում:

  • Պաշտօնական բացումը կատարւեց Թաւրիզի հայագիտական առաջին գիտաժողովին
    Պաշտօնական բացումը կատարւեց Թաւրիզի հայագիտական առաջին գիտաժողովին

    Ուրբաթ, 13 հոկտեմբեր 2017-ի առաւօտեան ժամը 10-ին, Ատրպատականի ազգային առաջնորդարանի «Համազասպ Ոսկանեան» սրահում պաշտօնական բացումը կատարւեց Թաւրիզի հայագիտական առաջին գիտաժողովին, հովանաւորութեամբ եւ նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի եւ կազմակերպութեամբ Թեմական խորհրդի: 

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։