Հա

Համայնք

12/10/2017 - 09:50

Թաւրիզում գնահատանքի արժանացան՝ Իրանի եկեղեցիների պահպանութեան հիմնարկի նւիրեալները

Երկուշաբթի, 9 հոկտեմբեր 2017-ի երեկոյեան ժամը 7.30-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, Թաւրիզում կայացած յատուկ գնահատման երեկոյի ընթացքին, նւիրւած Սբ. Թադէի վանքի ուխտագնացութիւնը կազմակերպած բոլոր մարմիններին եւ անհատներին, գնահատանքի արժանացան Իրանի եկեղեցիների պահպանութեան պետական հիմնարկի տնօրէն Շերլի Աւետեանը եւ նրա գործընկերներ՝ Կարէն Մկրտիչեանը եւ Ալէն Գրիգորեանը:

«alikonline.ir» - Երկուշաբթի, 9 հոկտեմբեր 2017-ի երեկոյեան ժամը 7.30-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, Թաւրիզում կայացած յատուկ գնահատման երեկոյի ընթացքին, նւիրւած Սբ. Թադէի վանքի ուխտագնացութիւնը կազմակերպած բոլոր մարմիններին եւ անհատներին, գնահատանքի արժանացան Իրանի եկեղեցիների պահպանութեան պետական հիմնարկի տնօրէն Շերլի Աւետեանը եւ նրա գործընկերներ՝ Կարէն Մկրտչեանը եւ Ալէն Գրիգորեանը: Տեղեկացնում է Ատրպատականի ազգային առաջնորդարանը:

Իր գնահատանքի խօսքում, առաջնորդ Սրբազանը վեր հանեց նւիրումի այն գիտակցութիւնը, որը սոյն հայորդիներին կապել էր մեր վանքերին եւ եկեղեցիներին. «Դուք պետական պաշտօնեաներ էք, ճիշտ է, սակայն բախտաւոր ենք որ դուք հայեր էք, որովհետեւ բոլորս էլ համահաւասար երկիւղածութեամբ սիրում ենք մեր վանքերն ու եկեղեցիները որոնք մեր իբրեւ մեր հաւատքի ամուր բերդեր, մեր պարծանքի փառքն ու պսակն են այս թեմում», ասաց Սրբազան Հայրը:

Առաջնորդ Սրբազանը իր գնահատանքը շօշափելիօրէն արտայայտեց նաեւ, Թեմական խորհրդի եւ իր անունից յատուկ յուշանւէրներ յանձնելով երեք պատւական հայորդիներին, որոնք յաճախակիօրէն լինում են մեր վանքերում եւ եկեղեցիներում, դրանց քրիստոնէական ճարտարապետութեան համահունչ եւ հայավայել վերանորոգութեանը հսկելու վեհ պարտաճանաչութեամբ:

Հինարկի տնօրէն Շերլի Աւետեան խօսք առնելով իր շնորհակալութիւնը յայտնեց Սրբազան Հօր եւ ազգային իշխանութեան սոյն հրաւէրի համար, իր եւ իր գործակիցների անունից խոստանալով կարելին ի գործ դնել, Ատրպատականի եւ համայն Իրանի մեր եկեղեցիների բարւօք պահպանումի համար:

Յարակից լուրեր

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

  • Միջինքի աւանդական հաւաքոյթը Թաւրիզում Եկեղեցիների Խնամակալ մարմնի կազմակերպութեամբ
    Միջինքի աւանդական հաւաքոյթը Թաւրիզում Եկեղեցիների Խնամակալ մարմնի կազմակերպութեամբ

    Հինգաբթի, 11 ապրիլ 2019 թ.-ին, երեկոյեան ժամը 8:30-ին, կազմակերպութեամբ Թաւրիզի եկեղեցիների Կանանց Խնամակալ մարմնի, տեղի ունեցաւ Միջինքի աւանդական հաւաքոյթը, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի եւ Թեմական խորհրդի:

  • Հ.Օ.Մ.-ի Թաւրիզի «Տաթեւ» պարախումբը տարեկան գեղեցիկ ելոյթով տօնեց իր հնգամեակը
    Հ.Օ.Մ.-ի Թաւրիզի «Տաթեւ» պարախումբը տարեկան գեղեցիկ ելոյթով տօնեց իր հնգամեակը

    «Տաթեւ»-ը արդէն տօնում է իր հիմնադրութեան հնգամեակը, բարձր հովանաւորութեամբ Ատրպատականի Հայոց թեմի առաջնորդ գերշ. Տ. Գրիգոր Ս. եպս. Չիֆթճեանի եւ Թեմական խորհրդի եւ կազմակերպութեամբ Հ.Օ.Մ.-ի Թաւրիզի մասնաճիւղի վարչութեան, գեղարւեստական ղեկավարութեամբ Կարինէ Մանուչերեանի: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։