Հա

Համայնք

12/10/2017 - 10:00

Թաւրիզահայ Վահիկ Բենոյեան պարգեւատրւեց Սբ. Թադէի վանքին մատուցած ծառայութեանց համար

Երկուշաբթի, 9 հոկտեմբեր 2017-ի երեկոյեան ժամը 7.30-ին, Սբ. Թադէի վանքի ուխտագնացութեան աշխատանքներին մասնակցած կառոյցների եւ կամաւորների գնահատման երեկոյի շրջագծից ներս, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան յատուկ գնահատանքի գիրով պարգեւատրեց Վանքերի ուխտագնացութեան յանձնախմբի նախկին անդամներից Վահիկ Բենոյեանին: 

«alikonline.ir» - Երկուշաբթի, 9 հոկտեմբեր 2017-ի երեկոյեան ժամը 7.30-ին, Սբ. Թադէի վանքի ուխտագնացութեան աշխատանքներին մասնակցած կառոյցների եւ կամաւորների գնահատման երեկոյի շրջագծից ներս, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան յատուկ գնահատանքի գիրով պարգեւատրեց Վանքերի ուխտագնացութեան յանձնախմբի նախկին անդամներից Վահիկ Բենոյեանին: Տեղեկացնում է Ատրպատականի ազգային առաջնորդարանը:

Թաւրիզահայ Վահիկ Բենոյեանը երկար տարիներից ի վեր դժբախտաբար չի կարողանում մասնակցել ուխտագնացութեան նախապատրաստական աշխատանքներին, կորցրած լինելով իր տեսողութիւնը: Սակայն, նա կարօտով յիշում է այն օրերը, երբ իր նւիրեալ գործակիցների հետ վերանորոգում էին ուխտաւորների վրանները, կիզակցելով ձողերը եւ յարադրելով կտաւները:

Վահիկ Բենոյեանը մինչ իր կնոջ՝ Անահիտի եւ դստեր Փօլէթի օժանդակութեամբ յառաջանում էր դէպի բեմահարթակ ներկաների յուզախառն հայեացքի ներքոյ, առաջնորդ Սրբազանը վեր հանեց նրա կամաւոր ծառայութեան բարձր արժէքը, թէկուզ մի քանի տարիների ընթացքում, երբ նա ոչինչ չխնայեց ուխտագնացութեան համար իր կարողութիւնից:

Այնուհետեւ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը ընթերցեց առաջնորդ Սրբազան Հօր գնահատանքի գիրը, որը Սրբազան Հօր ձեռամբ յանձնւեց Վահիկ Բենոյեանի: Ներկաների որոտընդոստ ծափահարութիւնները վկայ էին բոլոր ներկաների համամտութեան, իր կարելիութեան սահմանների մէջ անցեալում վանքի ուխտագնացութեան նպաստած Վահիկ Բենոյեանին ընծայւած այս արժանի յարգանքին համար:

Յարակից լուրեր

  • «Վանի արծաթը»` Թաւրիզում
    «Վանի արծաթը»` Թաւրիզում

    Թաւրիզի հայկական թաղամասի Պարոն Աւագ փողոցը հատւում է կենտրոնական Շարիաթի փողոցին, որով զբօսնելիս միանգամից աչք է ծակում «Van Silver» անունը կրող փոքրիկ խանութը: Բացի անւանումից, այն առաւել լուսարձակ է ցուցափեղկերին շողշողացող արծաթեայ իրերի հաշւին, քան հարեւան տաղաւարներն են:

  • Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը
    Թաւրիզի ուրբաթօրեայ աղօթապետը, նահանգապետը եւ առաջնորդ Սրբազանը հայ նահատակի տանը

    Կիրակի 6 յունւար 2019-ի երեկոյեան ժամը 8-ին, Թաւրիզի ուրբաթօրեայ աղօթապետ եւ Իրանի Իսլամական Յեղափոխութեան այժմու հոգեւոր առաջնորդի ներկայացուցիչ՝ այաթ. Ալէ Հաշեմ, ընկերակցութեամբ Արեւելեան Ատրպատականի նահանգապետ Փուրմոհամմեդիի, Նահատակների յատուկ պետական հիմնարկութեան ընդհ. տնօրէնի, Փոքրամասնութեանց գրասենեակի պատախանատուի եւ թղթակիցների, այցելեց հայ նահատակներ՝ Կայծակ Դաւթեանի եւ Գառնիկ Փիլիպոսեանի բնակարանը:

  • Նոր տարւայ անդրանիկ ս. պատարագ մատուցւեց Ատրպատականի հայոց թեմում
    Նոր տարւայ անդրանիկ ս. պատարագ մատուցւեց Ատրպատականի հայոց թեմում

    Ատրպատականի հայոց թեմում՝ ապրող մեր ժողովրդի զաւակները, երկուշաբթի, 31 դեկտեմբեր 2018-ի գիշերւայ ժամը տասներկուսին նոր տարին դիմաւորելուց յետոյ, երեքշաբթի 1 յունւար 2019-ին շտապեցին հայոց եկեղեցիները, Թաւրիզում եւ Ուրմիայում, աղօթքով ու սուրբ պատարագի մասնակցութեամբ սկսելու իրենց տարին:

  • Թաւրիզի ուրբաթօրեայ աղօթապետի Սբ. Ծննդեան շնորհաւորանքը
    Թաւրիզի ուրբաթօրեայ աղօթապետի Սբ. Ծննդեան շնորհաւորանքը

    Ուրբաթ, 28 դեկտեմբեր 2018-ին, Թաւրիզի գլխաւոր մզկիթում, որը գտնւում է Ազգային առաջնորդարանի հարեւանութեամբ, իր արտասանած ճառի ընթացքում, Թաւրիզի ուրբաթօրեայ աղօթապետ եւ Իրանի հոգեւոր առաջնորդ՝ այաթ. Խամենէի ներկայացուցիչ՝ այաթ. Ալէ Հաշէմ, շնորհաւորական խօսքով հանդէս եկաւ, ողջունելով բոլոր փոքրամասնութիւններին: 

  • Հ.Օ.Մ.-ի «Ծերունի Գասպարեան» մանկապարտէզ-նախակրթարանի Ամանորի ծրագիրը՝ Թաւրիզում
    Հ.Օ.Մ.-ի «Ծերունի Գասպարեան» մանկապարտէզ-նախակրթարանի Ամանորի ծրագիրը՝ Թաւրիզում

    Շաբաթ, 22 դեկտեմբեր 2018-ի երեկոյեան ժամը 7:30-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, Ազգային առաջնորդարանի «Համազասպ Ոսկանեան» սրահում տեղի ունեցաւ «Ծերունի Գասպարեան» մանկապարտէզ-նախակրթարանի ամանորի մանկական հանդէսը, տօնական ճոխ մթնոլորտով, առ ի նախապատրաստութիւն Նոր 2019 տարւայ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։