Հա

Համայնք

Երկուշաբթի, 16 Հոկտեմբերի 2017 09:20

Հայ Մշակոյթի օրւայ առիթով գրքերի ցուցահանդէս Հ.Մ.Ա.Կ.-ի Թաւրիզի մասնաճիւղում

Ուրբաթ, 13 հոկտեմբեր 2017-ի երեկոյեան ժամը 7.30-ին, Հայ մշակութային «Արարատ» կազմակերպութեան Թաւրիզի մասնաճիւղի կենտրոնատեղիում, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, բացումը կատարւեց գրքերի ցուցահանդէսի, ներկայութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի, Ազգային իշխանութեան անդամների, Հ.Մ.Ա.Կ.-ի վարչութեան, Թաւրիզի Հայ համալսարանականների միութեան անդամների, թաւրիզահայ համայնքի մտաւորական աւագ եւ կրտսեր սերնդի անհատների:

«alikonline.ir» - Ուրբաթ, 13 հոկտեմբեր 2017-ի երեկոյեան ժամը 7.30-ին, Հայ մշակութային «Արարատ» կազմակերպութեան Թաւրիզի մասնաճիւղի կենտրոնատեղիում, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի, բացումը կատարւեց գրքերի ցուցահանդէսի, ներկայութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի, Ազգային իշխանութեան անդամների, Հ.Մ.Ա.Կ.-ի վարչութեան, Թաւրիզի Հայ համալսարանականների միութեան անդամների, թաւրիզահայ համայնքի մտաւորական աւագ եւ կրտսեր սերնդի անհատների: Տեղեկացնում է Ատրպատականի ազգային առաջնորդարանը:

Ցուցադրասեղանների վրայ զետեղեւել էին հին եւ նոր բազմաթիւ հրատարակութիւններ, նիւթերի խմբաւորման ենթարկւած. պատմութիւն, աշխարհագրութիւն, գրականութիւն, մանկական գրականութիւն, բառարաններ եւ պարսկերէն հրատարակութիւններ:

Բացման խօսքը Հ.Մ.Ա.Կ.-ի մշակութային յանձնախմբի անունից կատարեց Կարէն Սարգիսեանը, շեշտելով «Արարատ» մարզամշակութային միութեան առաքելութիւններից մէկը՝ հայ նոր սերնդի հոգում հայ մշակոյթի սէրը վառ պահելու աշխատանքը: Ապա, գեղարւեստական յայտագրով, Անայիս Խալաֆեանը ապրումով ասմունքեց Պարոյր Սեւակից Սբ. Մաշտոցի եւ մայրենի մեր լեզւին նւիրւած բանաստեղծութիւն:

Առաջնորդ Սրբազանը իր պատգամը տւեց, շնորհաւորելով բոլորին հայ մշակոյթի օրւայ համար: Նա կարեւորութեամբ շեշտեց լեզւի հանդէպ բծախնդրութիւնը եւ օտարամուտ բառերից այն մաքրելու հրամայականը: Սրբազանը իր գնահատանքը յայտնեց Հ.Մ.Ա.Կ.-ի վարչութեան եւ յատկապէս մշակութային յանձնախմբին, «Հայ մշակոյթի օր»ւայ ձեռնարկները գրքերի ցուցահանդէսով սկսելու գեղեցիկ մտածումին համար:

Օրւայ վիճակախաղի համար նկատի էր առնւել առաջնորդ Սրբազան Հօր նոր հրատարակած «Ուղեւորութիւն Ատրպատականի հայոց թեմում հայկական յուշարձանների հետքերով» հատորը, որը բախտաւորը հանդիսացաւ Ռեբեկա Սարգիսեանը:

Ապա տեղի ունեցաւ հիւրասիրութիւն վարչութեան կողմից, որին մասնակից դարձան Թաւրիզում Հայագիտական առաջին գիտաժողովին համար Ատրպատականի թեմ ժամանած օտար հայագէտները:

Յարակից Հրապարակումներ

  • Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով
    Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով

    Կիրակի, 18 փետրւար 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, թեմի ազգային իշխանութեան եւ ժողովրդի անունից ցաւակցագիր յղեց Իրանի Իսլամական հանրապետութեան Յեղափոխութեան հոգեւոր առաջնորդ այաթ. Խամենէյի, նախագահ Ռոհանիի եւ պետական աւագանուն, նոյն օր առաւօտեան, Թեհրանից դէպի Եասուջ ուղղւող ճամբորդատար օդանաւի ջախջախման տխուր առիթով:

  • Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում
    Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում

     

    Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: 

    Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը:

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • Բարեկենդանի շքեղ տօնակատարութիւն՝ «Արարատ»-ի Թաւրիզի մասնաճիւղի կազմակերպութեամբ
    Բարեկենդանի շքեղ տօնակատարութիւն՝ «Արարատ»-ի Թաւրիզի մասնաճիւղի կազմակերպութեամբ

    Բուն Բարեկենդանի ուրախ տօնի առիթով, Հ.Մ.Ա.Կ.-ի Թաւրիզի մասնաճիւղը կազմակերպեց յատուկ խրախճանք, որը տեղի ունեցաւ հինգշաբթի 8 փետրւար 2018-ի երեկոյեան ժամը 8:30-ին Ազգային առաջնորդարանի «Համազասպ Ոսկեանեան» սրահում: 

  • Սրբոց Վարդանանց տօնը Ատրպատականի հայոց թեմում
    Սրբոց Վարդանանց տօնը Ատրպատականի հայոց թեմում

    Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

    Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։