Հա

Համայնք

Չորեքշաբթի, 01 Նոյեմբերի 2017 11:50

Բարերար տէր եւ տիկին Զարեհ եւ Լիդա Յակոբեանները պարգեւատրւեցին Ատրպատականի հայոց թեմում

Երկուշաբթի, 30 հոկտեմբեր 2017-ի կէսօրին տէր եւ տիկին Զարեհ եւ Լիդա Յակոբեանները Քուվէյթից ժամանեցին Թաւրիզ, եւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի հիւրը եղան ազգային առաջնորդարանում:

«alikonline.ir» - Երկուշաբթի, 30 հոկտեմբեր 2017-ի կէսօրին տէր եւ տիկին Զարեհ եւ Լիդա Յակոբեանները Քուվէյթից ժամանեցին Թաւրիզ, եւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի հիւրը եղան ազգային առաջնորդարանում: Տեղեկացնում է Ատրպատականի ազգային առաջնորդարանը:

Յայտնենք, որ առաջնորդ Սրբազանի ընտրութիւնից ի վեր, Յակոբեան ամոլը բազմապիսի բարերարութիւններով իր օժանդակութիւնն է բերել ազգային առաջնորդարանի բարեզարդման եւ ապահովական էական սարքերի հաստատման գործում: Ատրպատականի թեմի Նախիջեւան-Թափա գիւղի (Ուրմիոյ շրջան) իրենց նախնիների արմատները երբեք չմոռանալով, եւ մինչեւ այսօր այնտեղ պապենական տան օջախը վառ պահելով, Յակոբեան ընտանիքը միշտ կապւած է մնում Ատրպատականի հայոց թեմին, ի պահանջել հարկին սատար հանդիսանալով թեմի ծրագրերի իրագործմանը:

Առաջնորդ Սրբազանը ողջունելով բարերար թանկագին զոյգին, իր բարձր գնահատանքը յայտնեց նրանց նւիրաբերման ոգու համար, ինչպէս նաեւ պատրաստակամութեան՝ թեմում նոր ծրագրերի հովանաւորութեան: Յայտնենք, թէ բարերար Յակոբեան ընտանիքը սիրայօժար նւիրաբերել էր ազգային առաջնորդարանի շրջափակի երկրորդ ինքնագործ հսկայ դարպասը, ի յիշատակ իրենց հանգուցեալ ծնողաց՝ Հրայր եւ Վարդուհի Յակոբեանների, հայկական խորհրդանիշների մետաղեայ նախշերով իրագործւած, ինչպէս նաեւ ամբողջ տարածքի ապահովման համար մէկ երկվեցեակ տեսախցիկների սարքեր: Յօրինակ այլոց պիտի արձանագրել, որ Հայաստանի Համահայկական խաղերին Ատրպատականի մարզիկների ճամբորդական ծախսերին եւս ինքնաբուխ եւ լուռ նւիրատւութեամբ մասնակցել էր Յակոբեան ընտանիքը:

Բարերար զոյգի Թաւրիզ այցի առիթով, ազգային առաջնորդարանի «Էմիլ Յակոբեան» դահլիճում, առաջնորդ Սրբազանը պարգեւատրեց տէր եւ տիկին Զարեհ եւ Լիդա Յակոբեաններին, յատուկ Գնահատանաց Գիրով, որտեղ դրւատիքով յիշւում է նրանց բարերար ոգու երկնատուր շնորհքը:

Մեր երիտասարդութեան դէպի ազգ եւ եկեղեցի ուղղւած նախանձախնդրութեան եւ մեր համայնական կեանքի հանդէպ հետաքրքրութեան օրինակ է սոյն երիտասարդ զոյգի նախանձելի պատրաստակամութիւնը:

Յարակից Հրապարակումներ

  • Դաշնակցական գործիչներն արժանացել են պետական բարձր պարգեւների
    Դաշնակցական գործիչներն արժանացել են պետական բարձր պարգեւների

    Արցախի ազգային-ազատագրական շարժման 30-րդ տարեդարձի կապակցութեամբ եւ Արցախի Հանրապետութեանը մատուցած ծառայութիւնների համար նախագահ Բակօ Սահակեանի փետրւարի 16-ի հրամանագրով ԱՀ Աժ փոխնախագահ, ՀՅԴ Արցախի ԿԿ անդամ Վահրամ Բալայեանը եւ ԱՀ մշակոյթի, երիտասարդութեան հարցերի եւ զբօսաշրջութեան նախարար Սերգէյ Շահվերդեանը պարգեւատրւել են «Մեսրոպ Մաշտոց» շքանշանով, իսկ ԱՀ ԱԺ «Դաշնակցութիւն» խմբակցութեան անդամ, ՀՅԴ Արցախի կառոյցի ներկայացուցիչ Դաւիթ Իշխանեանը «Մխիթար Գօշ» մեդալով: 

  • Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով
    Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով

    Կիրակի, 18 փետրւար 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, թեմի ազգային իշխանութեան եւ ժողովրդի անունից ցաւակցագիր յղեց Իրանի Իսլամական հանրապետութեան Յեղափոխութեան հոգեւոր առաջնորդ այաթ. Խամենէյի, նախագահ Ռոհանիի եւ պետական աւագանուն, նոյն օր առաւօտեան, Թեհրանից դէպի Եասուջ ուղղւող ճամբորդատար օդանաւի ջախջախման տխուր առիթով:

  • Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում
    Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում

     

    Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: 

    Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը:

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում
    ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում

    Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։