Հա

Համայնք

Երկուշաբթի, 06 Նոյեմբերի 2017 11:00

Ատրպատականի հայոց թեմի առաջնորդը ուրմիահայ ժողովրդի հետ

Կիրակի, 5 նոյեմբեր 2017-ին, Ուրմիոյ ծխական Սբ. Ստեփանոս եկեղեցում մատուցւած սբ. եւ անմահ պատարագին հանդիսապետեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը եւ յընթացս պատարագի «Հայր Մեր»-ից առաջ տւեց իր պատգամը: 

«alikonline.ir» - Կիրակի, 5 նոյեմբեր 2017-ին, Ուրմիոյ ծխական Սբ. Ստեփանոս եկեղեցում մատուցւած սբ. եւ անմահ պատարագին հանդիսապետեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը եւ յընթացս պատարագի «Հայր Մեր»-ից առաջ տւեց իր պատգամը: Տեղեկացնում է Ատրպատականի ազգային առաջնորդարանը:

Ուրմիոյ տարբեր թաղամասերից, բարեպաշտ եւ հաւատաւոր հայորդիներ, հակառակ աշխատանքային օր լինելուն, հաւաքւել էին Աստծու Տան մէջ, իրենց աղօթքը բարձրացնելու առ Աստւած եւ լսելու առաջնորդ Սրբազան Հօր քարոզը:

Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը բարի գալստեան խօսք ուղղեց Սրբազան Հօր, մաղթելով որ արդիւնաբեր ծառայութիւնը կը շարունակի նա Ատրպատականի հայոց թեմում, հոգեւոր արթնութեան առիթ հանդիսանալով այս տարածաշրջանում ապրող հայութեան:

Սբ. պատարագի երգեցողութիւնը կատարւեց եկեղեցու «Նարեկացի» երգչախմբի կողմից, ղեկավարութեամբ Օֆելիա Սայադեանի, իսկ խորանին սպասարկեց՝ Թադէ դպիր Էլիասզադէն:

Սրբազան Հայրը օրւայ Աւետարանի հատւածի երեք պարբերութիւնները մեկնաբանելով, Յիսուսի խօսքի այժմէականութիւնը բացատրեց, որ ասում է. «Ոչինչ չկայ որ ծածուկ մնայ եւ ի յայտ չգայ»: Մեր առօրեայ կեանքում տեղի ունեցող բոլոր դէպքերի եւ խօսակցութիւնների տեսնող ու լսող աչքն ու ականջը՝ Աստւած է, ասաց նա, մանաւանդ շեշտելով որ նոյնիսկ եթէ մարդկանց դատաստանից փախնենք, մի օր անպայման Աստծու դատաստանի առջեւ ենք կանգնելու մեր մահւանից յետոյ: Նոյն օր ընթերցւած Աւետարանի հատւածի երկրորդ մտածումը «Ոչ ոք ճրագը վառելով կաթսայի տակ չի՛ դնի» Յիսուսի խօսքը բացատրելով, նա ասաց, թէ մեր քրիստոնէութեան լոյսն է այն, որը մեր Փրկչից ենք ստացել Սուրբ Հոգու շնորհքով, եւ այն լոյսը՝ մեր հաւատքը, մեր վարքով ու կենցաղով պէտք է լուսաւորի ուրիշների կեանքը, ուղեցոյց լինելով կորւած հոգիների, որոնք դեռեւս մթութեան մէջ խարխափում են իրենց ճանապարհը: Եւ վերջապէս, նոյն հատւածի երրորդ մտածումը՝ «Իմ մայրս ու եղբայրներս նրանք են, որոնք Աստծու խօսքը լսում են եւ գործադրում», բացատրելով, Սրբազան հայրը ասաց որ լսելուն եւ գործադրելուն մէջ շատ մե՜ծ տարբերութիւն կայ: Ոմանք միայն լսում են, սակայն իրենց ուզածն են գործադրում, կարծելով թէ Աստծու ուզածն են կատարում: Հաւաքական կեանքի մէջ եւս նոյն մարդկային թերութիւնը մատնանշեց Սրբազանը, ասելով որ մեր անձնական շահերից գերիվեր պէտք է դասենք մեր ազգի, եկեղեցու եւ մեր հաւաքական կեանքի շահը:

Յայտնենք, որ ս. պատարագից անմիջապէս յետոյ, առաջնորդ Սրբազանը եկեղեցու Խնամակալ մարմնի հետ հանդիպում ունեցաւ, լսելով նրանց առաջարկները եկեղեցու բարեզարդման ի խնդիր: Խնամակալ մարմնի կառոյցում գործող ծառայասէր մի խումբ կանայք իրենց յառաջիկայ գործունէութեան ծրագիրը ներկայացրին Սրբազան Հօր, ինչպէս նաեւ լսեցին նրա հայրական թելադրութիւնները, առաւել եւս պայծառացնելու համար եկեղեցու երգեցողութիւնը: Սրբազանը այս առիթով բարձր գնահատեց Խնամակալ մարմնի աշխատանքը, յատկապէս ասելով. «Իւրաքանչիւր թեմի, որը ինքնին հոգեւոր ու վարչական կառոյց է, կենտրոնում է գտնւում եկեղեցին, որի շուրջը համախմբւում ենք իբրեւ այս ազգի զաւակները: Եկեղեցի ասելով միայն գրասենեակ եւ յարակից շէնքերը չենք հասկանում, այլ ամէն բանից առաջ՝ աստւածապաշտական արարողութիւն է նշանակում եկեղեցին, դրա հոգեթով երգեցողութեամբ եւ աղօթական մթնոլորտով: Ինչքան կանոնաւոր երգեցողութեամբ օժտւած, մաքուր, բարեկարգ եւ պայծառ լինի մեր եկեղեցին, այնքան աւելի հարազատ տունը կը լինի այնտեղ համախմբւող բարեպաշտ ժողովրդի»-, ասաց նա, մի քանի ծրագրեր եւս ներկայացնելով անդամներին, որոնք յառաջիկային գործադրւելու են, Խնամակալ մարմնի ծառայութեան ազդեցութիւնը հզօրացնելու համար:

Նոյն օրը կէսօրին, առաջնորդ Սրբազանը ճաշի հիւրը եղաւ Ազգային Բարերար՝ Էդիկ եւ Սանդրա Մեջլումեանների:

 

Յարակից Հրապարակումներ

  • Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով
    Ատրպատականի հայոց թեմի առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով

    Կիրակի, 18 փետրւար 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, թեմի ազգային իշխանութեան եւ ժողովրդի անունից ցաւակցագիր յղեց Իրանի Իսլամական հանրապետութեան Յեղափոխութեան հոգեւոր առաջնորդ այաթ. Խամենէյի, նախագահ Ռոհանիի եւ պետական աւագանուն, նոյն օր առաւօտեան, Թեհրանից դէպի Եասուջ ուղղւող ճամբորդատար օդանաւի ջախջախման տխուր առիթով:

  • Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում
    Սկիզբ Մեծի պահոց Ատրպատականի հայոց թեմում եւ խնամակալ մարմնի հանդիպում՝ Թաւրիզում

     

    Բուն Բարեկենդանի կիրակիով, մեր եկեղեցու կանոնակարգի համաձայն, Ատրպատականի հայոց թեմի եկեղեցիներում էլ, Թաւրիզում եւ Ուրմիայում, սկիզբը նշւեց Մեծի պահոց քառասնօրեակի հոգեւոր ճանապարհորդութեան: 

    Կիրակի, 18 փետրւար 2018-ին, Լիլաւայի հայաշատ թաղամասի Սբ. Սարգիս եկեղեցում, յընթացս սուրբ պատարագի քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը:

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում
    ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում

    Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: 

  • Սրբոց Վարդանանց տօնը Ատրպատականի հայոց թեմում
    Սրբոց Վարդանանց տօնը Ատրպատականի հայոց թեմում

    Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

    Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։