Հա

Համայնք

25/11/2017 - 10:20

Նոր գրքերի ցուցահանդէս Թաւրիզի հայոց ազգային դպրոցում

Տարեկան աւանդութեան վերածւած Նոր գրքերի ցուցահանդէսը Թաւրիզի հայոց ազգային «Թամարեան, Հայկազեան, Սահակեան» դպրոցում, այս տարի կայացաւ չորեքշաբթի, 22 նոյեմբեր 2017-ի առաւօտեան ժամը 10.30-ին, դպրոցի գրադարանում:

«alikonline.ir» - Տարեկան աւանդութեան վերածւած Նոր գրքերի ցուցահանդէսը Թաւրիզի հայոց ազգային «Թամարեան, Հայկազեան, Սահակեան» դպրոցում, այս տարի կայացաւ չորեքշաբթի, 22 նոյեմբեր 2017-ի առաւօտեան ժամը 10.30-ին, դպրոցի գրադարանում: Տեղեկացնում է Ատրպատականի ազգային առաջնորդարանը:

Ցուցահանդէսին ներկայ գտնւեց եւ պաշտօնական բացումը կատարեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ընկերակցութեամբ Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանի եւ Թեմական խորհրդի ատենադպիր՝ Գագիկ Ջորջեանի: Հիւրերը դպրոցում դիմաւորւեցին տեսչուհի Արմինէ Վահրամեանի եւ ուսուցչակազմի կողմից եւ առաջնորդւեցին բարեկարգւած գրադարանը, որտեղ կամաւոր ծառայութեամբ գրքերի վերադասաւորման եւ վերստին համարակալման աշխատանքով էին զբաղւած գրադարանի յանձնախմբի անդամները՝ Վահագն Տէր-Պետրոսեանը, Շաքէ Ջանանեանը եւ Միշիկ Բուդաղեանը:

Տեսչուհի Արմինէ Վահրամեանը բացատրութիւն տալով Իրանի կրթական նախարարութեան կողմից հրատարակւած տասնեակներով նոր գրքերի լոյս ընծայման մասին, ասաց թէ յիշեալ նախարարութիւնը «տարեկան յիսուն հազար գիրք, յիսուն հազար ցուցահանդէսի համար» նշանաբանով ամէն տարի իրականացնում է սոյն աշխատանքը, աշակերտների ձեռքերում դնելով մանկավարժական մօտեցումով պատրաստւած գրքեր, նրանց ընդհանուր զարգացման համար:

Առաջնորդ Սրբազանը իր ընկերակիցների հետ թերթատելով նոր հրատարակութիւնները, իր գնահատանքը յայտնեց տեսչութեան, որ հետամուտ է ամէն տարի գնել հրատարակւած գրքերից մէկ ընտրանի, յատկապէս հայ աշակերտներին հետաքրքրող բովանդակութիւնները առանձնացնելով դրանց միջից, որպէսզի պետութեան ընձեռած լայն զարգացումի այս բացառիկ պատեհութիւնից չզրկւի հայ աշակերտը:

Ցուցահանդէսին ներկայ ծնողական խորհրդի անդամները եւս մօտից ուսումնասիրեցին ցուցադրւած գրքերը, կանխաւ իրենց երեխաների, եւ ինչու չէ նաեւ իրենց համար ընտրելով յառաջիկայ ընթերցանութեան նիւթեր:

Յարակից լուրեր

  • Ապրիլեան Սրբացեալ Նահատակաց տօնը Ատրպատականի հայոց թեմում
    Ապրիլեան Սրբացեալ Նահատակաց տօնը Ատրպատականի հայոց թեմում

    Չորեքշաբթի 24 Ապրիլ 2019-ին, Ապրիլեան մեր Նահատակների սրբատօնը յատուկ ձեւով կատարւեց Ատրպատականի հայոց թեմում, մասնակցութեամբ իր ազգային դատի գիտակից հաորդիների, Նահատակների յիշատակի առջեւ խոնարհումով:

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։