Հա

Համայնք

02/12/2017 - 09:25

Թաւրիզի Ուրբաթօրեայ աղօթապետի շնորհակալական գիրը՝ Ատրպատականի հայոց առաջնորդին

Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եւ ազգային իշխանութիւնը, տեղական պայմանների եւ միջավայրի թելադրած պահանջների համապատասխան քայլերով իր յարաբերութիւնները միշտ նորովի մշակում է Իրանի Իսլամական Հանրապետութեան պետական կառոյցների հետ, հիւսիսային Իրանում մեր ժողովրդի զաւակների նկատմամբ ապահովելով արժանի յարգանք եւ գուրգուրանք:

«alikonline.ir» - Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան եւ ազգային իշխանութիւնը, տեղական պայմանների եւ միջավայրի թելադրած պահանջների համապատասխան քայլերով իր յարաբերութիւնները միշտ նորովի մշակում է Իրանի Իսլամական Հանրապետութեան պետական կառոյցների հետ, հիւսիսային Իրանում մեր ժողովրդի զաւակների նկատմամբ ապահովելով արժանի յարգանք եւ գուրգուրանք: Տեղեկացնում է Ատրպատականի ազգային առաջնորդարանը:

Տեղական պատկան կառոյցներից՝ Ուրբաթօրեայ աղօթապետի հետ սիրալիր փոխյարաբերութիւնների ծիրից ներս, անձնական հանդիպումից բացի փոխանակւած պաշտօնագրերով, առաջնորդ Սրբազանը եւ ազգային իշխանութիւնը շարունակում են զարգացնել իրենց կապերը, միշտ նկատի ունենալով հայ համայնքի ընդհանրական շահերը:

Թաւրիզի Ուրբաթօրեայ աղօթապետ Ալէ Հաշեմ, շնորհակալական յատուկ գիրով իր երախտագիտութիւնն է յայտնել Սրբազան Հօր եւ Թեմական խորհրդին, Իրանցի ժողովրդի կողքին կանգնելու գնահատանքով, յատկապէս Քերմանշահի աղէտալի երկրաշարժի առիթով. «Միաստւածեան կրօնների բարի անձանց կարեկցութիւնն ու մարդասիրութիւնն է եղել երկրաշարժի աղէտեալներին մխիթարողն ու աջակցողը։ Իմ յարգելի եղբայր, շնորհակալութիւն յայտնելով Ձեր հոգատարութեան եւ բարեսիրութեան համար, յաջողութիւն եմ ցանկանում Ձեզ աստւածային բարութեան շւաքի տակ եւ Այաթոլլահ Խամէնէիի առաջնորդութեամբ», յատկապէս շեշտւում է աղօթապետի նամակում։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։