Հա

Համայնք

24/12/2017 - 10:30

Վարդան Վահրամեանի դասախօսութիւնը Թաւրիզի «Հոնարէ Էսլամի» համալսարանում

«Հետազօտութեան շաբաթ»-ւայ առիթով, կիրակի 10 դեկտեմբեր 2017-ին, «Հոնարէ Էսլամի» համալսարանի կիռարական արւեստի ամբիոնը հիւրընկալեց արդիական նկարչութեան եւ գերիրապաշտ ոճում Թաւրիզեցի մասնագէտ՝ արւեստագէտ Վարդան Վահրամեանին, Թաւրիզի «Հոնարէ Էսլամի» Ալղադիր դահլիճում՝ Հաքիմ Նեզամի հրապարակում, Ս. Շողակաթ եկեղեցուն կից։

«alikonline.ir» - «Հետազօտութեան շաբաթ»-ւայ առիթով, կիրակի 10 դեկտեմբեր 2017-ին, «Հոնարէ Էսլամի» համալսարանի կիռարական արւեստի ամբիոնը հիւրընկալեց արդիական նկարչութեան եւ գերիրապաշտ ոճում Թաւրիզեցի մասնագէտ՝ արւեստագէտ Վարդան Վահրամեանին, Թաւրիզի «Հոնարէ Էսլամի» Ալղադիր դահլիճում՝ Հաքիմ Նեզամի հրապարակում, Ս. Շողակաթ եկեղեցուն կից։ Տեղեկացնում է Ատրպատականի ազգային առաջնորդարանը:

Սոյն ծրագրի ընթացքում որը կազմակերպւած էր Թաւրիզի «Հոնարէ Էսլամի» եւ պետական համալսարանների դասատուների եւ ուսանողների համար՝ գերիրապաշտ ոճի եւ Իրանեան գերիրապաշտ նկարչութեան նիւթի շուրջ, արւեստագէտ Վահրամեանը դասախօսեց Թաւրիզում իր 36 ստեղծագործութիւնների իմաստի, ոճի եւ հնարքների մասին, պատասխանելով դասատուների եւ ուսանողների հարցերին։

Ծրագրի սկզբում, դոկտ. Բահրամ Աճուրլուն՝ «Հոնարէ Էսլամի»-ի հնագիտութեան եւ արւեստի պատմութեան դասատու, ներկայացրեց արւեստագէտ Վահրամեանի կենսագրութիւնն եւ ունեցած աշխատանքային փայլուն վկայագիրը եւ իր ունեցած տեղը Իրանի արդիական արւեստում մանաւանդ Թաւրիզի գեղարւեստական շրջանակներում, ապա դոկտ. Վահիդ Ասկարփուրը՝ հնագիտութեան դասատու եւ արդիական արւեստի քննադատ, արտայայտւեց գերիրապաշտութեան իմաստի, ոճի եւ պատգամի մասին։

Վարդան Վահրամեանը, դոկտ. Ասկարփուրի խօսքերից յետոյ անդրադարձաւ թէ ինչ մտքեր են արձագանգւել իր գերիրապաշտական ստեղծագործութիւնների մէջ, նաեւ արտայայտւեց այն գործօնների մասին որոնք մեծ ազդեցութիւն են ունեցել իր ստեղծագործութիւնների վրայ։

Բահրամ Աճուրլուն արւեստագէտ Վարդան Վահրամեանի անհատական, մշակութային եւ հասարակական կողմերը գեղարւեստական մարդաբանութեան, գեղարւեստական հասարակագիտութեան եւ գեղարւեստական հոգեբանութեան տեսակէտներից ներկայացնելու համար, շեշտը դրեց նրա հայ եւ քրիստոնեայ լինելուն, մարդ արարածի վշտի արտացոլման, հայ մշակոյթին, քրիստոնէական հաւատքին եւ մարդկային անմեղութեան կորստին արդիականացման յարձակման պատճառով եւ շեշտեց թէկուզ արւեստագէտ Վարդան Վահրամեանը քրիստոնեայ հայ է, բայց հաւատարիմ է մնացել Թաւրիզին եւ հակառակ ունեցած արտագաղթի առիթներին, գնահատելի է որ նա ամենայն համբերութեամբ տանելով բոլոր դժւարութիւնները չի լքել Թաւրիզը։ Աճուրլուն ասելով որ եթէ Վահրամեանը գաղթէր արտասահման անշուշտ շատ բարձր կը գնահատւէր, իր յուզմունքը յայտնեց որ հակառակ Վահրամեանի եւ նրա արւեստասէր եւ մշակոյթի զարգացման նպաստող ընտանիքի արժէքաւոր մշակութային եւ գեղարւեստական ծառայութիւնների, մանաւանդ իր հօր եւ մօր՝ հանգուցեալ Գրիգոր Վահրամեանի, որը Նախիջեւանի գաղթականներից էր եւ Մարուսիա Վահրամեանի որ իր ամուսնու հետ Թաւրիզի Միրաք արւեստի ուսումնարանի դասատուներ էին, այսօր Վահրամեանը Իրանի սահմաններից դուրս եւ Հայաստանում աւելի ճանաչւած է եւ աւելի մեծ համբաւ ունի։

Աճուրլուն իր խօսքերի աւարտին աւելացրեց որ թաւրիզեցի լինելը, ատրպատականցի լինելը եւ իրանցի լինելը միայն ասելով, ինքնութեան թղթով եւ նախնիքների շիրմաքարերով չէ, այլ՝ ազգային, մշակութային եւ հասարակական ծառայութեամբ եւ անշուշտ արւեստագէտ Վահրամեանը եւ իր հայրն ու մայրը իրենց մշակութային եւ գեղարւեստական արժէքաւոր եւ գնահատելի ծառայութիւններով, որը կատարել են Թաւրիզի մշակոյթի եւ գեղարւեստական զարգացման համար, շատերից աւելի իրանցի, Ատրպատականցի եւ թաւրիզեցի են եւ Թաւրիզի գեղարւեստական եւ մշակութային շրջանականները պարտական են նրանց։

Յարակից լուրեր

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

  • «Տասն կուսանաց»-ի խորհրդալից արարողութիւն Ատրպատականի հայոց թեմում
    «Տասն կուսանաց»-ի խորհրդալից արարողութիւն Ատրպատականի հայոց թեմում

    Քրիստոսի տնօրինական կեանքի վերջին՝ Աւագ շաբաթւայ ընթացքում, եկեղեցական հոգեթով արարողութիւնների ցուցակում իր մասնաւոր տեղով ու բարոյական խոր դասով յայտնի է Աւագ երեքշաբթի օրւայ երեկոյեան ժամերգութիւնը, որի ընթացքում կարդացւում է Յիսուսի պատմած «Տասն կուսանաց»-ի առակը, եւ տասն կոյսեր խորհրդանշականօրէն ներկայացնում են առակի անձերը, սուրբ բեմի առջեւ կանգնած, լապտեր իրենց ձեռքին: Աղջիկներից հինգը խորհրդանշում են առակում պատմւած հինգ իմաստուն կոյսերին, իսկ միւս հինգը՝ յիմար կոյսերին:

  • Միջինքի աւանդական հաւաքոյթը Թաւրիզում Եկեղեցիների Խնամակալ մարմնի կազմակերպութեամբ
    Միջինքի աւանդական հաւաքոյթը Թաւրիզում Եկեղեցիների Խնամակալ մարմնի կազմակերպութեամբ

    Հինգաբթի, 11 ապրիլ 2019 թ.-ին, երեկոյեան ժամը 8:30-ին, կազմակերպութեամբ Թաւրիզի եկեղեցիների Կանանց Խնամակալ մարմնի, տեղի ունեցաւ Միջինքի աւանդական հաւաքոյթը, հովանաւորութեամբ Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի եւ Թեմական խորհրդի:

  • Հ.Օ.Մ.-ի Թաւրիզի «Տաթեւ» պարախումբը տարեկան գեղեցիկ ելոյթով տօնեց իր հնգամեակը
    Հ.Օ.Մ.-ի Թաւրիզի «Տաթեւ» պարախումբը տարեկան գեղեցիկ ելոյթով տօնեց իր հնգամեակը

    «Տաթեւ»-ը արդէն տօնում է իր հիմնադրութեան հնգամեակը, բարձր հովանաւորութեամբ Ատրպատականի Հայոց թեմի առաջնորդ գերշ. Տ. Գրիգոր Ս. եպս. Չիֆթճեանի եւ Թեմական խորհրդի եւ կազմակերպութեամբ Հ.Օ.Մ.-ի Թաւրիզի մասնաճիւղի վարչութեան, գեղարւեստական ղեկավարութեամբ Կարինէ Մանուչերեանի: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։