Հա

Համայնք

30/12/2017 - 09:50

Ատրպատականի հայոց թեմի առաջնորդը հիւանդանոցում պատսպարւած հայ հիւանդների հետ

Քրիստոսի Սբ. Ծնունդը աւետելու եւ Նոր տարւայ առիթով բարեմաղթանքներ կատարելու համար հիւանդանոցում խնամւող հայ հիւանդներին, հինգշաբթի 28 դեկտեմբեր 2017-ի կէսօրին Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը այցելեց «Ռազի» հիւանդանոց: Սրբազան Հօրը ընկերակցում էին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Թեմական խորհրդի եւ Պատգամաւորական ժողովի անդամներ, ինչպէս նաեւ Ազգային առաջնորդարանի պաշտօնեաներ:

«alikonline.ir» - Քրիստոսի Սբ. Ծնունդը աւետելու եւ Նոր տարւայ առիթով բարեմաղթանքներ կատարելու համար հիւանդանոցում խնամւող հայ հիւանդներին, հինգշաբթի 28 դեկտեմբեր 2017-ի կէսօրին Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը այցելեց «Ռազի» հիւանդանոց: Սրբազան Հօրը ընկերակցում էին Թաւրիզի հոգեւոր հովիւ արժ. Տ. Մարտիրոս քհնյ. Ղուկասեանը, Թեմական խորհրդի եւ Պատգամաւորական ժողովի անդամներ, ինչպէս նաեւ Ազգային առաջնորդարանի պաշտօնեաներ: Տեղեկացնում է Ատրպատականի ազգային առաջնորդարանը:

Հիւանդանոցի բժշկական բաժանմունքի գրասենեակում, առաջնորդ Սրբազանը եւ նրա ընկերակիցները հանդիպեցին հայ հիւանդներին, աղօթելով նրանց հետ Սուրբ Ծննդեան առիթով: Երգւեցին «Խորհուրդ մեծ» եւ «Այսօր տօն է սուրբ ծննդեան» շարականները, ինչպէս նաեւ ծննդեան յատուկ մեղեդիներ, տօնական մթնոլորտ ստեղծելով պատսպարեալների համար:

Ազգային առաջնորդարանի պաշտօնեաներ հիւրասիրեցին հիւանդներին խմորեղէնով, սուրճով եւ մրգերով, ընտանեկան հարազատ միջավայր պարգեւելով նրանց: Իրենց համայնքի ծանօթ զաւակներին, ինչպէս նաեւ առաջնորդ Սրբազանին եւ Տէր հօրը տեսնելով, հայ հիւանդները հաճելի զրոյց ունեցան նրանց հետ, պատմելով իրենց ցաւերից եւ առօրեայից:

Յայտնենք, որ երեք հայ հիւանդները սոյն հաստատութիւնում խնամւում են ամբողջութեամբ անվճար, հայ համայնքի նկատմամբ բացառիկ յարգանքի եւ սիրոյ որպէս արտայայտութիւն:

«Հիւանդաց» յատուկ աղօթքով եզրափակւեց հանդիպումը, Նոր տարւայ առիթով մեծագոյն նւէրը՝ առողջութիւն խնդրելով բոլոր հիւանդներին: Տօնական օրերի ուրախութիւնը թերի է մնում յաճախ, երբ նրան մասնակից չենք դարձնում այն անձերին, որոնք առողջական պատճառներով հնարաւորութիւն չունեն մեզ հետ լինելու, մեր ուրախ սեղանների շուրջը:

Յարակից լուրեր

  • Ապրիլեան Սրբացեալ Նահատակաց տօնը Ատրպատականի հայոց թեմում
    Ապրիլեան Սրբացեալ Նահատակաց տօնը Ատրպատականի հայոց թեմում

    Չորեքշաբթի 24 Ապրիլ 2019-ին, Ապրիլեան մեր Նահատակների սրբատօնը յատուկ ձեւով կատարւեց Ատրպատականի հայոց թեմում, մասնակցութեամբ իր ազգային դատի գիտակից հաորդիների, Նահատակների յիշատակի առջեւ խոնարհումով:

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

  • Աւագ հինգշաբթիի հոգեթով արարողութիւնները Ատրպատականի հայոց թեմում
    Աւագ հինգշաբթիի հոգեթով արարողութիւնները Ատրպատականի հայոց թեմում

    Եկեղեցական սրտառուչ արարողութիւններով եւ մեղանոյշ շարականներով հարուստ Աւագ շաբաթում, իւրայատուկ իմաստ եւ նշանակութիւն ունի Աւագ հինգշաբթին համայն քրիստոնեայ աշխարհի համար: Սոյն օրւայ ընթացքում, աղօթքների միջոցաւ եւ շարականների երաժշտական յուզականութեամբ պատմւում են Քրիստոսի տնօրինական կեանքի վերջին դէպքերը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։