Հա

Համայնք

30/12/2017 - 10:00

Ատրպատականի հայոց թեմի առաջնորդը պարգեւատրեց Թաւրիզի «Ռազի» հիւանդանոցի պատասխանատուներին

Հինգշաբթի, 28 դեկտեմբեր 2017-ին, առաւօտեան ժամը 11-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան այցելեց Թաւրիզի «Ռազի» հիւանդանոց եւ հանդիպում ունեցաւ հաստատութեան ընդհանուր տնօրէն դոկտ. Խազէնի հետ: 

«alikonline.ir» - Հինգշաբթի, 28 դեկտեմբեր 2017-ին, առաւօտեան ժամը 11-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան այցելեց Թաւրիզի «Ռազի» հիւանդանոց եւ հանդիպում ունեցաւ հաստատութեան ընդհանուր տնօրէն դոկտ. Խազէնի հետ: Տեղեկացնում է Ատրպատականի ազգային առաջնորդարանը:

Սրբազան Հօր ընկերակցում էին Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանը, Թեմական խորհրդի անդամներ Վարդան Աբրահամեանը եւ Գագիկ Ջորջեանը, Պատգամաւորական ժողվի անդամ օրդ. Ռիմա Աղաջանեանը, ինչպէս նաեւ Ազգային առաջնորդարանի պաշտօնեաներ:

Առաջնորդ Սրբազանը բարձր գնահատելով դոկտ. Խազէնի հայախնամ մօտեցումը եւ ցուցաբերած հոգատարութիւնը հանդէպ հայ հիւանդների, նրան պարգեւատրեց յատուկ գնահատագրով, նշելով այն աստւածահաճոյ գործի բնոյթը, որը իրականացւում է հաստատութիւնում:

Յայտնենք, որ սոյն հիւանդանոցի հոգատարութեանն են յանձնւել երեք հայ հիւանդներ, որոնցից մէկը աւելի քան քառասուն տարիներից ի վեր, եւ հաստատութիւնը առանց նիւթական ակնկալութեան խնամում է նրանց: Սրբազան Հայրը այս առիթով, Ազգային իշխանութեան եւ իր անունից երախտագիտութիւն յայտնեց ընդհանուր տնօրէնին, որոնք հաստատութեան իրերայաջորդ տնօրէնութիւնների ժամանակաշրջաններում պահպանել են հայախնամ քաղաքականութիւն, միեւնոյն վերաբերմունքը ցուցաբերելով այնտեղ պատսպարւած հայ հիւանդներին:

Հաստատութեան պաշտօնէութեան մարդասիրական դժւարին աշխատանքը եւս գնահատելով, Սրբազան Հայրը յատուկ գնահատագիր յանձնեց նաեւ հիւանդանոցի բժշկական խմբի ընդհանուր պատասխանատու դոկտ. Ռէնջկէրին:

Առաջնորդ Սրբազանը ուրախութեամբ յիշեց, որ նոյն հիւանդանոցում տարիներից ի վեր գործում է թեմի պատգամաւորական ժողովի անդամ դոկտ. Հենրիկ Համբարձումեանը: Ընդհանուր տնօրէնը իր հերթին ուրախութեամբ նշեց, որ անցած տարի դոկտ. Համբարձումեանը արժանացել էր «Օրինակելի բժիշկ» մրցանակին եւ այն ստանձնել էր Թեհրանում, պետութեան կողմից կազմակերպւած յատուկ հանդիսութեան ընթացքում:

Յարակից լուրեր

  • Իրանի ՊՆ-ը հանդիպել է Ռուսաստանի եւ Չինաստանի իր գործընկերների հետ
    Իրանի ՊՆ-ը հանդիպել է Ռուսաստանի եւ Չինաստանի իր գործընկերների հետ

    Իրանի պաշտպանութեան նախարար, գեներալ-մայոր Ամիր Հաթամին, երէկ՝ ապրիլի 24-ին Մոսկւայում հանդիպել է Ռուսաստանի եւ Չինաստանի պաշտպանութեան նախարարներ, Սերգէյ Շոյգուի եւ Վէյ Ֆենգհէի հետ:

  • Ապրիլեան Սրբացեալ Նահատակաց տօնը Ատրպատականի հայոց թեմում
    Ապրիլեան Սրբացեալ Նահատակաց տօնը Ատրպատականի հայոց թեմում

    Չորեքշաբթի 24 Ապրիլ 2019-ին, Ապրիլեան մեր Նահատակների սրբատօնը յատուկ ձեւով կատարւեց Ատրպատականի հայոց թեմում, մասնակցութեամբ իր ազգային դատի գիտակից հաորդիների, Նահատակների յիշատակի առջեւ խոնարհումով:

  • Մեր սրբերի արեան գինը խաղաքարտ չէ՛
    Մեր սրբերի արեան գինը խաղաքարտ չէ՛

    Պահանջատէր մեր ժողովուրդը արդէն 104-րդ տարին լինելով, ապշահար հետեւում է քաղաքակիրթ կոչւած աշխարհի յամրաքայլ ընթացքին, որոնք իրենց դարաւոր քնից արթնացող հեքիաթային իշխանների նման, նոր յիշում են 20-րդ դարի առաջին եւ մեծագոյն ողբերգութիւնը գէթ ճանաչելու իրենց պարտականութիւնը, թող դեռ դատապարտելու պարտաւորութիւնը:  

  • «Քրիստոսի խորհրդանշական թաղման կարգը Ատրպատականի հայոց թեմում
    «Քրիստոսի խորհրդանշական թաղման կարգը Ատրպատականի հայոց թեմում

    Աւագ ուրբաթ, 19 ապրիլ 2019 թ.-ի երեկոյեան, Ատրպատականի հայոց թեմում հանդիսաւորապէս կատարւեց տարւայ ամէնից սուրբ օրւայ արարողութիւնը՝ Յիսուսի սուրբ թաղման խորհրդանշական արարողութիւնը: Երեկոյեան ժամերգութեան ընթացքին եւ ապա նախատօնակով, բարեպաշտ ժողովուրդը իր երկիւղալից յարգանքը ընծայեց Փրկչին, որ մարդկութեան մեղքերի քաւութեան համար յանձն առաւ խաչի մահը:

  • Տառապողին փառաւորումը՝ Յարութիւն
    Տառապողին փառաւորումը՝ Յարութիւն

    Մարդկանց ամենամեծ ակնկալիքը, դժւարութիւններից դուրս գալու հրաշազան պահն է, որը եթէ ո՛չ յաղթանակի, բայց գէթ փրկութեան ելքով է ազատագրում տագնապահար մարդուն: Յաջողութիւնների ակնկալիքը միշտ զբաղեցնում է մարդու հոգու եւ մտքի հորիզոնը, կարմրաւուն արեւի բազմերանգ ճառագայթների գունագեղ յոյսով վառւած: Սակայն նեղութիւնների դժւարանցանելի արահետներից եւ տրտմութեան հովտից դուրս գալը՝ մարդկային ցեղի համար միշտ նախապատիւ է ու գերադաս, գլխաւորելով նրա սպասումների փութանակի լուծում սպասող ցուցակը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։