Հա

Համայնք

13/01/2018

Հ.Օ.Մ.-ի «Ծերունի Գասպարեան» մանկապարտէզ-նախակրթարանի ամանորեայ ծրագիրը՝ Թաւրիզում

Հինգշաբթի 11 յունւար 2018-ի երեկոյեան ժամը 7-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, Ազգային առաջնորդարանի «Համազասպ Ոսկանեան» սրահում տեղի ունեցաւ «Ծերունի Գասպարեան» մանկապարտէզ-նախակրթարանի ամանորեայ մանկական ծրագիրը, տօնական մթնոլորտով սկսելու համար Նոր տարին: 

«alikonline.ir» - Հինգշաբթի 11 յունւար 2018-ի երեկոյեան ժամը 7-ին, հովանաւորութեամբ եւ նախագահութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի եւ Թեմական խորհրդի, Ազգային առաջնորդարանի «Համազասպ Ոսկանեան» սրահում տեղի ունեցաւ «Ծերունի Գասպարեան» մանկապարտէզ-նախակրթարանի ամանորեայ մանկական ծրագիրը, տօնական մթնոլորտով սկսելու համար Նոր տարին: Տեղեկացնում է Ատրպատականի ազգային առաջնորդարանը:

Հանդիսութեան ներկայ էին պատգամաւորական ժողովի եւ թեմական խորհրդի ներկայացուցիչ անդամներ, Հ.Օ.Մ.-ի վարչութեան անդամներ, ծնողներ եւ մատաղատի սերնդի դաստիարակութեամբ հետաքրքրւած թաւրիզահայեր:

Բացման խօսքը Հ.Օ.Մ.-ի Թաւրիզի մասնաճիւղի ատենապետուհի Անահիտ Յովսէփեանը կատարեց, Նոր տարւայ առաջին ծրագիրը կազմակերպած լինելու գոհունակութեամբ: Կրթա-դաստիարակչական առաքելութիւն ծաւալող Միութեան աշխատանքը ներկայացնելով, նա շեշտեց հայ մանուկի ազգային ու հոգեւոր կազմաւորման հրամայականը, որի ջատագովն է Հայ Օգնութեան միութիւնը ամենուր:

Այս տարւայ հանդիսավարներն էին Նախակրթարանի փոքրիկներ՝ Վարդան Գասպարեանը եւ Էրեբունի Մարգարեանը: Նրանք մեծերի նման վարժ առոգանութեամբ եւ շարժուձեւերով հրաւիրեցին իրենց հասակակիցներին երգելու, պարելու եւ մասնակից լինելու ծրագրին:

Մեներգներով եւ խմբերգներով Նոր տարին դիմաւորեցին երեխաները, նւագակցութեամբ երգի եւ երաժշտութեան ուսուցիչ Կարէն Սարգիսեանի, որ մանկավարժական մօտեցումով եւ հայ երգը երեխաներին սիրցնելու մեթոտներով նախապատրաստել էր նրանց սոյն ծրագրին: Նոյնքան տքնաջան աշխատանք էին կատարել կրթօջախի ուսուցչուհիներ՝ Նայիրի եւ Անի Դիլանեանները: Ըստ իր տարեկան սովորութեան, յանկարծ յայտնւեց Ձմեռ պապը, Նոր տարւայ համար իր բարեմաղթութիւնները եւս ներկայացնելով մեծերին ու փոքրերին: Երեխաներից ոմանք առաջին անգամ բեմ բարձրացած լինելով ընտելացած չէին միջավայրին, սակայն եւ այնպէս մնացին բեմում եւ դողդոջ շարժումներով մասնակցեցին ծրագրին: Նոյն առիթով տեղի ունեցաւ վիճակախաղ: Բախտաւոր յայտարարւեց Լարիկ Իսկանդարեանը:

Հանդիսութեան աւարտին բեմ հրաւիրւեց առաջնորդ Սրբազանը, իր եզրափակիչ եւ օրհնութեան խօսքը արտասանելու: Սրբազան Հայրը, կազմակերպողներին եւ ծնողներին քաջալերելով յայտնեց, թէ՝ մանկական հոգեկան աշխարհը երեւակայական թռիչքով յատկանշւում է: Մենք մեր քաջալերանքով թեւեր ենք տալու մեր մանուկներին, որոնց ապագայով է երաշխաւորւում մեր ազգի եւ ընդհանրապէս ոեւէ ազգի, ու համայն մարդկութեան ապագան:

Թեմակալ առաջնորդը այս առիթով իր բարձր գնահատանքը յայտնեց Հ.Օ.Մ.-ի Թաւրիզի մասնաճիւղի վարչութեան, կրթօջախի ուսուցչական կազմին, պաշտօնէութեան, ծնողներին եւ բոլոր ներկայ քաջալերող հանրութեան, ամանորի լաւագոյն բարեմաղթութիւններ կատարելով:

Յարակից լուրեր

  • Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը
    Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը

    Չորեքշաբթի, 15 օգոստոս 2018-ի երեկոյեան ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ազգային առաջնորդարանի իր գրասենեակում ընդունեց Հայաստանում Իրանի Իսլամական Հանրապետութեան դեսպանատան մշակութային կցորդ Հէյդարիի այցը, որուն ընկերակցում էր նոյն բաժանմունքի խորհրդական Նէզիֆը: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • Ատրպատականի հայոց թեմի առաջնորդը դարձեալ Ղարադաղում
    Ատրպատականի հայոց թեմի առաջնորդը դարձեալ Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կոթողների իրավիճակի մասին ուսումնասիրական նիւթերի իր աշխատանքը շարունակելով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը դարձեալ Ղարադաղում էր:

    Ղարադաղի Ամրադուլ գիւղին առաջնորդ Սրբազանի տւած այցի նկարագրականը ներկայացնում ենք ստորեւ, ի՛ր գրչով: 

  • Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում
    Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում

    Երեքշաբթի, 31 յուլիս 2018ի երեկոյեան ժամը 7-ին, կազմակերպութեամբ Ֆրէզնոյի «Ասպարէզ» ակումբի մշակութային յանձնախմբի եւ Ֆրէզնոյի հայկական թանգարանի, իւրայատուկ բանախօսութիւն եւ ձեռնարկ տեղի ունեցաւ Միութեան սրահում, ներկայութեամբ մշակութասէր Ֆրէզնօհայութեան: 

  • Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում
    Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում

    Չորեքշաբթի, 25 յուլիս 2018-ի երեկոյեան ժամը 7.30-ին, Գլենդէլի «Գրիգոր եւ Մարիամ Գարամանուկեան» երիտասարդական կենտրոնի «Իսահակ եւ Ժանէթ Գազանճեան» սրահում տեղի ունեցաւ Ատրպատականի հայոց թեմի առաջնորդ՝ գերշ. Տ. Գրիգոր եպս. Չիֆթճեանի «Ուղեւորութիւն Ատրպատականի հայոց թեմում, հայկական յուշարձանների հետքերով» գրքի Ա. հատորի շնորհանդէսը, կազմակերպութեամբ «Սարդարապատ» գրախանութի եւ հովանաւորութեամբ Լոս Անջելէսում գործող իրանահայ հինգ միութիւնների՝ «Ջան Թաւրիզ»-ի, «Իրանահայ միութիւն»-ի, «Ղարադաղի ժառանգութիւն»-ի, «Ուրմիայի հայրենակցական միութիւն»-ի եւ «Սալմաստի ժառանգութեանց ընկերակցութիւն»-ի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։