Հա

Համայնք

Շաբաթ, 13 Յունւարի 2018 10:50

Ատրպատականի առաջնորդը Սբ. Ծննդեան պատարագ մատուցեց Ռահւա գիւղում

Ուրբաթ, 12 յունւար 2018-ի առաւօտուն, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատուցեց Ս. Աստւածածին պատմական եկեղեցում: Խորանին սպասարկում էր Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը: 

«alikonline.ir» - Ուրբաթ, 12 յունւար 2018-ի առաւօտուն, Ռահւա գիւղ ժամանեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեան, եւ գիւղի աւանդութեան համաձայն Սբ. Ծննդեան տօնի յաջորդող ուրբաթ օրը ս. պատարագ մատուցեց Ս. Աստւածածին պատմական եկեղեցում: Խորանին սպասարկում էր Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը: Տեղեկացնում է Ատրպատականի ազգային առաջնորդարանը:

Սբ. պատարագին ներկայ էին հաւատացեալներ գիւղից եւ Ուրմիա քաղաքից, ինչպէս նաեւ Թաւրիզից: Առաջնորդ Սրբազան Հօր ընկերակցում էին Թեմական խորհրդի անդամներ, գլխաւորութեամբ ատենապետ Ռուբիկ Ջանանեանի:

«Հայր մեր»-ից առաջ առաջնորդ Սրբազանը տւեց իր պատգամը: Փրկչի մարդեղութեամբ աշխարհի վրայ բացւած նոր արշալոյսը մարդկութեան մեծագոյն բարիքը ներկայացնելով, Սրբազանը յորդորեց հետեւել Յիսուսի Ծնունդը աւետած հրեշտակների պատգամի եռամաս խորհրդից՝ «Չմոռանանք՝ ա) Աստծուն փառաբանութիւն վերառաքել, բ) արտաքին եւ ներքին խաղաղութեան համար աղօթել, եւ գ) մարդկանց միջեւ հաշտութիւն գոյացնել», ասաց Սրբազանը: Սրբազան Հայրը բարձրօրէն գնահատեց եկեղեցու հոգաբարձութեան եւ բոլոր ռահւացիներին, որոնց միասնական ջանքերով պահպանւում է գիւղն ու իր պատմական եկեղեցին այսքան բարեկարգ պայմաններում:

Ջրօրհնէքից առաջ, Կարէն Մկրտիչեանը գիւղի հոգաբարձութեան անունից յայտարարեց օրւայ խաչքաւորների անունները՝ Փոքրիկներ՝ Անդրու Աւաննէս, Քրիստեան Չարլու եւ Նորիկ Մնացականեան, որոնք արարողութեան ընթացքում օրհնւած ջրից դուրս բերւած խաչը շղարշով բարձրացրեցին: 

Սբ. պատարագից անմիջապէս յետոյ, գիւղի նախկին հայոց դպրոցի շէնքում, որը այսօր վերածւել է սրահ-հաւաքավայրի, սիրոյ  սեղան տրւեց հոգաբար ձութեան եւ խնամակալ մարմնի կողմից, բոլոր ժողովրդին հիւրասիրելով կէսօրւայ ճաշով: Սեղանավարն էր Սամւէլ Բադալեանը: Նա կենացներ առաջարկեց առաջնորդ Սրբազան Հօր, Թեմական խորհրդի, Հոգաբարձութեան եւ համայն ռահւացի ժողովրդի արեւշատութեան համար: Բոլոր կենացները ծաղկեցրեց գիւղի զաւակ եւ իր բամբ ձայնով հռչակ շահած Հայկազ Խոշբախդեանը:

Թեմական խորհրդի ատենապետը խօսք առնելով շնորհաւորեց բոլոր ամանորը եւ Սբ. Ծննդեան տօնը, իր ուրախութիւնը յայտնելով սոյն տօնախմբութեան համար այսքան ջերմ հաւաքի առիթով:

Առաջնորդ Սրբազանը եզրափակիչ եւ օրհնութեան խօսքով բարձր գնահատեց ժողովրդի սիրայօժար մասնակցութիւնը եւ հոգաբարձութեան ու խնամակալ մարմնի այնքան սիրազեղ ընդունելութիւնը: Ապա, Թեմական խորհրդի անունից յայտարարեց քաջալերական նւիրատւութիւն, միշտ շեշտելով միասնականութեան ոգին բարձր պահելու անհրաժեշտութիւնը Ատրպատականի հայոց թեմում:

Եկեղեցու հոգաբարձութեան կազմակերպութեամբ ամէն տարի Սբ. Ծննդեան յաջորդող շաբաթների ընթացքում, Ռահւա գիւղում տեղի ունեցող եկեղեցական արարողութիւնը եւ ապա հիւրասիրութիւնը առիթ են հանդիսանում մի անգամ եւս ողջունելու մեր Տիրոջ եւ Փրկչի Սուրբ Ծնունդը եւ Մկրտութիւնը, ինչպէս նաեւ շնորհաւորելու հայոց Ամանորը:

Related items

Image Gallery

{gallery}44616{/gallery}

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Սխալներ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ