Հա

Համայնք

14/01/2018 - 11:00

Իսլամական մշակոյթի պետական հիմնարկութեան ընդհ. տնօրէնի այցը Ատրպատականի ազգային առաջնորդարան

Շաբաթ, 13 յունւար 2018-ի առաւօտեան, Իրանի Իսլամական Հանրապետութեան մշակոյթի տարածման հիմնարկութեան ընդհանուր տնօրէն դոկտ. Մոհամմադփուր պաշտօնական այցով ժամանեց Ատրպատականի հայոց թեմի ազգային առաջնորդարան եւ ընդունւեց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի կողմից: Ընդհ. տնօրէնին ընկերակցում էին նրա մշակութային խորհրդականը եւ փոքրամասնութիւնների գրասենեակի պատասխանատուն:

«alikonline.ir» - Շաբաթ, 13 յունւար 2018-ի առաւօտեան, Իրանի Իսլամական Հանրապետութեան մշակոյթի տարածման հիմնարկութեան ընդհանուր տնօրէն դոկտ. Մոհամմադփուր պաշտօնական այցով ժամանեց Ատրպատականի հայոց թեմի ազգային առաջնորդարան եւ ընդունւեց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի կողմից: Ընդհ. տնօրէնին ընկերակցում էին նրա մշակութային խորհրդականը եւ փոքրամասնութիւնների գրասենեակի պատասխանատուն: Տեղեկացնում է Ատրպատականի ազգային առաջնորդարանը:

Սրբազան Հօր գրասենեակում տեղի ունեցած հանդիպման ներկայ գտնւեցին Թեմական խորհրդի անդամները, գլխաւորութեամբ ատենապետ՝ Ռուբիկ Ջանանեանի: Սրբազանը իր ողջոյնի խօսքում բարեբաստիկ առիթ համարեց սոյն այցը, շեշտելով Իրանում տարբեր կրօնների եւ մշակոյթների հետեւորդների մէկ հայրենիքի պատկանելիութիւնը: Ապա, անդրադառնալով Իրանի շուրջ ստեղծւած արհեստական դժւարութիւններին, Սրբազանը ասաց. «Այնպէս ինչպէս ուղիղ գործող մարդկանց կեանքը ընդհանրապէս խոշորացոյցի տակ է դիտւում, այնտեղ յանցանքներ յայտնաբերելու համար, այսօրւայ քաղաքական աշխարհում նոյն փորձից է անցնում Իրանի Իսլամական Հանրապետութիւնը»:

Դոկտ. Մոհամմադփուր իր հերթին շնորհակալութիւն յայտնելով սիրալիր ընդունելութեան համար, արտայայտւեց երկրում անպարտելի միասնականութիւնը խաթարելու անիմաստ փորձերի, Երուսաղէմի մասին հրապարակւած աղմուկի անհիմն լինելու եւ պաղեստինցի ժողովրդի արդար դատի մասին: Ապա, ընդհ. տնօրէնը անդրադարձաւ «Թաւրիզ 2018» պետական մշակութային լայնածիր աշխատանքներին, առաջարկելով ուսումնասիրել նոյն թւին Սփիւքից հայեր դէպի Ատրպատական հրաւիրելու հնարաւորութիւնները:

Թեմական խորհրդի անդամներ, իրենց հերթին, լայն տեղեկութիւններ տւեցին ընդհ. տնօրէնին, թեմի թանգարանի ծրագրի մասին, բացատրելով դրա յապաղումի հիմնական պատճառները:

Հանդիպման աւարտին տեղի ունեցաւ յուշանւէր գրքերի նւիրաբերում: Առաջնորդ Սրբազանը եւ դոկտ. Մոհամմադփուր մշակութային նորագոյն հրատարակութիւններով պատւեցին իրարու:

Երկկողմ հանդիպումը գործակցութեան նոր հորիզոններ բացեց, աշխատանքի մղելով բոլորին, լաւագոյնս կատարելու իրենց ուսերին դրւած պարտաւորութիւնները:

Յարակից լուրեր

  • ՀՀ-ում ԻԻՀ հիւպատոսն հանդիպեց Արտեօմ Մխոյեանի հետ
    ՀՀ-ում ԻԻՀ հիւպատոսն հանդիպեց Արտեօմ Մխոյեանի հետ

    Հոկտեմբերի 16-ին ՀՀ ԱՆ քրէակատարողական ծառայութեան պետ, արդարադատութեան գնդապետ Արտեօմ Մխոյեանն ընդունեց Հայաստանի Հանրապետութիւնում Իրանի Իսլամական Հանրապետութեան պատւաւոր հիւպատոս Մոխթար Շահ Հուսէինին:

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Երեքշաբթի, թւականիս հոկտեմբերի 16-ին թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց «Հայ կին» միութեան կից աշխատող «Անի» միութեան Վարչութեան անդամներին:

  • Արթուր Եղիազարեան. «Վերջիվերջոյ, ո՞ւր ենք գնում որպէս երկիր»
    Արթուր Եղիազարեան. «Վերջիվերջոյ, ո՞ւր ենք գնում որպէս երկիր»

    Փաշինեանը նշել էր, թէ այդ հանդիպումներից յետոյ՝ համարում է, որ կայ նաեւ ՀՅԴ Հայաստանի ներկայացուցիչների հետ հանդիպելու անհրաժեշտութիւն, սակայն այդպէս էլ չհանդիպեց ՀՅԴ լիդերների հետ: Այս մասին մամուլում տեսակէտներ հնչեցին, թէ սփիւռքեան կառոյցների ներկայացուցիչները դժգոհ են Հայաստանում ՀՅԴ ղեկավարների գործունէութիւնից, վարչապետն էլ նրանց որոշակի ակնարկներ է արել ՀՅԴ ճակատագրի մասին: 

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

  • Միշէլ Աունը ընդունել է Լիբանանի դաշնակցական նախարար Աւետիս Կիտանեանին
    Միշէլ Աունը ընդունել է Լիբանանի դաշնակցական նախարար Աւետիս Կիտանեանին

    Լիբանանի նախագահ Միշէլ Աունն այսօր ընդունել է երկրում զբօսաշրջութեան նախարար, ՀՅԴ անդամ Աւետիս Կիտսանեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։