Հա

Համայնք

18/01/2018

Ատրպատականի առաջնորդը պատարագեց Ուրմիայում, քրիստոնեայ համայնքապետերի ներկայութեամբ

16 յունւար 2018-ին, Սբ. պատարագ մատուցւեց Ուրմիոյ Սբ. Ստեփանոս եկեղեցում, ի ներկայութեան շրջանի քրիստոնեայ համայնքապետերի, Ազգային իշխանութեան անդամների եւ ուրմիահայ բարեպաշտ ժողովրդի: 

«alikonline.ir» - 16 յունւար 2018-ին, Սբ. պատարագ մատուցւեց Ուրմիոյ Սբ. Ստեփանոս եկեղեցում, ի ներկայութեան շրջանի քրիստոնեայ համայնքապետերի, Ազգային իշխանութեան անդամների եւ ուրմիահայ բարեպաշտ ժողովրդի: Տեղեկացնում է Ատրպատականի ազգային առաջնորդարանը:

Ասորի եւ Աւետարանական եկեղեցիների ներկայացուցիչ հոգեւորականներ՝ Իլիուշ քահանայ, Հորմուզ քահանայ եւ վերապատւելի Իլիա, դասի մէջ նստելով հետեւեցին սուրբ պատարագին, աղօթակից լինելով առաջնորդ Սրբազանին եւ բոլոր հաւատացեալներին:

Հանդիսաւոր ս. պատարագը մատուցեց եւ քարոզեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, առընթերակայութեամբ Ուրմիոյ հոգեւոր հովիւ արժ. Տ. Ներսէս քհնյ. Պասիլեանի եւ սպասարկութեամբ՝ կիսասարկաւագաց եւ դպրաց դասերի: Սրբազան երգեցողութիւնը կատարւեց Թաւրիզի «Կոմիտաս» երգչախմբի կողմից, ղեկավարութեամբ երաժիշտ Վարդան Վահրամեանի: Խորանի երգեցողութիւնը հոգեւոր ապրումով կատարեց Ուրմիոյ դպիրներից՝ Թադէ Էլիասզադէն:

Սբ. Ծննդեան եւ Աստւածայայտնութեան խորհրդի մեծ աւետիսը մի անգամ եւս հաղորդելով, առաջնորդ Սրբազանը իր քարոզից առաջ ողջունեց հիւր հոգեւորականներին, որոնք Ուրմիահայ համայնքի նկատմամբ յարգանքի բացառիկ զգացումներով ներկայ էին գտնւել եկեղեցական արարողութեան եւ աղօթակից դարձել հաւատացեալներին: Քրիստոնէական եկեղեցիների միութիւնը զօրութիւն համարելով, Սրբազան հայրը շեշտեց միասնական լինելը բոլոր ճակատներում:

Ապա, Յիսուսի Ծննդեան համեստ պայմանների օրինակը վեր հանելով, ցոյց տւեց թէ իսկական մեծութիւնը՝ խոնարհութեամբ մէջ է. «Նորածին արքան տեսնելու համար հովիւներ եւ մոգեր առաջնորդւեցին այն քարայրը, որտեղ ծնւել է Նա: Ի՜նչ արքայ: Նա պալատում չէր, ո՛չ էլ թագ կար նրա գլխին: Նա կենդանիների շնչով ջերմացւած գոմում, մսուրի մէջ էր հանգչեցրել իր գլուխը», ասաց Սրբազանը: Ապա, նա անդրադարձաւ մարդկային կեանքի դժւարութիւններին, բացատրելով որ չկայ անցաւ ու առանց նեղութիւնների կեանքի տեսակ. «Երանական կեանքն է միայն, որին ձգտում ենք որպէս հաւատացեալներ, որտեղ չկայ ցաւ ու վիշտ, չկան նեղութիւններ եւ դժւարութիւններ: Մեր անհատական, ընտանեկան եւ հասարակական կեանքն էլ ունի իր դժւարութիւնները, որոնց միջով անցնում ենք բոլորս», ասաց նա, յիշեցնելով որ դրանք բոլորը կը լուծւեն, եթէ Քրիստոսի քայլած ճանապարհից քայլենք. «Իսկ այդ ճանապարհը՝ խաչի՛ ճանապարհն է, սիրոյ, խոնարհութեան, հնազանդութեան եւ համբերութեան ուղին, ինչպէս մեկնաբանում է Սբ. Գրիգոր Տաթեւացին», շեշտեց Սրբազանը: Վերջապէս Ատրպատականի թեմի բոլոր զաւակների միասնական լինելու կարեւորութիւնը շեշտեց նա, ասելով. «Մենք մէկ ամբողջութիւն ենք, եւ մէկ ենք մնալու մեր սիրով, խոնարհութեամբ, հնազանդութեամբ եւ համբերութեամբ, համաձայն Քրիստոսի գծած ուղղուն»:

Եկեղեցական հոգեպարար արարողութիւնը առիթ հանդիսացաւ մէկ անգամ եւս ողջունելու մեր Տիրոջ եւ Փրկչի Սբ. Ծնունդը, հաւաքական եղբայրութեան զգացումներով:

Յարակից լուրեր

  • Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը
    Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը

    Չորեքշաբթի, 15 օգոստոս 2018-ի երեկոյեան ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ազգային առաջնորդարանի իր գրասենեակում ընդունեց Հայաստանում Իրանի Իսլամական Հանրապետութեան դեսպանատան մշակութային կցորդ Հէյդարիի այցը, որուն ընկերակցում էր նոյն բաժանմունքի խորհրդական Նէզիֆը: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • Ատրպատականի հայոց թեմի առաջնորդը դարձեալ Ղարադաղում
    Ատրպատականի հայոց թեմի առաջնորդը դարձեալ Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կոթողների իրավիճակի մասին ուսումնասիրական նիւթերի իր աշխատանքը շարունակելով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը դարձեալ Ղարադաղում էր:

    Ղարադաղի Ամրադուլ գիւղին առաջնորդ Սրբազանի տւած այցի նկարագրականը ներկայացնում ենք ստորեւ, ի՛ր գրչով: 

  • Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում
    Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում

    Երեքշաբթի, 31 յուլիս 2018ի երեկոյեան ժամը 7-ին, կազմակերպութեամբ Ֆրէզնոյի «Ասպարէզ» ակումբի մշակութային յանձնախմբի եւ Ֆրէզնոյի հայկական թանգարանի, իւրայատուկ բանախօսութիւն եւ ձեռնարկ տեղի ունեցաւ Միութեան սրահում, ներկայութեամբ մշակութասէր Ֆրէզնօհայութեան: 

  • Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում
    Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում

    Չորեքշաբթի, 25 յուլիս 2018-ի երեկոյեան ժամը 7.30-ին, Գլենդէլի «Գրիգոր եւ Մարիամ Գարամանուկեան» երիտասարդական կենտրոնի «Իսահակ եւ Ժանէթ Գազանճեան» սրահում տեղի ունեցաւ Ատրպատականի հայոց թեմի առաջնորդ՝ գերշ. Տ. Գրիգոր եպս. Չիֆթճեանի «Ուղեւորութիւն Ատրպատականի հայոց թեմում, հայկական յուշարձանների հետքերով» գրքի Ա. հատորի շնորհանդէսը, կազմակերպութեամբ «Սարդարապատ» գրախանութի եւ հովանաւորութեամբ Լոս Անջելէսում գործող իրանահայ հինգ միութիւնների՝ «Ջան Թաւրիզ»-ի, «Իրանահայ միութիւն»-ի, «Ղարադաղի ժառանգութիւն»-ի, «Ուրմիայի հայրենակցական միութիւն»-ի եւ «Սալմաստի ժառանգութեանց ընկերակցութիւն»-ի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։