Հա

Համայնք

28/01/2018 - 11:20

Ատրպատականի հայոց թեմի առաջնորդի այցը Իսլամական մշակոյթի հիմնարկութեան ընդհանուր տնօրէնին

Շաբաթ, 27 յունաւր 2018-ի առաւօտեան ժամը 11-ին, պաշտօնական հանդիպում կայացաւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թեմական խորհրդի եւ Իրանի Իսլամական Հանրապետութեան մշակոյթի տարածման պետական հիմնարկութեան ընդհանուր տնօրէն դոկտ. Մոհամմատփուրի միջեւ, սոյն հիմնարկութեան Թաւրիզի կենտրոնատեղիում: 

«alikonline.ir» - Շաբաթ, 27 յունաւր 2018-ի առաւօտեան ժամը 11-ին, պաշտօնական հանդիպում կայացաւ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թեմական խորհրդի եւ Իրանի Իսլամական Հանրապետութեան մշակոյթի տարածման պետական հիմնարկութեան ընդհանուր տնօրէն դոկտ. Մոհամմատփուրի միջեւ, սոյն հիմնարկութեան Թաւրիզի կենտրոնատեղիում: Առաջնորդ Սրբազանի հետ սոյն հանդիպման իրենց մասնակցութիւնը բերեցին Թեմական խորհրդի ատենապետ Ռուբիկ Ջանանեանը, եւ անդամներ՝ Գագիկ Ջորջեանը, Ալէն Սայադեանը եւ Վարդան Աբրահամեանը: Տեղեկացնում է Ատրպատականի ազգային առաջնորդարանը:

Իր գրասենեակում ընդունելով Սրբազան հօրը եւ Թեմական խորհրդի անդամներին, ընդհանուր տնօրէնը, իր հետ միասին ունենալով փոքրամասնութիւնների բաժանմունքի պատասխանատուն, ողջունեց նրանց, քննարկելով մէկ շարք խնդիրներ, որոնք վերաբերւում են Ատրպատականի հայոց թեմին, եւ ընդհանրապէս Ատրպատականում ապրող հայութեան:

Առաջնորդ Սրբազանը իր խոր գոհունակութիւնը յայտնեց մի քանի շաբաթներ առաջ դոկտ. Մոհամմէտփուրի Ազգային առաջնորդարան տւած այցի համար, ինչպէս նաեւ այն աջակցութեան, որ ընդհանուր տնօրէնը ընձեռում է հայ համայնքին, մասնաւորապէս Ատրպատականի հայոց թեմին:

Մշակոյթի տարածման ծիրից ներս իր մտածումները արտայայտելով, առաջնորդ Սրբազանը խօսեց 2018 թւին, հայ համայնքի մշակութային ներդրման կարելիութիւնների մասին, Թաւրիզ քաղաքի «Զբօսաշրջութեան մայրաքաղաք» հռչակման առիթով: Մեր եկեղեցիների, ճարտարապետական կոթողների եւ ընդհանրապէս հայկական մշակութային ժառանգութեան ծանօթացումը զբօսաշրջիկներին, Սրբազանը նկատեց կարեւոր եւ հարստացուցիչ:

Հանդիպումը երկուստեկ գոհացուցիչ արդիւնք ունեցաւ, որովհետեւ մտքերի փոխանակումով նոր ծրագրերի առաջարկութիւններ կատարւեցին եւ գործակցութեան նոր հեռանկարներ գծագրւեցին կողմերի համար:

Յարակից լուրեր

  • Այս ընթացքը նաեւ մի փոքր փորձութիւն է, որպէսզի որեւէ միջադէպ չլինի. ՀՀ նախագահը` վարչապետին
    Այս ընթացքը նաեւ մի փոքր փորձութիւն է, որպէսզի որեւէ միջադէպ չլինի. ՀՀ նախագահը` վարչապետին

    Հանրապետութեան նախագահի նստավայրում երէկ տեղի է ունեցել նախագահ Արմէն Սարգսեանի եւ վարչապետի պաշտօնակատար Նիկոլ Փաշինեանի հանդիպումը: Քննարկւել են ներքաղաքական իրավիճակին վերաբերող հարցեր:

  • ՀՀ-ում ԻԻՀ հիւպատոսն հանդիպեց Արտեօմ Մխոյեանի հետ
    ՀՀ-ում ԻԻՀ հիւպատոսն հանդիպեց Արտեօմ Մխոյեանի հետ

    Հոկտեմբերի 16-ին ՀՀ ԱՆ քրէակատարողական ծառայութեան պետ, արդարադատութեան գնդապետ Արտեօմ Մխոյեանն ընդունեց Հայաստանի Հանրապետութիւնում Իրանի Իսլամական Հանրապետութեան պատւաւոր հիւպատոս Մոխթար Շահ Հուսէինին:

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Երեքշաբթի, թւականիս հոկտեմբերի 16-ին թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց «Հայ կին» միութեան կից աշխատող «Անի» միութեան Վարչութեան անդամներին:

  • Արթուր Եղիազարեան. «Վերջիվերջոյ, ո՞ւր ենք գնում որպէս երկիր»
    Արթուր Եղիազարեան. «Վերջիվերջոյ, ո՞ւր ենք գնում որպէս երկիր»

    Փաշինեանը նշել էր, թէ այդ հանդիպումներից յետոյ՝ համարում է, որ կայ նաեւ ՀՅԴ Հայաստանի ներկայացուցիչների հետ հանդիպելու անհրաժեշտութիւն, սակայն այդպէս էլ չհանդիպեց ՀՅԴ լիդերների հետ: Այս մասին մամուլում տեսակէտներ հնչեցին, թէ սփիւռքեան կառոյցների ներկայացուցիչները դժգոհ են Հայաստանում ՀՅԴ ղեկավարների գործունէութիւնից, վարչապետն էլ նրանց որոշակի ակնարկներ է արել ՀՅԴ ճակատագրի մասին: 

  • Ատրպատականի հայոց թեմի առաջնորդը մեկնեց Անթիլիաս
    Ատրպատականի հայոց թեմի առաջնորդը մեկնեց Անթիլիաս

    Երեքշաբթի, 16 հոկտեմբեր 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Անթիլիաս, Լիբանան, իբրեւ անդամ Ազգային Կենտրոնական վարչութեան Կրօնական ժողովի: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։