Հա

Համայնք

10/02/2018

Սրբոց Վարդանանց տօնը Ատրպատականի հայոց թեմում

Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

«alikonline.ir» - Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ: Տեղեկացնում է Ատրպատականի ազգային առաջնորդարանը:

Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի: Գիշերային եւ Առաւօտեան ժամերգութիւնների կատարմամբ յիշատակւեցին մեր եկեղեցու ամէնից ժողովրդական սրբերը՝ Քաջ Վարդան եւ նրա զինակից 1036 նահատակները, որոնք «վասն հաւատոյ եւ վասն հայրենեաց» ընծայեցին իրենց կեանքը, նահատակութեան սրբազան ճանապարհով, ընկնելով Աւարայրի դաշտում:

«Քրիստոս Աստւած մեր» եղանակաւոր մաղթանքի պահին, Առաջնորդ Սըբազանը յատուկ աղօթքով յիշատակեց Քաջայաղթ ախոյեանին սուրբ եկեղեցու՝ Մեծն Վարդանին  յազգէն  Մամիկոնէից,  Խոհական Խորէնին՝ յազգէն Պալունեաց, Զարմանալի Տաճատին՝ յազգէն Գնդունեաց, Վեհազնիւ  Վահանին՝  յազգէն Գնունեաց, Հիանալի Հմայեակին՝ յազգէն Դիմաքսեանց, Ցանկալի Արսէնին՝ յազգէն Ընծայեանց, Հրաշակերտ Ներսեհին՝ յազգէն Քաջբերունեաց, Յառաջադէմ Գարեգնին՝ յազգէն Սրւանձտեանց, եւ բոլոր ուխտապահ վկաներին՝ հազար երեսուն եւ վեցին, լուսերամ խմբին Վարդանանց մարտիրոսաց:

Նոյն առիթով, ներկայ հաւատացեալները եւ Թաւրիզի հայոց ազգային դպրոցի եւ Հ.Օ.Մ.-ի Թաւրիզի մասնաճիւղի «Ծերունի Գասպարեան» մանկապարտէզ-նախակրթարանի աշակերտութիւնը հաղորդւեցին Քրիստոսի սուրբ մարմնով եւ արեամբ:

Առաջնորդ Սրբազանը այս առիթով քարոզ տւեց, յատկապէս ուղղւած երեխաներին, որոնք անմեղութեամբ պատասխանում էին նրա հարցրած հռետորական հարցերին՝ Աւարայրի Արծիւի, Կարմիր Զօրավարի եւ քաջարի բանակի մասին: Ապա երգւեցին Վարդանանց նւիրւած ազգայնաշունչ երգերից մէկ փունջ՝ «Պլպուլն Աւարայրի», «Լռեց ամպերը», «Իմ հայրենեաց», «Ո՜հ դու բարեկամ», «Քաջ Վարդանի տոհմը», «Աւարայրի դաշտ ներկւեց» եւ այլ երգեր:

Եկեղեցական արարողութիւնից յետոյ, սկսւեց ազգային տօնակատարութիւնը, երբ Թաւրիզի հայոց ազգ. դպրոցի աշակերտ-աշակերտուհիներ՝ Շարա Բաղդասարեանը եւ Նարէ Սայադեանը ասմունքով գովերգեցին Վարդանանց Զօրավարաց քաջութիւնը: Իսկ Իզաբէլ Սարգիսեանը Վարդանանց նահատակութեան նախորդող եւ յաջորդող դէպքերու, ինչպէս նաեւ Աւարայրի մեծ զոհաբերութեան պատմական ակնարկը կատարեց, իր դպրոցակիցներին եւ բոլոր հաւատացեալներին պատմելով Աւարայրի հերոսութիւնը:

Առաջնորդ Սրբազանը շնորհաւորելով բոլոր Վարդան անունը կրողներին եւ նոյն օր իրենց անւանակոչութիւնը տօնող հայորդիներին, յատուկ շնորհաւորութիւն յայտնեց եկեղեցու «Կոմիտաս» երգչախմբի վաստակաշատ ղեկավար-երաժիշտ՝ Վարդան Վահրամեանին, ինչպէս նաեւ բարշ. Վարդան սրկ. Տէր-Մարտիրոսեանին, որոնք ամէն կիրակի անխափան մասնակցում են ս. պատարագին: Ապա, նա շնորհաւորեց արժ. Տ. Մարտիրոս քահանայի ձեռնադրութեան եւ օծման առաջին տարեդարձը, եւ նոյն առիթով նրան յանձնեց Թաւրիզի հայոց եկեղեցիների Խնամակալ Մարմնի նւիրաբերած պատարագի նոր զգեստը: 

Հինգշաբթի, 8 փետրւար 2018-ին, ս. եւ անմահ պատարագ մատուցւեց Ուրմիոյ ծխական Սբ. Ստեփանոս եկեղեցում: Պատարագեց եւ քարոզեց հոգեւոր հովիւ՝ արժ. Տ. Ներսէս քհնյ. Պասիլեանը, ներկայութեամբ Ուրմիահայ հաւատաւոր ժողովրդի զաւակներին: Եկեղեցում առաջին շարքերը գրաւել էին Հ.Օ.Մ.-ի Ուրմիոյ մասնաճիւղի «Նայիրի» մանկապարտէզի երեխաները, գլխաւորութեամբ իրենց պատասխանատուների: Ներկաները պատարագի ընթացքին հաղորդւեցին Քրիստոսի սուրբ մարմնով եւ արեամբ: Սբ. պատարագի աւարտին Հ.Օ.Մ.-ի Ուրմիոյ մասնաճիւղի «Նայիրի» մանկապարտէզի երեխաները յատուկ յայտագրով հանդէս եկան, Սրբոց Վարդանանց տօնի նւիրւած երգերով ու արտասանութիւններով: Հանդիսութիւնը ղեկավարում էր մանկապարտէզի ուսուցչուհի՝ Օֆելիա Սայադեանը: Մանկական նրանց թոթովանքը արժանացաւ ծփատէր քահանայ հօր, Հ.Օ.Մ.-ի վարչութեան եւ ներկաների բարձր գնահատանքին:

Վարդանանց տօնի առիթով, տէր հայրը յատուկ յիշատակութեան արժանացրեց Վարդան անունը կրող անձերին եւ շնորհաւորական մաղթանքով օրհնեց նրանց:

Աւարայրի դաշտը աշխահագրականօրէն իր մէջում պարփակող Ատրպատկաանի հայոց թեմի զաւակները այս տարի եւս նրա՝ խորհրդով հարստացած, Թաւրիզում եւ Ուրմիայում վերադարձան իրենց տները, ազգային-եկեղեցական տօնի ներշնչումը ամբողջ տարւայ համար իրենց հետ տանելով:

Յարակից լուրեր

  • Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը
    Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը

    Չորեքշաբթի, 15 օգոստոս 2018-ի երեկոյեան ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ազգային առաջնորդարանի իր գրասենեակում ընդունեց Հայաստանում Իրանի Իսլամական Հանրապետութեան դեսպանատան մշակութային կցորդ Հէյդարիի այցը, որուն ընկերակցում էր նոյն բաժանմունքի խորհրդական Նէզիֆը: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • Ատրպատականի հայոց թեմի առաջնորդը դարձեալ Ղարադաղում
    Ատրպատականի հայոց թեմի առաջնորդը դարձեալ Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կոթողների իրավիճակի մասին ուսումնասիրական նիւթերի իր աշխատանքը շարունակելով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը դարձեալ Ղարադաղում էր:

    Ղարադաղի Ամրադուլ գիւղին առաջնորդ Սրբազանի տւած այցի նկարագրականը ներկայացնում ենք ստորեւ, ի՛ր գրչով: 

  • Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում
    Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում

    Երեքշաբթի, 31 յուլիս 2018ի երեկոյեան ժամը 7-ին, կազմակերպութեամբ Ֆրէզնոյի «Ասպարէզ» ակումբի մշակութային յանձնախմբի եւ Ֆրէզնոյի հայկական թանգարանի, իւրայատուկ բանախօսութիւն եւ ձեռնարկ տեղի ունեցաւ Միութեան սրահում, ներկայութեամբ մշակութասէր Ֆրէզնօհայութեան: 

  • Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում
    Եզակի գրքի իւրայատուկ շնորհանդէս՝ որը Ատրպատականի հայոց թեմի անցեալը ներկայ դարձրեց Գլենդէլում

    Չորեքշաբթի, 25 յուլիս 2018-ի երեկոյեան ժամը 7.30-ին, Գլենդէլի «Գրիգոր եւ Մարիամ Գարամանուկեան» երիտասարդական կենտրոնի «Իսահակ եւ Ժանէթ Գազանճեան» սրահում տեղի ունեցաւ Ատրպատականի հայոց թեմի առաջնորդ՝ գերշ. Տ. Գրիգոր եպս. Չիֆթճեանի «Ուղեւորութիւն Ատրպատականի հայոց թեմում, հայկական յուշարձանների հետքերով» գրքի Ա. հատորի շնորհանդէսը, կազմակերպութեամբ «Սարդարապատ» գրախանութի եւ հովանաւորութեամբ Լոս Անջելէսում գործող իրանահայ հինգ միութիւնների՝ «Ջան Թաւրիզ»-ի, «Իրանահայ միութիւն»-ի, «Ղարադաղի ժառանգութիւն»-ի, «Ուրմիայի հայրենակցական միութիւն»-ի եւ «Սալմաստի ժառանգութեանց ընկերակցութիւն»-ի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։