Հա

Համայնք

12/02/2018

ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում

Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: 

«alikonline.ir» - Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: Տեղեկացնում է Ատրպատականի ազգային առաջնորդարանը: 

Ստորեւ հակիրճ տեղեկութիւն այս մասին:

 

Ա) Հինգշաբթի, 1 փետրւար 2018

Առաւօտեան ժամը 9:33-ին, ղօղանջեցին Հայոց եկեղեցիների եւ դպրոցների զանգերը, Թաւրիզում եւ Ուրմիայում, ի յիշատակ Յեղափոխութեան հիմնադիր՝ Էմամ Խոմէյնիի Իրան վերադարձի։ Տարիների աւանդութիւն դարձած սոյն արարքը, տեղացի ժողովրդի կողմից եւս սպասւած արարք է, երբ հայ եկեղեցիների զանգերի ղօղանղը լսելով, քրիստոնեայ-իսլամ եղբայրութիւնը եւ մէկ հայրենիքի պատկանելիութիւնը վերաթարմանում է բոլորի մտքում:

 

Բ) Ուրբաթ 2 փետրւար 2018

Հ.Մ.Ա.Կ.-ի Թաւրիզի մասնաճիւղի վարչութեան կազմակերպութեամբ կենտրոնատեղիում փինգ-փոնգի մրցաշարք տեղի ունեցաւ: Իրարու հետ մրցեցին մէկական մարզիկներով եւ երկուքական անձերով: Մրցաշարքին ներկայ գտնւեցին վարչութեան անդամներ եւ միութենականներ, իսկ աւարտին պարգեւատրւեցին յաղթական անձերը եւ խմբերը, յատուկ նւէրների մատուցմամբ: Պարգեւատրումը կատարեց վարչութեան անդամ Բաբգէն Գասպարեան:

 

Գ) Կիրակի, 4 փետրւար 2018

ա) Լիլաւայի Ս. Սարգիս եկեղեցում մատուցւած ս. պատարագի աւարտին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան խօսք առնելով շնորհաւորեց Յեղափոխութեան առաջնորդ՝ Էմամ Խոմէյնիով սկսւած Իսլամական Յեղափոխութեան տօնը. «Աղօթենք աշխարհի խաղաղութեան համար, որովհետեւ դա բոլորիս խաղաղութիւնն է, աղօթենք Իրանական մեր հայրենիքի ապահովութեան համար, որովհետեւ դա ամբողջ տարածաշրջանի ապահովութիւնն է, եւ աղօթենք այս երկրի անվտանգութեան համար, որովհետեւ դա մեր հաւաքական, ինչպէս նաեւ մեր ընտանիքների անվտանգութիւնն է: Թող ամենակալն Աստւած ի՛նք առաջնորդի Իրանի բոլոր ղեկավարներին, ի բարի եւ ի խաղաղութիւն», ասաց Սրբազանը իր խօսքում: 

բ) Նոյն օրը երեկոյեան ժամը 5-ին, Հ.Օ.Մ.-ի Թաւրիզի մասնաճիւղի կենտրոնատեղիում մատուցւեց թէյասեղան, որի ընթացքում Յեղափոխութեան տօնի մասին դասախօսութեամբ հանդէս եկաւ Պատգամաւորական ժողովի դիւանադպիր՝ Արմինէ Վահրամեանը: Նա պատմութեան ընթացքում տեղի ունեցած մեծ յեղափոխութիւնների շարքում դասեց Իրանի Իսլամական Հանրապետութեան յեղափոխութիւնը, եւ լայնօրէն անդրադարձաւ Իրանում հայ համայնքի ազատութիւններին ու վայելած իրաւասութիւններին: Հայութեան բնիկ տարր եւ Իրանից անբաժանելի մասնիկ լինելու պատմական իրողութեան անդրադառնալով, դասախօսը բացատրեց անցած շուրջ քառասուն տասնամեակների ընթացքում հայութեան հաւատարմութիւնը, հոգեւոր համամարդկային արժէքների նկատմամբ երկրի իշխանութեան որդեգրած բարձր սկզբունքներին:

 

Դ) Երեքշաբթի, 6 փետրւար 2018

ա) Առաւօտեան ժամը 10.30-ին, Փոքրամասնութիւնների գրասենեակից՝ Իսլամական Մշակոյթի եւ առաջնորդութեան Արեւմտեան Ատրպատականի հիմնարկի կրօնաւոր Քարիմիի ուղեկցութեամբ, Ուրմիոյ հոգեւոր հովիւ՝ արժ. Տ. Ներսէս քհնյ. Պասիլեանը, Թեմական խորհրդի ներկայացուցիչ անդամներ՝ Վարդան Աբրահամեանը, Գագիկ Ջորջեանը եւ Պատգամաւորական ժողովի փոխատենապետ Վահիկ Բայրամեանը այցելեցին Հայ Նահատակների տուն։ Տէր հօր կողմից «Հոգւոց» աղօթքից յետոյ, ընդհանուր տնօրէն Քարիմին իր խօսքը ուղղեց: Շնորհակալութեան խօսք ուղղեցին նաեւ Վարդան Աբրահամեան եւ Վահիկ Բայրամեան: 

բ) Նոյն օր, երեկոյեան ժամը 7-ին, Ազգային առաջնորդարանի «Համազասպ Ոսկանեան» սրահում տեղի ունեցաւ համընդհանուր գեղարւեստական ծրագիր, մասնակցութեամբ Թաւրիզահայ կեանքում գործող բոլոր միութիւնների եւ կազմակերպութիւնների։ Ներկայ էին պետական հիւրեր, գլխաւորութեամբ Արեւելեան Ատրպատականի նահանգապետի քաղաքական խորհրդական եւ կուսակալ՝ դոկտ. Շոհրադիֆարի: Ներկայ էին նաեւ Իսլամական մշակոյթի տարածման եւ փոքրամասնութիւնների հիմնարկութեան ընդհանուր տնօրէն՝ դոկտ. Մոհամմադփուրը, Թաւրիզի տարբեր շրջանների քաղաքապետական խորհուրդների անդամներ եւ այլ բարձրաստիճան պատասխանատուներ: Օրւայ բանախօսն էր՝ կուսակալ դոկտ. Շոհրադիֆարը:

Առաջնորդ Սրբազանի պատգամը կարդաց դոկտ. Վարդան Սիմոնզը Ազգ. իշխանութեան խօսքը փոխանցեց՝ Թեմական խորհրդի փոխատենապետ՝ Ալէն Սայադեանը: Ծրագրի ընթացքում ելոյթ ունեցաւ «Կոմիտաս» երգչախումբը ղեկավարութեամբ երաժիշտ՝ Վարդան Վահրամեանի, ինչպէս նաեւ «Ալիք» հաստատութեան Թաւրիզի մասնաճիւղի «Փոթորիկ» երգչախումբը, ղեկավարութեամբ Նարինէ Սայադեանի: Թաւրիզի հայոց դպրոցի անունից ուղերձ ընթերցեց Նարէ Սայադեանը: Մեներգներով, ասմունքներով եւ խօսքերով հանդէս եկան՝ դոկտ. Յովիկ Գալստեանը, Միրօ Աբրահամեանը, Մասիս Կարապետեանը, Անայիս Խալաֆեանը, իսկ հանդիսավարն էր՝ Կարօ Ջորջեանը:

 

Ե) Չորեքշաբթի, 7 փետրւար 2018

ա) Առաւօտեան ժամը 11:30-ին, Թաւրիզի հայոց ազգային դպրոցներում տեղի ունեցաւ գեղարւեստական ծրագիր, ներկայութեամբ Ազգային իշխանութեան եւ Կրթական խորհրդի ներկայացուցիչների: Թաւրիզի «Թամարեան, Հայկազեան եւ Սահակեան» դպրոցի տեսչուհի Արմինէ Վահրամեանը իր խօսքը ասաց, բացատրելով օրւայ խորհուրդը՝ Յեղափոխութեան յաղթանակի արշալոյսը: Աշակերտները երգերով եւ ասմունքներով գովերգեցին տօնը, իսկ դպրոցի երգչախումբը խմբերգներով խանդավառեց ներկաները, ղեկավարութեամբ Նարինէ Սայադեանի: Յեղափոխութեան տասնօրեակի ընթացքում, Թաւրիզի հայոց դպրոցում տեղի ունեցան նաեւ տարբեր ծրագրեր՝ աշակերտական ցուցահանդէսներ, դասախօսութիւններ, գիտական եւ մարզական մրցութիւններ եւ գեղարւեստական ծրագրեր: 

բ) Նոյն օրը, երեկոյեան ժամը 4:30-ին, Ուրմիահայ համայնքի համընդհանուր ձեռնարկը տեղի ունեցաւ, Սբ. Ստեփանոս եկեղեցու «Արամ Մանուկեան» հանդիսասրահում, ներկայութեամբ Առաջնորդ Սրբազանի, պետական բարձրաստիճան հիւրերի, Թեմական խորհրդի եւ Ուրմիահայ ժողովրդի: Օրւայ գլխաւոր բանախօսն էր Փոքրամասնութիւնների կրօնական բաժանմունքի պատասխանատու՝ կրօնաւոր Քարիմի: Գեղարւեստական ծրագրով ելոյթ ունեցաւ Ուրմիոյ հայոց «Մասիհա» դպրոցի աշակերտութիւնը, ասմունքեց Անայիս Խալաֆեանը:

Բացման խօսքը կատարեց եւ Թեմական խորհրդի խօսքը կարդաց Ալէն Սայադեանը, իսկ Առաջնորդ Սրբազանի խօսքը ընթերցեց Գագիկ Ջորջեանը:

Կրօնաւոր Քարիմի ողջունելով Ազգային իշխանութեան եւ Ուրմիահայ համայնքի զաւակներին, Յեղափոխութեան 39-րդ տարեդարձը շնորհաւորեց, Էմամ Խոմէյնիի բերած արշալոյսը փառաբանելով, եւ Իրանցի ժողովրդի միասնականութեան մէջ տեսաւ նրա անպարտելի զօրութիւնը ներկայացնելով: 

գ) Նոյն օրը, երեկոյեան ժամը 6-ից 8-ը, Թաւրիզի Ազգ. առաջնորդարանի «Ռոստոմ-Գասպար» գրադարանի վարչութեան նախաձեռնութեամբ գրադարանում՝ յատուկ դասախօսութիւն եւ զարգացման մրցում տեղի ունեցաւ: Օրւայ հանդիսավարն էր Լիլիա Աղաջանեան, բանախօսը՝ Նայիրի Դիլանեան: Նա իր եզրակացութեան մէջ կարեւորութեամբ անդրադարձաւ հայերէն լեզւի բիւրեղացման նոր թափ տալու գործին, նոր ծրագիրներ ներկայացնելով այս ուղղութեամբ: Սոյն ձեռնարկին ներկայ գտնւեց Առաջնորդ Սրբազանը, ընկերակցութեամբ Թեմական խորհրդի ատենապետ Ռուբիկ Ջանանեանի եւ Գագիկ Ջորջեանի:

Փակման խօսքը կատարեց Սրբազան հայրը, ազատութեան ու անկախութեան գաղափարների համամարդկային արժէքին անդրադառնալով: Յայտնենք, որ մրցոյթներին մասնակցող եւ շահող բոլոր երիտասարդները գրադարանի վարչութեան պետ՝ Նանի Շահմուրադեանի կողմից նւէրներ ստացան՝ ընթերցանութեան հաճելի գրքեր:

 

Զ) Հինգշաբթի, 8 փետրւար 2018

ա) Առաւօտեան ժամը 10։30-ին, Թաւրիզի հայոց ազգային գերեզմանատանը յատուկ աղօթքով պետական յարգանք ընծայւեց հայ հահատակներին: Առաջնորդ Սրբազանի, Ազգային իշխանութեան եւ հայ համայնքի զաւակների կողքին, սոյն աղօթքին ներկայ գտնւեցին Իրանի օդուժի ընդհ. հրամանատարը, Նահանգապետի ներկայացուցիչը, ինչպէս նաեւ Նահատակների պետական հիմնարկութեան տնօրէն դոկտ. Սամադեան, որ նաեւ բանախօսեց այս առիթով: Գերեզմանատան սրահում տեղի ունեցած հանդիսութեան փակման խօսքը կատարեց Սրբազան Հայրը: Նա Էմամ Խոմէյնու առաջնորդած մեծ Յեղափոխութեան եւ Պարտադրեալ պատերազմի նահատակների արիւնը նւիրական այն շաղախը համարեց, որ Իրանցի ժողովուրդը բաղկացնող տարբեր ազգերի, կրօնների եւ մշակոյթների միազանգիչն է: Ապա ներկաները ուղղւեցին դէպի հայ նահատակների շիրիմների մօտ, որտեղ կատարւեց խնկարկութիւն, «Հոգւոց» եւ ծաղկամատոյց: Յայտնենք, որ նոյն առիթով պետական փողերախումբը հնչեցրեց Իրանի քայլերգը, իսկ ծաղկամատոյցի պահին՝ նահատակաց յարգանի մահերգը: 

բ) Կէսօրից յետոյ ժամը 3-ին, «Վադիյէ Ռահմաթ» իսլամական գերեզմանատունը ուղղւեցին Ատրպատականի հայոց թեմի առաջնորդի գլխաւորութեամբ Ազգային իշխանութեան անդամներ՝ Պատգամաւորական ժողովի եւ Թեմական խորհրդի անդամներ, միութիւնների եւ կազմակերպութիւնների ներկայացուցիչներ, ինչպէս նաեւ հայ համայնքի զաւակներ, յարգանքի տուրք ընծայելու իրանցի իսլամ նահատակներին:

Նրանք ծաղկամատոյց կատարեցին գերեզմանատնում: Ապա առաջնորդ Սրբազանը յատուկ աղօթք կատարեց վասն նահատակաց:

 

Է) Կիրակի, 11 փետրւար 2018

Թաւրիզում եւ Ուրմիայում, Ատրպատականի հայոց թեմի զաւակները իրենց մասնակցութիւնը բերեցին 22 Բահմանի յաղթանակի քայլարշաւին առաւօտեան ժամը 11-ից սկսած: Ազգային առաջնորդարանից՝ Թաւրիզում, իսկ Ուրմիայում Սբ. Ստեփանոս եկեղեցուց դուրս գալով, հայ համայնքի զաւակները միացան իրենց իրանցի իսլամ եղբայրներին ու քոյրերին, իրենց զօրակցութիւնը յայտնելու ԻԻՀ յեղափոխութեանը, որը 39-րդ տարին թեւակոխեց այս տարի:

Յարակից լուրեր

  • «Երկիր եւ մշակոյթ» կազմակերպութեան պատւիրակութիւնը Ատրպատականի առաջնորդարանում
    «Երկիր եւ մշակոյթ» կազմակերպութեան պատւիրակութիւնը Ատրպատականի առաջնորդարանում

    Շաբաթ առաւօտեան, 18 օգոստոս 2018-ի ժամը 10.30-ին, Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանը, ազգային առաջնորդարանի «Էմիլ Յակոբեան» դահլիճում ընդունեց, «Երկիր եւ մշակոյթ» կազմակերպութեան անդամներից մէկ պատւիրակութիւն, գլխաւորութեամբ Արամ Ղազարեանի: Հանդիպմանը ներկայ գտնւեց նաեւ Թեմական խորհրդի ատենապետ Ռուբիկ Ջանանեանը:

  • Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը
    Ատրպատականի հայոց թեմի առաջնորդը ընդունեց Հայաստանում ԻԻՀ դեսպանատան մշակութային կցորդի այցը

    Չորեքշաբթի, 15 օգոստոս 2018-ի երեկոյեան ժամը 4-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, ազգային առաջնորդարանի իր գրասենեակում ընդունեց Հայաստանում Իրանի Իսլամական Հանրապետութեան դեսպանատան մշակութային կցորդ Հէյդարիի այցը, որուն ընկերակցում էր նոյն բաժանմունքի խորհրդական Նէզիֆը: 

  • Տօն Վերափոխման Սուրբ Կոյսի
    Տօն Վերափոխման Սուրբ Կոյսի

    Սբ. Աստւածածնայ Վերափոխման տօնը որը միացւել է նաեւ հնամենի տօներից մէկի հետ, բերքի ազնւագոյնի, խաղողի ընծայաբերման, մեր ժողովրդի զաւակների կողմից ամէնասիրւած տօներից է վաղուց անտի: Ատրպատականի հայոց թեմում սոյն տօնը կատարւեց հայաշատ երկու քաղաքներում՝ Թաւրիզում եւ Ուրմիայում, ինչպէս նաեւ Գեարդաբադ գիւղում, մասնակցութեամբ մեր ժողովրդի բարեպաշտ զաւակների: 

  • Ատրպատականի հայոց թեմի առաջնորդը դարձեալ Ղարադաղում
    Ատրպատականի հայոց թեմի առաջնորդը դարձեալ Ղարադաղում

    Ատրպատականի ամբողջ տարածքին սփռւած եկեղեցիների եւ պատմական կոթողների իրավիճակի մասին ուսումնասիրական նիւթերի իր աշխատանքը շարունակելով, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը դարձեալ Ղարադաղում էր:

    Ղարադաղի Ամրադուլ գիւղին առաջնորդ Սրբազանի տւած այցի նկարագրականը ներկայացնում ենք ստորեւ, ի՛ր գրչով: 

  • Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում
    Հայ եկեղեցու հնագոյն թեմի՝ Ատրպատականի հայոց թեմի պատմութիւնը ներկայացւեց Ֆրէզնոյում

    Երեքշաբթի, 31 յուլիս 2018ի երեկոյեան ժամը 7-ին, կազմակերպութեամբ Ֆրէզնոյի «Ասպարէզ» ակումբի մշակութային յանձնախմբի եւ Ֆրէզնոյի հայկական թանգարանի, իւրայատուկ բանախօսութիւն եւ ձեռնարկ տեղի ունեցաւ Միութեան սրահում, ներկայութեամբ մշակութասէր Ֆրէզնօհայութեան: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։